洪永城新女feature

與唐詠詩分手一年半 洪永城被爆秘撻30歲「長腿冰女」

藝人洪永城(Tony)同唐詩詠(Natalie)分手年幾,之前有指佢想翻撻詩詠,不過最終無成真。近日被傳媒影到佢秘撻30歲有「長腿冰女」之稱嘅模特兒梁諾妍,仲話二人喺男方西貢寓所共度春宵後離開,唔通Tony成功上岸?

撰文:東方新地 |圖片:Instagram

洪永城被爆秘撻「長腿冰女」

洪永城(Tony)同唐詩詠(Natalie)分手年幾,近日被傳媒影到同「長腿冰女」模特兒梁諾妍來往。舊年被影到同前女友唐詩詠約會,疑似復合,當時Tony一直講想搵個新嘅女友,估唔到年幾後終於「出Pool」喇!

有傳媒影到Tony同30歲模特兒梁諾妍喺男方寓所共度春宵後離開,不過梁諾妍八月時都仲話自己有個拍咗拖兩年嘅北京男朋友,唔知係雙方和平分手後先接受Tony,定係Tony介入戀情呢?當傳媒問到Tony女方有無男朋友時,佢就話:「佢應該無,以我所知。」仲叫大家畀啲空間佢。