蕭正楠

搣甩地獄廚神惡名 黃翠如煲靚湯 蕭正楠嗌「好滾動!」

最新娛聞

廣告

蕭正楠 (Edwin) 與黃翠如早前在台慶上驚喜公開已婚,大家都好戥佢哋開心,也紛紛送上祝福!近期蕭生蕭太不時於社交平台Instagram放閃曬恩愛。除了早前Edwin為翠如炮製的愛心煎雞翼雙蛋飯外,今次便有翠如為他炮製的愛心靚湯。Edwin曾於訪問中表示,自己心目中的美女廚神只有翠如一個,翠如今次也沒令老公失望,大顯身手煮了節瓜咸蛋肉片,之不過有位仁兄居然叫蕭正楠小心⋯⋯

撰文:東方新地|圖片來源:蕭正楠Instagram、TVB節目截圖、Facebook蕭正楠&黃翠如Instagram

蕭正楠、黃翠如公開宣布已婚

在去年的《萬千星輝頒獎典禮2018》上,蕭正楠與曹永廉憑《兄弟大茶飯》奪「最受歡迎電視拍檔」,並由黃翠如、洪永城頒獎。蕭正楠講得獎感受時,突然正式宣布已娶黃翠如為妻:「我要多謝,我太太黃翠如」令全場藝員同事超驚喜!

台上錫錫Sweet到爆

蕭正楠:「Sorry sorry,我係好心神恍惚…… 我一直諗啲好浪漫嘅嘢感動我太太,但我個腦仔有限,唔識講好多嘢,好緊張,緊張咗成晚,我都唔記得要多謝你乜嘢。我多謝你令我學識去照顧人,令我學識做個更加好嘅男人,今晚呢個承諾都好大鑊,因為全香港人都知道。」

翠如好幸福也好有口福,即使蕭正楠要返工,都煮定飯畀老婆食!早前佢就上載一張愛心煎雞翼雙蛋飯,仲留言話:「我返工你食飽D嘞!#鹹蛋超人飯 #鹵水雞翼」雖然唔知味道如何,但睇相就真係煮得似模似樣!

成為人妻的翠如好體貼,專程煲咗靚湯畀老公飲!Edwin日前發布了翠如靚湯的相並留言:「唔通今日係我生日?定係我做得善事多?返到屋企竟然有湯飲?#蕭太太 #節瓜咸蛋湯 #好滾動 #有一片肉」一眾網民都紛紛留言指Edwin十分幸福,又稱讚翠如是個廚藝了得的好太太。

不過兩人的老友曹永廉竟留言:「小心有毒!」網民笑指他是二奶在呷醋。連翠如的好友洪永城都調戲Edwin:「會唔會有機會做得太攰,發緊惡夢呀?」

 

其實難怪曹永廉咁講嘅,事關蕭正楠早年曾經公開指女友黃翠如係「地獄廚神」,而去年美女廚房開拍,蕭正楠話女友廚藝已大躍進,想請女友黃翠如上佢主持嘅《美女廚房》晒廚藝:「希望佢會嚟,雖然我成日踩佢,其實佢真係唔係咁差嘅,我要幫佢平反!」為女友搣甩惡名!

 

黯然煎蛋飯

事實上,翠如曾經喺活動上表演過佢嘅「拿手菜」煎蛋!

Back to Work😎✌🏻 With @bigbigchannel_official in Malaysia🐒 #BigBigChannel #表演煎蛋 #誰害的
Wongtsuiyu(@wongtsuiyu)分享的貼文 於 張貼

 

但最愛食太陽蛋嘅蕭正楠,早前po咗張爆咗黃嘅煎蛋飯相,仲話:「革命尚未成功同志仍需努力!」明顯係翠如BB嘅傑作?

日頭猛做,到而家輕鬆下,食個晚飯,要… Excuse me what is this 😦? #一日一蛋 #最愛太陽蛋的是我 #你怎麼捨得佢爆黃 #革命尚未成功同志仍需努力 #鹹魚白菜也好好味
Edwin Siu(@edwinsiu)分享的貼文 於 張貼

《美女廚房》蕭正楠 要為翠如平反

而黃翠如去年上《美女廚房》做嘉賓,二人大放閃光彈,張振朗淨係企喺一邊都頂唔順,開口講笑話自己都係出返去先啦!

 

其中一幕,廚房門一打開,黃翠如攞住菜刀質問眾人:「你哋邊一個踩我!」,吳卓羲立即指向蕭正楠:「佢(蕭正楠)話身材好過你。」

黃翠如即刻回應:「除衫!睇你係咪好過我!」,點知抵死嘅蕭正楠神回:「你知㗎!」真係閃到冇人有啊!!!

完美男友蕭正楠

讚還讚,成集蕭正楠讚黃翠如冇停過口,連女友切幾片薑都讚,梗係搞到全場嘩然!

 

阿BOB忍唔住窒吓蕭正楠,叫佢諗吓有無嘢可以批評到黃翠如!蕭正楠即刻表示:「我見到完美!」

深情對望

黃翠如喺第一輪嘅菜式獲得除咗蕭正楠以外嘅人嘅一致負評,但阿蕭喺翠如深情嘅目光下,竟然講得出:「其實好甜!」然後再Chok爆回望翠如,真係唔使加Effect到感覺到佢哋有幾Sweet啦!

黃翠如眼泛淚光

試食咗少少,蕭正楠Man咁爆咗一句:「無人欣賞你,我欣賞你。」再嗱嗱塞哂翠如煮嘅餸落口,哇,真係感動全場!當時大家都係咁起哄叫「結婚!結婚!結婚!」催佢哋快啲註冊結婚!但其實當時佢哋已經結咗婚,只係大家唔知啫!

聽到對方幾句簡單讚美,都足以感動落淚!

曹永廉 最愛爆響口

講到曹永廉,佢同蕭正楠堅係好兄弟,不過呢位兄弟就愛爆響口, 一早知翠蕭已婚的曹永廉出席公開活動時曾漏口風說:「可能已經結咗呢!」不過蕭正楠即反駁:「信佢一成雙目失明!」

自爆做伴郎

早年傳出蕭正楠同翠如好事近,阿廉出席活時接受本刊訪問一開始就開玩笑話:「邊個老友好事近呀?我好多老友㗎喎!」之後就開始爆響口話老友有計劃結婚:「其實我都聽過嚟緊呢兩年佢會結婚,即係都差唔多啦!(搵咗你做兄弟未?)有講過但我未應承,佢希望我做伴郎,睇吓我到時有冇時間啦!」之後再話:「其實我都好想佢哋快嘅,佢哋就希望等工作搞好後,就多啲時間準備,我諗佢咁大個人都有計劃嘅!」

曹永廉:「隨時結婚唔奇!」

見證住蕭正楠同翠如由拍拖到依家準備拉埋天窗,阿廉有咩感想呢?「我覺得佢哋係一對好甜蜜嘅情侶,好錫大家,成日掛住喺口邊。我知道佢哋冇乜鬧交,同埋佢哋好慳,各方面都好配合到,我都希望佢快快脆脆結婚,生個小朋友啦!」問到知唔知好友以什麼形式結婚?佢話:「佢有諗但幾時實行我唔知呀!既然大家都認定佢哋係一對,隨時結婚亦都唔係一件奇事。」至於將來會唔會做契爺,阿廉就話要將來先算,因為做契爺好大壓力,自己又未必常常有時間見面同關心對方。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
蕭正楠