黃日華

重溫57歲黃日華昔日8、90年代相 戲裡戲外好男人!

最新娛聞

廣告

無綫深宵重播劇集《義不容情》高潮迭起,終於進入大結局,劇中善良老實又重親情嘅丁有健,同現實世界中嘅黃日華亦都係個好男人,今次搵嚟華哥八、九十年代圖輯,唔睇係損失!

撰文:東方新地|圖片:東方新地

重溫57歲黃日華昔日8、90年代相

|81年 首擔正成名

黃日華80年藝訓班畢業後做咗成年二打六,81年終於喺 劇集《過客》首次擔正演為報父仇嘅獨行殺手,一身西裝風度翩翩加all back油淋淋髮型,首次做男主角就爆紅。

重溫57歲黃日華昔日8、90年代相 戲裡戲外好男人!

|82年 廿年活力足

82年頭戴 cap 帽當年仲未滿21歲嘅黃日華,替無綫官方刊物影相,呢個起跑動作切合佢好動本色,盡顯無限活力。

重溫57歲黃日華昔日8、90年代相 戲裡戲外好男人!

|82年 罕見光頭look

黃日華82年喺劇集《天龍八部》演少林虛竹和尚,首次以光頭 look 示人,憑萌呆演出成為華哥另一經典角色,圖右陳復生就演愛上姐姐未婚夫喬峯嘅段阿紫。
重溫57歲黃日華昔日8、90年代相 戲裡戲外好男人!

|83年 永遠的郭靖

《射鵰英雄傳》以83年版被公認為最經 典,黃日華演活小說中郭靖嘅戇直敦厚淳樸,佢同由翁美玲飾演活潑聰明、刁蠻任性嘅黃蓉,被譽為最佳同「最經典郭靖黃蓉」。

重溫57歲黃日華昔日8、90年代相 戲裡戲外好男人!

|83年 孖華女暢游

83年6月黃日華孖女友梁潔華水著上陣到清水灣海灘替周刊影相同做專訪,兩人手翹手、含情對望展示佢哋打風都打唔甩。

重溫57歲黃日華昔日8、90年代相 戲裡戲外好男人!

|85年 大玩三角戀

黃日華85年喺古裝劇《 碧血劍 》演袁承志,劇中豪邁英氣,同毛舜筠演嘅明朝末代公主阿九、莊靜而演嘅金蛇郎君遺腹女溫青,喺亂世中上演三角戀。

重溫57歲黃日華昔日8、90年代相 戲裡戲外好男人!

|85年 試電鬈毛頭

85年黃日華作出新嘗試,電咗個大圈鬈髮型,令人耳目一新,冇界梳晒向後,非常match佢個四方面形。

重溫57歲黃日華昔日8、90年代相 戲裡戲外好男人!

|88年 變身至潮男

黃日華自出道以嚟衣著都係簡單樸素,88年27歲嘅華哥衣著終於有變化,呢件白色時尚闊膊皮褸,是當年大 hit款式,立即變潮人。

重溫57歲黃日華昔日8、90年代相 戲裡戲外好男人!

|88年 迎娶梁潔華

黃日華 88年12月7日同梁潔華結束九年愛情長跑,喺婚姻註冊署行婚禮,可惜其餘「四虎」劉德華、 梁朝偉、苗僑偉、湯鎮業,唔係趕戲就係唔喺香港缺席婚禮同婚宴,「無綫五虎」無緣合體。
重溫57歲黃日華昔日8、90年代相 戲裡戲外好男人!

|89年 經典丁有健

89年無綫神劇《 義不容情 》黃日華演正直善良又愛護家人,為細佬溫兆倫頂罪入獄嘅丁有健,經歷煉後變得成熟,角色經典程度僅次於郭靖。

重溫57歲黃日華昔日8、90年代相 戲裡戲外好男人!

|95年 英氣o記警

無綫95、96年《 O 記實錄 》劇集1、2輯,黃日華演足智多謀嘅O記沙展(後升為督察)王志淙,揸警槍嘅華哥英氣熟十足。 重溫57歲黃日華昔日8、90年代相 戲裡戲外好男人!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!