12月預產期 隨時生得！李亞男 王祖藍 晒甜蜜孕照
撰文：Kayla(原文刊於Sunday Kiss)｜圖片來源：王祖藍instagram李亞男IG
王祖藍今次一改搞笑嘅態度，再冇扮鬼扮馬，同李亞男影咗一輯Sweet爆孕照，留底美好回憶。王祖藍仲抵死留言「我都就生」，皆因自己都有個大肚腩，同李亞男肚入面個BB相映成趣！
李亞男搞Baby Shower迎接愛女
早前兩夫妻仲為愛女大搞生日兼Baby shower派對，圈中好友均到場祝賀。李亞男喺社交網晒出好友合照，更用英文留言，多謝大家：「Thank you all for your love and welcoming our baby girl into this world !! can’t wait to meet her !」
唔少圈中好友都有出席，包括苟芸慧、李璧琦、陳明恩、陳美詩、孫耀威及陳爽等。
最近升呢做媽媽嘅宋熙年都有出席。
鄺文珣仲帶埋囡囡捧場，出席嘅賓客都紛紛喺社交網大晒聚會合照。
王祖藍首發BB超聲波照 網民：個鼻超似爸爸！
雖然B女尚有兩個星期才會正式跟大家見面，不過爸爸王祖藍已經急不及待在Instagram上分享BB的4D超聲波照，不少網民還留言指B女的鼻子很像爸爸王祖藍，令人更期待BB的來臨！
李亞男陀B音樂胎教
李亞男上星期貼出自己的孕照，表示同肚中的小baby girl去聽音樂會，實行音樂胎教，仲話囡囡好鐘意聽音樂（Bringing baby girl to a concert.she really loves music）。網民都大讚，媽媽陀得好靚，好期待「小祖藍」出世。唔洗急，大家好快就知道BB，似李亞男定王祖藍喇！
李亞男經常笑言丈夫基因太強，如果生女似爸爸就大獲，但真係係囡囡呀！李亞男在個人Instagram上載了一張孕照，肚上就用粉紅色寫了「Baby Girl」，留言指：「今日小公主陪我開工，佢好乖！」
胎動似攪肚痛
李亞男有咗4個月時，狀態仲好好，冇增磅，冇腰痛，又冇乜作嘔作悶，胃口都OK！不時仲去行吓公園，希望對將來順產會有幫助。
李亞男話，初初感受到胎動嘅時候，感覺好奇妙，好似攪肚痛咁！
未決定順產定開刀
李亞男話而家仲未決定順產定開刀，因為王祖藍實在太忙喇，怕BB出世會撞正爸爸要開工，如果開刀嘅話，爸爸就可以提早請定假！
李亞男：BB好錫媽咪
有網友就關心懷孕初期的李亞男早上有沒有晨起嘔吐、噁心、喜食酸物或厭油膩等妊娠反應，李亞男就表示，BB好錫媽媽，佢暫時都未經歷過孕期的任何不適，只會每日覺得好攰，又會頻頻「尿尿」。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
