唐詩詠

新劇《解決師》造型曝光!唐詩詠 化身仙氣Miss

加入電視台15年,唐詩詠無論人氣或演技都愈嚟愈勁,去年更憑《不懂撒嬌的女人》榮登視后寶座,一步一腳印,捱到今時今日唔容易㗎!

撰文:東方新地 圖片:新傳媒圖片、唐詩詠IG

唐詩詠 化身仙氣Miss

話還話,電視台地位同演技需要時間同經驗累積,不過有樣嘢,詩詠咁多年都冇變,之唔係仙氣囉!新劇《解決師》雖然仲未出街,不過早排時運高撞到詩詠同王浩信拍外景,搶先畀大家睇吓詩詠BB個靚爆省鏡仙氣Miss造型先。

喺新劇《解決師》中扮演中學音樂老師嘅黑幫千金嘅唐詩詠,去到邊都仙氣十足,又充滿陽光笑容,見到人都精神啲、心情靚啲。

雖然榮升視后,詩詠BB同過往一樣平易近人,唔使埋位時同演員閒談,笑容燦爛到似拍牙膏廣告一樣。

話說喺新劇《解決師》中飾演音樂老師,背景實情係黑幫千金,不過橫睇掂睇,詩詠長髮飄飄、身穿間條長裙、腳踩白色皮鞋,烈日當空下露出甜到漏嘅陽光笑容,除咗仙氣一啲「黑」背景都見唔到。睇完大家係唔係都好想知Miss Tong喺邊度教書,好想去報名做學生呢?