全家福仔女搶晒鏡！謝安琪細女激似張繼聰童年
撰文：東方新地、Kammy (原文刊於Sunday kiss)│ 編輯：東方新地 │ 圖片來源：Instagram
謝安琪細女好識擺甫士
張繼聰一家四口一直都受到網民追捧，佢哋兩公婆仲不時擺仔女嘅生活片段到社交網站同網民分享。早排要忙住出席各大頒獎禮嘅Kay依家終於可以抖吓喇，呢日佢就同埋屋企人一齊去咗睇畫家小克嘅畫展，張繼聰仲將分享咗佢哋嘅全家福。不過，張相就畀兩個小朋友搶晒鏡，特別係呢一張合照，梳住噴泉頭嘅哥哥張瞻單手叉住腰，Chok到爆！
喺相入面到見，兩個小朋友唔經唔覺已經大個咗好多，11歲嘅張瞻已經學識打扮，仲高到去媽媽嘅膊頭！兩兄妹仲學識擺甫士，哥哥識Chok樣，而妹妹張靖兩隻手篤住臉仔扮可愛，張繼聰同謝安琪都冇佢哋咁搶鏡！阿聰仲留言話「#哥哥曉擺甫#妹妹識插袋」。
不少網民都大讚「妹妹真係好得意」、「哥哥賣型！妹妹賣萌」、「全家型到一個點！依家連妹妹都識擺post」
已經11歲嘅哥哥真係長大咗好多！
張繼聰考囡囡點叫老竇
其實張繼聰呢家人耐不耐就會喺個人社交網上載相片或短片，分享生活點滴嘅同時，兩公婆亦愛互相留言「窒」對方，以打情罵俏嘅方式曲線放閃！之前張繼聰就上載一段不斷問囡囡「動物點叫」嘅對答短片喺個人社交網，片中開首老竇就起勢咁問囡囡KaKaBall狗、貓、鴨、牛、雞、羊呢啲動物點叫，而呀囡亦非常有耐性咁續一回答「谷谷」、「咩咩」嘅叫聲，非常萌爆！
問到鴨仔點叫時，KaKaBall仲勁叻叻豬咁拎起隻膠鴨仔畀老竇睇，真係醒目呀！
經過一輪問動物點叫嘅對答後，張繼聰終於入自己心中一直想問嘅正題，佢就問呀女：「咁爹哋點樣叫㗎？」
KaKaBall諗一諗後，就勁醒目咁答：「阿聰！」聽到老竇起勢咁爆笑！
就連唔少網民睇到都一致讚KaKaBall既精靈又夠醒目、可愛呀！有網友仲話忍唔住要睇多幾次添！
張繼聰「花式自殺」？
KaKaBall面對住老竇一個又一個提問都咁耐心答每個問題，難怪謝安琪（Kay）即刻留言指：「可憐呢位小朋友，每晚都要答咁多問題……」張繼聰就回應老婆：「同佢爸爸一樣」有網友就留言指呢個係「花式自殺系列」認真笑爆嘴！
有片睇！
張繼聰連環問問題
KaKaBalll耐性答老竇連環問題，已經唔係第一次，幾日前嘅另一段溫馨短片中，張繼聰講完「BB要奶奶，爸爸要Chu Chu～」就不斷問呀女「邊個要奶奶？」、「邊個要ChuChu？」、「爸爸要？爸爸要？」
雖然KaKaBall聽到一頭霧水，但依然好乖咁回答老竇，真是小啲耐性都頂呢個老竇唔順。
有片睇！
張繼聰：我係佢最大𠴱隻毛公仔
張繼聰首先分享了一張個人照片，見他拿著兩個毛公仔，指自己最近經常陪1歲大嘅女兒Karina玩毛公仔：「依排玩咩？陪妹妹玩毛公仔」。
不一會兒，張繼聰又分享一段影片，片中見到Karina主動跑去抱著爸爸，張繼聰sweet爆指：「我就係佢最大果（𠴱）隻毛公仔」，大晒幸福！
謝安琪呷醋：我係佢最鍾意𠴱隻
作為Karina的媽媽，謝安琪當然也不甘示弱，在老公的影片中留言：「但係我係佢最鍾意𠴱隻」，醋味超濃！
要哥哥定爸爸？張繼聰同11歲張瞻爭女
自從細女Karina出世後，張繼聰全家都非常愛錫囡囡，簡直當囡囡係公主！早前張繼聰就同囝囝張瞻玩爭寵，片中囡囡Karina企喺囝囝同張繼聰中間，囝囝同爸爸各自引Karina前往自己身邊，最後輸左嗰個竟然抱頭痛哭⋯⋯
只見最後囡囡揀咗攬哥哥，哥哥笑到見牙唔見眼！
而張繼聰爭寵失敗，竟然碌地兼「抱頭痛哭」！
爭女全程睇：
比賽過程峰迴路轉，補時階段，右方被絕殺🤦🏻♂️🤣 賽後雙方表情各異😂
張繼聰 Louis（@louischeung2013）分享的貼文 於張貼
張繼聰 同囡囡玩「機動遊戲」
不過張繼聰都有絕招，就係同囡囡玩打關斗，呢樣「機動遊戲」哥哥就做唔到啦！
遊戲開始，先見囡囡衝埋張繼聰度，之後佢將囡囡成個擺咗上腳，再舉起雙腳，令囡囡幾乎倒立！
最後又成個秤起囡囡，安全落地！
連機動遊戲都撈埋🤨💪🏼
張繼聰 Louis（@louischeung2013）分享的貼文 於張貼
張繼聰話呢類親子活動其實對小朋友大腦，平衡力發展等都好有幫助，又提醒大家「動作係經老師教導，各位朋友切勿隨意嘗試」！
睇完上條片，有人問妺妹有冇好驚? 佢的確係好驚，好驚冇得再玩😂 依類親子活動其實對小朋友大腦，平衡力發展等都好有幫助👍🏼 不過動作係經老師教導，各位朋友切勿隨意嘗試😉
張繼聰 Louis（@louischeung2013）分享的貼文 於張貼
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
