兄弟姊妹去旅行

網友:又一垃圾節目!插爆《兄弟姊妹去旅行》兼總結埋三大死因

最新娛聞

廣告

近期無綫播出嘅《兄弟姊妹去旅行》搵嚟蕭正楠、曹永廉、胡定欣、姚子羚擔任主持,有留意開嘅網民都知佢哋幾個一直都係好朋友,老友鬼鬼嘅佢哋今次仲可以一齊去旅行,相信會有唔少火花!

撰文:娛聞樂 | 圖片:李施嬅IG﹑香港討論區、TVB截圖、蕭正楠Facebook

佢哋幾個一向出名玩得又講得,大家互相串嚟串去都無有怕,一眾觀眾就最鐘意睇佢哋四人之間嘅互動!

但網民對呢個節目就評價麻麻啦,佢哋歸納咗三大主因:

1.唔夠爆

不過有巴打就唔係幾滿意佢哋今次嘅表現啦!佢表示以前子羚明明講過會喺《兄弟姊妹去旅行》瘋狂派甜,但點知最後連砂糖都無粒 。

巴打覺得好失望,仲話啊田套《女人四十》派甜仲多過佢哋!

巴打本來一心期待子羚會有更爆嘅言行,因為上次佢喺《兄弟大茶飯》就表現好出色!

即睇,傳送門:0:50-1:09

不過,其實再留意清楚啲,節目中佢哋都有講啲「有味」對話,仲有Keep住講嘅。

2.內容好悶

悶係一個節目嘅死忌,即表示你吸引唔到人去睇!有巴打都話係俾宣傳呃咗入去睇,明明就好悶!佢哋無認真介紹到有咩好玩,就係喺度嘻嘻哈哈!

個個都話又悶又唔好睇!

3.節目一忽忽

可能佢哋之間「有味對話」太多,所以就要後期剪接剪走晒啲對話,搞到啲內容一忽忽,巴打話睇到好辛苦!無計啦,始終係俾一家大細睇,費時俾人投訴有不雅內容啦!

相關新聞:

捱足15年終吐氣揚眉 李施嬅擊敗過百演員獲加拿大新劇女主角

在TVB出道了15年的李施嬅演技一向備受認同,但是在大台15年來她都沒有得到過獎項,心灰意冷的她在國外卻得到了賞識,不但意外獲得演出機會還奪下了雙料影后,還打敗了過百名演員,取得加拿大新劇《Blood And Water》的女主角,衝出國際發展!

捱足15年終吐氣揚眉 李施嬅擊敗過百演員獲加拿大新劇女主角

李施嬅(Selena)在TVB拍攝過不少出色的劇集,《樓奴》、《寒山潛龍》、《紫禁驚雷》中的表演都讓人印象深刻,更獲得了「萬千星輝頒獎典禮」最佳女主角的提名。不過在大台已經出道15年的李施嬅從配角做到女主角,但15年依然沒有得到任何獎項,讓她感到灰心,甚至開始懷疑自己的能力。

Selena在美國遊學期間因一次機緣巧合下自薦出演微電影《Once More》,意外獲得了「European Cinematography Awards」同「Los Angeles Film Awards」最佳女主角,成為雙料影后,讓她的演技得到國際的肯定!最近Selena更在加拿大劇集《Blood And Water》第三季中擔任女主角,聽說這個角色也是Selena努力爭取回來!

由於李施嬅在外國的名氣並不如香港,所以當地的導演、監製對她都完全零認識,完全要靠自己的實力去把角色爭取回來,Selena在試鏡中成功打敗了過百個演員,成功贏得女主角,果然「真金不怕烘爐火」,有實力始終會被人賞識的!

另外一個新挑戰就是角色類型,Selena在TVB主要的戲路都是美女氣質類型的角色,偶爾才飾演一次奸角,但是在《Blood And Water》裡面首次飾演大反派女殺手Michelle,槍械打鬥場面都不少,由黑警逐漸變成殺手,內心戲絕對不簡單!

Selena之前也談過和TVB續約的問題,最近李施嬅就被監製梅小青賞識開拍《法證先鋒IV》擔正做女一,看來Selena終於守得雲開見月明,有機會可以飾演到TVB的重頭戲,希望到時能帶給觀眾更多的好戲!

 

李施嬅 肌膚繃緊

03年參選香港小姐入行的李施嬅,今年被安排在「第46屆香港小姐」選舉 決賽中擔任評判,要同新一屆佳麗同場出鏡鬥靚,37歲的她卻能逆齡生長,相比當年22歲參選時仍然零皺紋,當晚出鏡時肌膚繃緊眼肚消失愈變愈靚,同新婚陳凱琳、田蕊妮坐埋一齊,就有網民表示差啲認唔到佢。

晒海外獎爆喊

在《胡說八道真情假期》節目上,提到攞獎就一度感觸落淚,原來當時她剛憑微電影《Once More》在海外攞咗兩個女演員獎,拿住獎項同好姊妹分享時,她就爆喊表示演技終於獲得肯定,令她對自己有番信心,嚇到一班姊妹即時安慰佢;早前有消息指她計劃明年約滿無綫唔再續約,據知情者透露:「入咗行咁多年,每年台慶頒獎禮都係陪坐,連一個女配角獎都未攞過,Selena其實都好心灰,成日都呻話到底自己係咪真係唔得!」

取替楊怡

李施嬅再次被監製梅小青賞識,在10月開拍的《法證先鋒IV》擔正做女一,同男主角譚俊彥繼《天命》後再次合作,但唔講唔知,原來呢個機會亦得來不易。據知情者透露:「《法證》系列可以話係收視保證,以前好多藝人都係拍呢套劇紅咗,所以Selena知道小青姐會用佢,不知幾開心,不過,其實小青姐籌拍初期女一人選係楊怡,不過阿怡想休息趕生B推咗,反而益咗Selena!」執到好籌有機拍TVB重頭劇,難怪李施嬅要落力變靚!

李施嬅 4.0變靚 進化史

03年原始版

03年參選香港小姐獲「最上鏡小姐」及「才藝小姐」兩獎,不過睇番當年李施嬅個樣同依家的確相差頗大,矇豬眼,無鼻樑,身材亦唔多突出。

14年進化版

14年拍《樓奴》演出被讚,而且樣子甜美。

16年變靚版

前年出席活動,李施嬅輪廓愈見鮮明,睇落仲有啲似好姊妹胡定欣。

18年再進化 忽然緊緻!

日前有份擔任今年港姐評判的李施 嬅,雖然風頭不及新婚陳凱琳及一班新任港姐,但面容忽然緊致脹卜卜,睇落比當年22歲參選時更標緻,睇嚟呢位師姐應該可以教吓班佳麗有乜方法可以愈變愈靚。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!