羅天宇兄弟為母慶生 阿媽型爆似足家姐
撰文：東方新地 ｜圖片：Instagram
羅天宇兄弟為母慶生
31歲嘅羅天宇（Joey）08年參選香港先生奪得少年組冠軍，不過喺競選總冠軍時落敗。羅天宇參選後加入娛樂圈，以處境劇《愛回家》馬子仁一角成功入屋。據知羅天宇四個月大時生父就一走了之，胡媽媽 （Barbi Law）獨力養大羅天宇，之後改嫁前無綫藝員胡越山，並生下胡㻗。雖然兩兄弟唔同爸爸所生，但係都非常親密，經常見到羅天宇會喺IG PO兩兄弟嘅合照。
之前劇集《跳躍生命線》入面講述羅天宇幫阿哥（何廣沛飾）擋咗一刀，細佬胡㻗隨即喺IG上話睇到眼濕濕，更話下次佢幫阿哥擋一刀喎！可見雙方感情真係好好。
近日胡媽媽生日，兩兄弟都不忘同媽媽慶生，兩個都發別喺Instagram上發布合照，相中見到媽媽坐喺兩兄弟中間，戴住Cap帽同大耳環，非常有型。就咁睇都完全睇唔出胡媽媽育有兩個大男孩，張相一出，唔少網友都紛紛留言話覺得胡媽媽似家姐多過阿媽！
其實之前羅天宇都有Po過同媽媽嘅合照㗎，不過之前啲相就睇落有一定年紀，但係胡媽媽都好識襯衫扮靚，所以網民都覺得佢好正，大家又覺得呢？
胡㻗劉穎鏇被影到西貢車廂談情
報道指劉穎鏇前晚出席劇集《兄弟》的飯局，離開時鬼祟步往附近商場，然後被影到登上胡㻗座駕，直駛西貢銀線灣。據稱胡㻗在一隱蔽的幽暗處停車，然後二人於車上摸黑蜜會20分鐘！直至記者上前採訪，劉穎鏇及胡㻗表現驚訝又慌張，隨即駕車離開。報道又指劉穎鏇本來塗上鮮紅色唇膏，但下車後明顯唇膏「離奇地」甩晒色，點解呢？
胡㻗只係好朋友？ 劉穎鏇聲淚俱下否認「車震」
早前劉穎鏇與森美及一眾「是非精」拍攝《學是學非》，被問到係咪同胡㻗拍緊拖，佢表示同對方係同一年的港姐、港男，之後再一齊上演員訓練班，只係好好的朋友。而兩人當晚唔係話特登要去西貢銀線灣，純粹係大家傾吓偈，劉穎鏇又指自己唔熟香港，唔知去嗰個地方會令人誤會。
唔希望大家會誤會
提到被指當時「車震」，鬼妹仔劉穎鏇就反問呢兩個字點解，而知道箇中意思後更激動得聲淚俱下！劉穎鏇稱兩人當時只係喺車傾偈，唔明點解會有呢個字眼出現，佢自己喺美國嚟香港，作為一個新人一直好努力工作，唔希望大家會有咩誤會。
劉穎鏇又稱，當時喺車上見到有人出嚟用閃光燈狂影，場面實在太恐怖，所以嚇到即時縮低頭，而且面青口唇白，結果又令大家誤會了。最後佢強調與胡㻗唔係男女朋友，所以無咩要避忌，又讚對方係個好男仔，好識照顧人。
羅天宇弟弟 香港先生第四名
劉穎鏇係2016年港姐亞軍，而胡㻗就係2016港男第四名，胡㻗樣貌不俗，身材高大健碩，當初面試時都被視作熱門，不過未能奪三甲。
胡㻗被蘇韻姿搞「硬」？
2016年時港姐破天荒與停辦幾年的香港先生合辦，其中蘇韻姿在泳裝環節大晒33C招牌心形胸，極盡性感誘惑人！胡㻗當時一同進行問答環節，扮演一對多年好朋友，胡㻗仲忽然搭實Andrea膊頭，抽晒水喎！不過之後胡㻗突然表情生硬，仲一直用手遮住重要部位，原因就得佢自己知啦！
日久生情唔出奇
2016年時，TVB史無前例將香港小姐及香港先生合併舉行，所以胡㻗與劉穎鏇參選期間已經認識，之後齊齊就讀藝員訓練班做同學。睇返胡㻗社交網站的大合照，發現佢同劉穎鏇都經常喺不同場合同場，年紀相近又係靚仔靚女，日久生情唔出奇！
同是籃球健將：
《兄弟》一齊拍：
湯洛雯羅天宇《愛．回家》擦出愛火
湯洛雯首次演出的劇集《愛・回家》，當中佢飾演思思一角深受觀眾歡迎，清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認，並一直聲稱了解中，但大家早已認定佢哋係一對！
堅稱「了解中」
靚湯與羅天宇一直了解中，期間多次被被傳媒拍到佢哋睇戲約會。雖然羅天宇有個外號叫「女神殺手」，但「靚湯」看來沒有介意，更力撐羅天宇好仔！
事關有報道指，羅天宇已經見過女方家長，而「靚湯」大讚羅天宇專一好仔，看來二人發展十分穩定。
湯洛雯吻賀壽星仔羅天宇
去年10月1日係羅天宇30歲生日，男人三十而立當然要好好慶祝，邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相，連靚湯妹妹Cassandre亦有現身，可見兩家人關係融洽。而重點係，慶祝到興起之際，靚湯為捧著蛋糕的羅天宇送上深情一吻，冧爆一幕被拍下在網上流傳，男粉絲們真係心碎了！
湯洛雯與羅天宇分手
原來表面上一直好sweet的湯洛雯同羅天宇今年3月分手，羅天宇接受傳媒訪問時表示兩人係和平分手，分開後仍然有繼續聯絡同關心對方，希望大家俾啲空間佢哋。
傳羅天宇火速撻著陳瀅
雖然有指湯洛雯同羅天宇近半年無數次合合分分，經常嗌交，所以最終決定分開。不過事情似乎唔係咁簡單，因為據知有樣(ok啦)有家底的羅天宇，畀鍾意同有錢人做朋友的陳瀅睇中，兩個人行得好埋，成日見面，唔知係咩關係啦！
陳瀅喺大排檔拍「挑戰發呆1分鐘」影片時，據知唔少人都見到羅天宇亦在場，新歡舊愛都係粉絲萬千的靚爆女神，羅天宇真係唔簡單呀！羅天宇亦有對此回應，稱其實當日係一班人食飯，仲話唔好意思累咗陳瀅喎…
羅天宇被指與陳瀅暗撻半年
羅天宇被爆出已火速撻著另一大台小花陳瀅，之後再有周刊爆指他與陳瀅已經暗撻半年，計落就與他分手再撻著陳瀅的時間幾吻合！
羅天宇與陳瀅有份拍攝新劇《跳躍生命線》，日對夜對地拍劇，難道真的對出真感情？不過，二人就算一齊合照，都搵個中間人何廣沛隔住，會否無私顯見私呢？
睇落三人非常老友，不時合照留念，大家笑得幾開心！
前後腳入場睇戲
又有周刊除指羅天宇與陳瀅已暗撻半年外，更指二人相約周志文同劉佩玥一共四個人，個個前後腳入場睇戲，陳瀅更提早半個鐘離場！
男方親身咁回應
為求事實的真相，有傳媒親身向羅天宇求証傳聞與陳瀅拍拖一事，而他回應表示不是與女方拍拖，但強調自己目前單身！
湯洛雯高調回應翻撻傳聞
湯洛雯與前男友羅天宇上年年底分手，雖然二人分手近大半年，但就有傳指羅天宇一直對靚湯念念不忘，而近日靚湯似乎對於ex嘅未了情有所回應，喺個人社交網上載一段歌詞，令不少網友都大估靚湯係想憑歌寄意！
由於歌詞中提及「緣若盡了，就不該再重來」，難免令人會以為靚湯係想揮慧劍、斬情絲！為咁親証事件真偽，靚湯亦大方接受傳媒追訪，表示自己純粹認為首歌好聽，所以分享一下。
靚湯仲坦言話都知道有網友會對佢上載嘅相有所猜想，但佢笑指大家真的想太多了。
至於前男友羅天宇就冇正面回應翻撻傳聞，只係向傳媒表示對方都有話佢知，純粹只係覺得首歌好聽，並冇特別意思。但點解靚湯要同前度解釋？
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
