陳智燊

41歲陳智燊生日 宋熙年晒一家三口全家福超溫馨

最新娛聞

廣告

藝人陳智燊(Jason)今個月12日就41歲生日,這次是Jason升呢做爸爸後的首個生日。於是,Jason孖老婆宋熙年(Sarah)帶著三個幾月大嘅囝囝Damon出外慶祝,兩夫婦喺社交網大晒首張一家三口聖誕全家福,十分溫馨。

撰文:Chloe(原文刊於:SundayKiss) | 圖片:宋熙年IG、陳智燊IG | 編輯:東方新地

陳智燊晒一家三口溫馨全家福

陳智燊(Jason)昨日(12日)41歲生日,這亦是升呢做爸爸後的首個生日。Jason同老婆宋熙年(Sarah)帶著三個幾月大嘅囝囝Damon齊齊出外慶祝。一家三口更在聖誕樹下拍攝全家福,超級溫馨呀。隨後,Jason在社交網分享照片,並留言:「呢日為我最想做嘅就係陪我兩個小情人、帶Damon到公園以及影低呢張溫馨的聖誕全家福。」相中可見Jason和Sarah穿上情侶裝,望著囝囝Damon,甜到漏呀!

呢日,Jason一早起身,就甜蜜晒出老婆同囝囝嘅床照。

宋熙年高調放閃 送甜蜜祝福

而老婆宋熙年就高調回覆Jason,兩公婆齊齊晒溫馨全家福,Sarah甜蜜留言:「過聖誕嘅同時順便同陳生慶祝生日,Jason最想做嘅就係帶著我同Damon外出慶祝,當然唔少得有全家福啦」

較早時,Sarah已經晒出Jason同寶貝仔Damon嘅合照,並留言:「今日我老公休息,雖然唔係佢最上鏡嘅角度,但呢個一定係我最愛嘅畫面,夠晒投入又充滿關懷,愛和勤奮…時間過得真快,又過了一年又大一歲…… Damon說「生日快樂爸爸,你是我的英雄」」

囝囝百日宴 宋熙年:比想像中更愛大小陳生

我覺得我迄今最大成就是組成咗屬於自己的家庭。好多謝兩位大小陳生,一直以來帶給我的所有快樂。 Damon祝你百日快樂,爸爸媽媽比你想像中更愛你…… 並且好感謝你選擇我們成為你的爸爸媽媽…

「my biggest achievement to date is starting my own family. 
Thank you Mr. Chans (senior and junior) for all the happiness 
you have brought me. Happy 100 days Damon. Mummy and Daddy love you lots and lots…. And thank you for allowing mummy and daddy to be matchy matchy with you …」

宋熙年一家三口著上型爆親子裝搞百日宴,原來爸爸媽媽裡面件T恤都好有心思㗎,Sweet爆呀!小朋友喺百日宴要對住咁多人難免會扭計,貼心爸爸Jason仲幫乖仔整咗個「替身」,等所有到場嘅親朋好友都可以同Damon合照留影。

相關新聞:

自認係緊張爸爸 陳智燊每朝掛住抱仔唔願返工

剛榮升為人父兩個月的陳智燊(Jason)接受電台訪問,佢笑指囝囝Damon出世兩、三個星期時,自己掛著湊仔直頭唔想返工,又坦言自己比太太宋熙年更緊張阿仔,自認係個緊張爸爸。

陳智燊掛著抱仔唔返工

藝人陳智燊(Jason)到電台接受訪問,笑指囝囝出世後頭兩、三個星期,每朝起身就抱實B仔,成日抱到差不多要遲到先捨得放低囝囝趕出門,出門前又要抱和吻兒子幾分鐘才願出門。

不過,Jason指最近開始提醒自己「要聽話」,寧願放工返屋企再慢慢抱。同時,佢又坦言比太太宋熙年更緊張阿仔,因為自太太陀B到現時都不時上網搵湊B資料。

View this post on Instagram

S❤️J . . . . #tbt #nye2017 #myfamily

A post shared by Sarah Song 宋熙年 (@rahrahsong) on

公開仔仔正面相

兩位新手爸媽一直忙緊照顧BB,甚少喺IG分享BB嘅近況。日前,陳智燊少有貼兩張咗B仔相,留言問大家「BB似邊個多啲」,而他認為BB眼仔似媽咪,鼻仔同嘴仔似自己,仲叫大家估下耳仔似邊個。

陳智燊又放咗一張影住仔仔腳帶嘅相,留言話「我們會一直牢記2018年,由二人變三人家庭一年。我們現在有了一個屬於我們嘅兒子,又或者是屬於 Sarah嘅兒。」

 

 

一索得男 母子平安

31/8 陳智燊宋熙年同時更新IG,原來佢哋嘅愛情結晶「Boss baby」出世喇!仔仔重6磅非常健康!

新手爸爸Jason早前接受訪問時表示,心情好興奮。之前老婆仲係大住肚,BB而家出咗世,成件事唔知點去消化,覺得好得意、好神奇!而佢亦都有陪老婆入產房,過程好順利!

新手爸爸覺得好充實

Jason早前出席活動時,個樣都明顯好攰,佢話BB已經兩個星期大,試過幫BB沖涼,雖然自己都幾驚,但係對BB嘅喊聲都冇厭倦感覺。而家出親去做嘢都會好掛住BB,放工唔係返屋企,就係去買BB嘢,日常生活已經離唔開BB,好充實!

據知,Jason喺醫生傍住之下,幫囝囝剪臍帶!佢話當時好似剪綵咁,醫生仲叫佢影咗相先!剪完BB仔冇事,佢自己都冇嚇親。Jason覺得BB瞓覺個樣好甜,好似媽咪,不過朋友就個個話BB 似爸爸。

Jason話Sarah想再生多個女,嚟緊佢哋會再好好計畫吓!

新手媽媽容光煥發

早前Sarah至喺IG出PO抒發產後嘅感受,仲話自己身形同個樣都未「還原靚靚」,但係尋晚Jason就喺IG PO咗Sarah張個人大頭相,就見到Sarah容光煥發,又冇水腫又冇起斑,精神又好好,就好似Jason咁講,好Amazing呀!

慶祝結婚兩周年

另一邊箱,Sarah就PO咗張恩愛放閃相,仲話好感激老公皇恩大赦,畀佢放監3個鐘,同埋畀佢着番5個月冇着過高踭鞋,同佢一齊扮靚靚食呢餐結婚兩周年飯!

不過始終都仲未坐完月,食完好西,又要返去繼續坐⋯⋯月喇!

現年40歲的陳智燊(Jason) 與32歲前華姐宋熙年(Sarah)於2016年結婚,婚後一直幸福美滿!

陳智燊宋熙年拍拖7年,愛得甜蜜,不時被催婚,終於在2015年暑假,忙於拍劇的Jason特意「即日來回」澳洲,趁Sarah與家人慶祝生日時,送上鮮花及親自設計的鑽戒求婚,讓Sarah驚喜萬分。2016年,兩人在英國東薩塞克斯郡的Buxted Park Hotel完婚。

兩夫妻接受無綫節目《東張西望》訪問時,Jason表示愛妻宣言要讀多次才抱得美人歸,「要求高到不得了,要一隻隻字好有愛讀出嚟,嫌我講得太慢,要快啲,結果講咗兩、三次先收貨。」

宋熙年 爆陳智燊勁緊張

陳智燊和宋熙年閈早前以夫妻檔出席新車發布會,兩人笑言已經準備咗好多迎接BB嘅嘢,又表示唔介意用二手嬰兒產品,講番剛開始知道懷孕時嘅心情,兩人都話好無助:「因為未夠三個月,唔可以話畀任何人知,唔可以問其他人。」所以當時陳智燊都是依靠網上嘅資訊來照顧老婆。

宋熙年又透露胎兒性別係男仔,仲話雙方父母對抱孫都覺得好開心,不過陳智燊就笑言:「我呢邊都係兄弟,父母比較想抱孫女!」

而問到老公係咪特別緊張佢懷孕嘅狀態,宋熙年甜笑指:「佢每個小時都講三次,叫我小心、小心、小心,唔能夠食啲咩嘢咁。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
陳智燊