視帝視后

【萬千星輝】回顧10年來TVB歷屆視帝視后 總有一位你最喜愛演員!

最新娛聞

廣告

《萬千星輝頒獎典禮》每年最讓人熱烈討論的獎項當然是視帝視后,而歷屆就有不少人曾得到這個殊榮,有些是眾望所歸,有些則被批評未夠實力。現在與大家一起來回顧,看看你心目中最喜愛的視帝視后是誰!

撰文:Casey@more,東方新地|編輯:東方新地|圖片:TVB、Internet、新傳媒資料庫、東星、Weibo

回顧10年來TVB歷屆視帝視后

2007視帝:陳豪《溏心風暴》

2007年是《溏心風暴》的大熱潮,而男主角陳豪最終不負眾望,憑藉《溏心風暴》的熱門角色「得得地」,擊敗強勁對手夏雨,獨中「我最喜愛電視男角色」和「最佳男主角」兩個大獎,成為雙料視帝

2007視后:李司棋《溏心風暴》

李司棋作為實力派演員,當年重返無綫後,憑《溏心風暴》大契角色深受觀眾愛戴,而劇中的精警金句亦大受網民所歡迎,是以大熱姿態登上視后寶座一,再次攀到事業的高峰。

2008視帝:夏雨《溏心風暴之家好月圓》

當年《溏心風暴之家好月圓》收視高企,掀起全城熱話,而當年的視帝爭議同樣大熱,劇集中的夏雨及陳豪均有被提名而且各有支持者,最終夏雨以「Jo爸」一角的精湛演出奪得視帝獎座。

2008視后:米雪《溏心風暴之家好月圓》

米雪在《溏心風暴之家好月圓》飾演人見人恨的紅姨,讓觀眾看得恨得咬牙切齒,人物塑造的成功更突顯了米雪的演技,讓米雪奪視后的呼聲很高,最終也如願獲得視后寶座。

2009 視帝:黎耀祥《巾幗梟雄》

黎耀祥憑藉《巾幗梟雄》中的「柴九」一角,以大熱姿態奪得「最佳男主角」、「tvb人氣大獎」、「觀眾最愛男角色」,打破TVB有史以來的得獎記錄,成為TVB首位三料視帝,絕對是實力與人氣兼備。

2009視后:鄧萃雯《巾幗梟雄》

於《巾幗梟雄》戲裏飾演四奶奶的鄧萃雯成為出爐視后,演技精湛,是眾望所歸。苦等多年終於封后的鄧萃雯在領獎時說「作為一個演員,其實獎項唔係好重要,所以一路唔攞其實係好嘅,因為畀我自己會更加專心純粹去做好我嘅工作,不過我希望,今日都未係最完美,如果柴九一齊攞,同黎耀祥一齊攞就最完美喇。」結果一如她所願,兩位男女主角分封帝后。

2010 視帝:黎耀祥《義海豪情》

在2010年的頒獎禮中,《義海豪情》無疑是最大贏家。憑藉在《義海豪情》中的精彩表現,視帝由呼聲頗高的黎耀祥奪得,破天荒地首度連莊視帝

2010 視后:鄧萃雯《義海豪情》

《巾幗梟雄之義海豪情》為《巾幗梟雄》的姊妹作,再次由鄧萃雯擔任女主角,雯女最終憑九姑娘一角,蟬聯視后,擊倒勢均力敵的佘詩曼

2011 視帝:鄭嘉穎《怒火街頭》

鄭嘉穎憑著《怒火街頭》一劇,自2006年後,第二度獲得視帝,也是TVB第二位三料視帝,一洗當年被說用約換獎的污名。劇中鄭嘉穎被指演技大躍進,這次視帝算真正被認可演技。

2011 視后:胡杏兒 《萬凰之王》

胡杏兒在《萬凰之王》飾演心機大反派,以大熱姿態撼低陳法拉,同時也獲得觀眾票選「我最喜愛的電視女角色」、「非凡風采女演員」,是TVB史上首位「三料影后」,晉升香港一姐演員的地位。胡杏兒邊講得獎感受邊喊,同時不忘向當時的台下男友黃宗澤公開發表愛的宣言。

 

2012 視帝:黎耀祥《大太監》

當年台慶搞噱頭玩全民票選,全港觀眾一人一票投票,結果黎耀祥憑台慶重頭劇《大太監》第三度封視帝,擊敗賽前大熱林峰,賽果令人驚訝。而其實黎耀祥在《大太監》的演出,有不少網民批評其演技無突破,指第三度奪得視帝榮銜有造馬之嫌。

2012 視后:楊怡 《名媛望族》

憑藉紮實沉穩的演技,成為無線電視當家花旦的楊怡,以《名媛望族》四姨太奪得視后,激動落淚表示「多謝全港觀眾頒這個獎給我。十幾年的路很難走,但我一點都沒放棄走到這一步。」

2013 視帝: 黃子華 《my盛lady》

黃子華憑著《my盛lady》爆冷奪得視帝,擊敗《衝上雲霄2》中的大熱張智霖、吳鎮宇,是台慶首次出現劇未播完就有獲獎的情況,而當日黃子華更缺席頒獎禮,打破無綫向來「無到無獎攞」的常規。

2013 視后:田蕊妮 《巨輪》

田蕊妮在《巨輪》的「倀雞英」一角相當搶鏡,令網民大讚演技有進步,更被認為《巨輪》是其代表作。結果當晚首奪「最佳女主角」及「最受歡迎電視女角色」,成為雙料視后。

2014 視帝: 郭晉安 《忠奸人》

郭晉安在《忠奸人》中飾演奸角,自嘲「做左傻仔做左10年」的郭晉安終於憑藉不是「傻仔阿旺」的角色奪得視帝,他在劇中「奸到出汁」的演繹被網友稱讚成功轉型,追平羅嘉良、黎耀祥三屆視帝的紀錄。

2014 視后:佘詩曼 《使徒行者》

當年的各個獎項均是民意所向,以「釘姐」角色深入民心的佘詩曼勇奪「最佳女主角」和「最受歡迎電視女角色」獎座,演技備受觀眾認可。

2015 視帝:黃秋生 《梟雄》

憑藉台慶劇《梟雄》中喬傲天一角,黃秋生歸巢拍戲便即勇奪視帝大獎,繼影帝、劇帝後首奪視帝獎項。網民大讚黃秋生的演技,稱其即使不說話站著也是在用眼神交戲。

2015 視后:胡定欣 《鬼同你OT》

《鬼同你OT》此劇獲得獲得不少觀眾好評,劇中胡定欣與田蕊妮的「神同步」演技驚為天人,讓不少人都認為當年是她們的視后之爭,結果由胡定欣勇奪「最佳女主角」。

2016 視帝:陳展鵬 《城寨英雄》

憑劇集《城寨英雄》打到拳拳到肉的陳展鵬,勇奪最佳男主角。但不少網民表示講演技,陳展鵬其實未夠資格,替《EU超時任務》「渠頭」王浩信及《致命復活》中的郭晉安不值。

2016 視后:胡定欣《城寨英雄》

胡定欣憑《城寨英雄》刁蘭一角大獲好評,冧莊奪得視后寶座。而在頒獎禮前夕,網上都有不少人希望甚有觀眾緣的朱千雪奪得視后,最終未如所願。

2017 視帝:王浩信《踩過界》

王浩信憑《踩過界》「盲俠」一角成功大熱封視帝,絕對是實至名歸。而賽前另一大熱《降魔的》的馬國明就飲恨只獲「最喜愛男角色」,繼續陪跑。

2017 視后:唐詩詠《不懂撒嬌的女人》

唐詩詠憑《不懂撒嬌的女人》首度獲得最佳女主角獎,爆冷擊敗宣萱、李佳芯等勁敵。唐詩詠在台上灑淚多謝已離世的媽媽,並多謝教她演戲的田蕊妮。但不少網民都留言表示未夠資格「比個女配角拎最佳女主角獎」、「 宣萱都未拎佢憑什麼」,認爲唐詩詠是以續約來換取獎項。

延伸閱讀:

最佳女配角獎候選名單

TVB年度盛事之一嘅《萬千星輝頒獎典禮2018》即將於今個星期日(16日)舉行,今年有20位女演員有份競逐最佳女配角,首先就同大家一齊簡單睇下有邊20位女演員先!

大熱鬥力捧小花爭最佳女配角

|盧宛茵

現年65歲嘅盧宛茵(Madam Lo)因喺劇集《BB來了》演野蠻奶奶葉康麗貞,而成功首獲提名最佳女配角!

Madam Lo係TVB目前其中一個著名甘草演員之一,1973年加入無綫,至今經已45年。多年嚟,Madam Lo演活多個唔同角色,相信大家最記得就係佢咀藐藐個樣!

今年Madam Lo憑《BB來了》飾演入型入格嘅野蠻奶奶,與媳婦對立,引起唔少媽媽共鳴,故大獲一班觀眾讚好!

今次入圍無疑係對Madam Lo演技上嘅肯定,同時亦為今年嘅賽果添一大變數,皆因Madam Lo絕對有爭獎嘅能力!

|林淑敏

上年輸俾朱晨麗而飲恨嘅林淑敏今年再度捲土重來,同樣以「大小姐」名義再次同19位女演員爭獎!

今年,大小姐喺劇集中多次因與「送水輝」(許家傑飾)嘅感情線而成功成為大眾話題,令大小姐人氣完全冇減退反增!

加上,林淑敏喺最近播完嘅《是咁的·法官閣下》中飾演大律師賈慕芝(賈大空),再次成功發揮出大小姐本色,除咗令人對其野蠻本色更印象深刻外,同時亦令唔少人覺得林淑敏嘅演技一直被公司忽視!

因此,喺唔少人都為林淑敏抱不平之下,令其獲獎呼聲變得更高!

|馮盈盈

今年,馮盈盈入圍咗多個獎項,包括「最受歡迎電視女角色」、「最受歡迎電視拍檔」、「最佳女配角」、「飛躍進步女藝員」以及「最佳節目主持」,真係差啲一隻手都數唔哂!

馮盈盈今次憑《果欄中的江湖大嫂》演小狼女一角獲得提名,如果大家仲記得,演出經驗未算多嘅盈盈喺劇中因哥哥黃嘉樂慘死而上演一場爆喊戲,當時唔少人都對嗰場爆喊戲表示讚賞!

加上,盈盈喺劇中飾演酒吧的話事人小狼女,外型Mk味十足,而且有一種冷酷霸氣嘅感覺,喺戲中經常有霸氣演出!其入型入格嘅演出,令唔少觀眾認為佢演得非常神似之外,仲支持盈盈再拍戲!

然而,之前出席活動時就話冇預攞獎,仲笑言當晚都係做星級觀眾,不過貴為TVB力捧做新花旦之一嘅盈盈,若然真如其所言攞唔到最佳女配角獎,都相信仲有機會攞到其他獎嘅!

|張曦雯

張曦雯喺《跳躍生命線》中飾演馬德鐘女友,同馬神嘅一段感情線仲睇到唔少觀眾非常投入!

張曦雯以前只喺兩套劇做過大茄,直至今年機會殺到,仲連續接拍四套重頭劇,套套戲份重、角色討好,被力捧到出晒面!

觀眾緣好、樣靚身材正嘅張曦雯今年被高層點名力捧,加上上年朱晨麗奪得最佳女配角後亦係劇接劇,所以張曦雯勝算亦相對高,絕對係一眾獲提名候選人嘅一大威脅!

延伸閱讀:

最佳男配角獎候選名單

TVB年度盛事之一嘅《萬千星輝頒獎典禮2018》即將於下星期日舉行,講到今年有份競選最佳男配角嘅演員就多達20位,首先就同大家一齊簡單睇下有邊20位男演員先!

黃子恆首先落馬

20位當中包括有從演多年嘅演員如胡楓、姜大衛,亦有比較生面口嘅演員有份一齊角逐最佳男配角一獎!不過,最值得同大家一提嘅就係喺劇集《是咁的,法官閣下》中飾演律師賴澤明嘅黃子恆!

因近日爆出懷疑搞大女粉絲肚一事,有見及此,黃子恆極有可能因喺頒獎禮前爆出桃色醜聞,而無緣獲獎!

3位最佳男配角大熱人選:

|黎振燁

2016年香港先生冠軍嘅黎振燁(Jackson)有份參與劇集《是咁的,法官閣下》,其中佢喺劇中飾演鄧大狀嘅表現令人眼前一亮,皆因黎振燁演技毫不造作之餘,亦相當自然,實屬難得!

加上,當年Jackson選港男時曾言:「我跟太太真係共患難,冇她,我都未必會參選香港先生,所以credit要歸佢!」,愛妻形象入屋,再論身形同外貌喺唔同劇種嘅可塑性亦高,故成TVB力捧對象之一!

對於得獎,Jackson雖曾坦言:「百分之一百有信心係唔關我事」,但演技備受觀眾肯定嘅佢,獲獎機會絕對唔細!

|羅天宇

羅天宇2008年因選香港先生入行,其中喺《愛.回家》中飾演馬子仁一角成功入屋!

羅天宇更喺《跳躍生命線》中一改戲路,飾演見習救護主任譚Sir,為咗演得更似一位紀侓部隊人員,事前更為角色激減20磅兼狂操肌,相當落力!

View this post on Instagram

Grind! Grind! Grind! 💪

A post shared by Joey Law 羅天宇 (@lawjoey) on

加上《跳》出街後,除咗劇集口碑極好之外,羅天宇更成功憑譚Sir一角再度引起觀眾關注,演技亦大獲好評,所以今年跑出嘅機會大大增加!

|張彥博

講到《跳》當然不得不提有份飾演雄姐嘅張彥博啦!喺《跳》中,雄姐一角性格溫柔體貼、單純天真,係全劇最受歡迎角色之一,加上殉職一幕,更令觀眾極為心痛!

其中,編審安排雄姐暗戀對象李靖筠含淚彈結他,讓觀眾從入學堂開始到出班一同回顧雄姐點滴,一幕幕回憶的確賺人熱淚!

講番張彥博,繼年前《一屋老友記》中細寶一角而成功入屋後,今年再憑《跳》中演救護員雄姐一角再爆紅,明顯其獲獎呼聲亦高!

不過,話雖如此,因張彥博今年已轉簽王祖藍公司,所以唔再係TVB親生仔,呢個因素極有可能影響佢得獎機率!

延伸閱讀:

2018年視后走勢全面分析

1. 陳煒

今年大熱必定係陳煒,2012年由亞視轉去TVB後都有不少演出。

今年憑劇集《果欄中的江湖大嫂》「李夢露」一角,演繹出外表剛強內心柔弱的果欄欄主,一腳踢打理果欄,對抗反對她的其他欄主。

2018年都可以話係陳煒最豐收嘅一年,除咗《果欄》做女主角之外,亦都憑住《宮心計2之深宮計》奸險霸道的太平公主角色,成功令觀眾憎到佢入心入肺。

而太平公主呢個角色面對住駙馬藏著內疚感,真係少啲內心戲都唔得。

2. 李佳芯

李佳芯(Ali)最能夠吸引男觀眾,Ali五官標緻,經常喺IG 發布自拍派福利。角色方面,不論做新手媽媽定係性感法官都得。今年就憑住一套令新手媽媽爸爸、奶奶都有共鳴嘅《BB來了》成功入圍競逐視后。而《BB來了》亦係2018年最高收視劇集三甲。

對比起陳煒,Ali演技就未太爐火純青,劇集咁高收視好大機會都係因為吸引咗一班媽咪收睇。

3. 林淑敏

林淑敏喺《愛·回家之開心速遞》大小姐一角入晒屋,上年台慶只係提名到最佳女配角獎項,引來大批網民反對,認為大小姐先係佢哋心目中嘅女主角。

今年大小姐終於有份入圍最佳女主角,相信係TVB對佢嘅一個肯定。不過相比起大熱陳煒嚟講,大小姐演技似乎未追得上。

4.蘇玉華

蘇玉華演技好就唔使多講啦,今年佢憑《平安谷之詭谷傳說》入圍,可惜呢套劇收視麻麻兼且年頭已經播出,真係唔提返都未必有人記得。

不過蘇玉華對於電視台女主角獎或者唔會有太大競爭慾望,畢竟佢最主要都係舞台劇演出。

5. 朱晨麗

朱晨麗喺《特技人》係第一次擔任女主角,去年憑《超時空男臣》奪得最佳女配角時被部分網民批評演技唔掂,完全唔配拎獎。

短短一年間,雖然朱晨麗演技有明顯進步,咬字都清晰咗,只可惜今年競爭激烈,由於煒哥坐陣,朱晨麗都未必有機會拎獎喇!

6. 楊怡

劇集《再創世紀》入面,楊怡飾演一個用手段上位但係都有愧疚心嘅女強人,同其他人喺商場上爭奪全港第一富豪。

不過劇集收視認真麻麻,相信都影響到楊怡奪后機會。

7. 黃智雯

被指係今年黑馬嘅黃智雯憑《三個女人一個因》,飾演一個人格分裂嘅角色,可以話係獨腳戲咁滯。

黃智雯憑住呢獄劇亦大受網民肯定,而演技都確實係大有進步。相信今年同陳煒有機會較量嘅就只有佢。

TVB高層暗示今年「最佳劇集」

電視廣播有限公司主席陳國強博士發布了以《無懼挑戰 TVB「50+1」再出發》為題的台慶賀詞,一開始陳國強便對TVB大加稱讚,指出即便香港未來發展仍然充滿變數,但影響不了TVB慶祝大力發展OTT平台myTV SUPER、TVB Anywhere及網上社交娛樂平台Big Big Channel的成果。

而陳國強在賀詞中也指名稱讚四套劇集,包括《宮心計2深宮計》、《再創世紀》、《跳躍生命線》和《是咁的,法官閣下》,認為它們成功吸引了內地觀眾,也就是說,這四套劇集在其眼中均為好劇集。

這句話從主席口中說出來,這四套劇集的地位自然是馬上提高了的。

哪一套勝算比較高?

跳躍生命線》和《是咁的,法宮閣下》雖然口碑不錯,在香港內地都有好收視,加上是台慶劇,理應是有機會的,但可惜它們非一線藝人佔大多數,不能算是星光熠熠的大製作。

去年最佳劇集由《誇世代》獲得,最主要原因是劇中幾位TVB一線或資深藝人,包括歐陽震華、陳豪、田蕊妮和李佳芯等。

而2015年的最佳劇集《梟雄》更有黎耀祥、黃秋生和湯鎮業,所以這《跳》和《是咁的》要得到最佳劇集似乎有一點難度。

反觀而言,《宮心計2深宮計》和《再創世紀》有很多一線藝人又能符合TVB合拍劇的大方向,看起來勝算也是很大的。

很可惜《再創世紀》的「7天跨平台總收視」從沒試過高於24點,全劇平均收視只有22點。

然而,《宮心計2深宮計》全劇平均有29點,兩者差距甚大!

所以感覺上《宮心計2深宮計》勝算會更大一些,不過最後結果如何,還是要等到頒獎禮才會知道。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!