劉心悠

3字尾索過後生女!劉心悠 公開4招保養心得

最新娛聞

廣告

中港合拍電視劇《護神之保險調查》拍攝一年後,被安排在《萬千星輝頒獎典禮》之後才播出,成為「炮灰劇」。不過即使是「炮灰劇」其實仍其賣點,而當中最吸引嘅仲係卡士,除咗有黃宗澤、苗僑偉徐子珊、邵美琪、鮑起靜,仲有女神劉心悠,心悠bb身形固然keep得好啦!喺高清鏡頭拍攝下,皮膚仲又白又滑,完全睇唔出已經近4張!講到凍齡心得,心悠就大方分享佢嘅保養之道!

 

撰文:東方新地 圖片:新傳媒圖片 、TVB、微博、劉心悠IG

《守護神》苗僑偉 飾演保險調查員

邵氏兄弟首次跟內地愛奇藝合拍電視劇《守護神之保險調查》,雖則此劇宣傳麻麻,但是也有幾個必看賣點!今次劇集由三哥苗僑偉黃宗澤劉心悠領銜主演,仲有久未露面的徐子珊邵美琪、鮑起靜、艾威等人亦會參演,增加劇集「卡士」。

 

女主角劉心悠為此劇而將頭髮剪短,令人眼前一亮。心悠笑說:「自己一向予人豆腐感覺,希望剪短頭髮,帶來硬朗感覺。」

以往合作多次的「最佳拍檔」苗僑偉和黃宗澤,今次則互換崗位,黃宗澤扮演苗僑偉的上司,帶領住劉心悠合組鐵三角保險調查員!

Bosco同心悠演一對歡喜冤家,更預告劇中有他有史以來最激烈的床戲,真係拭目以待。

湯水很重要

不少網友話37歲嘅劉心悠保養得好好,同後生日拼埋企一啲都唔輸蝕!Keep得咁好,心悠話阿媽嘅愛心老火湯功不可沒,另外仲要多運動、勤保養:「有句說話係『做女仔唔可以懶』,我好認同㗎!女仔唔識補會好易老,不過我就識點樣令自己保持年輕,例如做瑜伽、跑馬拉松,因為可以令新陳代謝好啲,至於皮膚方面,我都好注重,仲好勤力𠻹,由卸粧、敷Mask,由內到外去保養。」

勤做運動 是馬拉松常客

心悠12年來堅持練跑,幾乎每年都會參加渣打馬拉松,已是資深跑者,佢仲勤練瑜伽,努力keep住健美身形。

保養肌膚 三管齊下

心悠指保養肌膚一定要由內到外:「飲食、運動、睡眠,要三方面一齊做,特別係我成日拍戲,好多時都休息唔夠,就好易有細紋、鬆弛等等嘅肌膚衰老問題。」

 

卸妝的重要性

心悠又提醒大家徹底卸妝好重要:「我知道好多女仔會花好多時間嚟化妝,但卸妝就馬馬虎虎,我甚至見過朋友只係用濕紙巾抹面就當卸咗妝!其實如果唔徹底卸妝,最後會令皮膚變差,點化妝都唔好睇!」

 

 

初出道拍《阿嫂》

睇番04年佢處女拍電影《阿嫂》,夥拍同經理人公司嘅師姐林嘉欣、羅仲謙,心悠獲提名金像獎「最佳新演員」獎。

05年時24歲嘅心悠BB皮膚白滑笑容甜美,又pure又true。

素顏見得人

心悠BB經常素顏及淡妝示人,但人靚加上皮膚好,依然見得人,真係令不少女生羨慕!

2015年心悠同周柏豪拍電影《小姐誘心》,著上水手服上演制服誘惑,令觀眾留下深刻印象。

一直蛻變中

現已37歲的劉心悠說自己一直在蛻變中,只係步伐比較慢:「我覺得好多事,要到達某個人生境界先做得到,好似性感、裸露,依家我仲未接受到,但二十年前我唔能夠接受嘅露背、高踭鞋,依家我已經著得好舒服!」

劉心悠 貼地改衫

唔似港女愛逛名店,女神劉心悠就 著得唔好嘥,鍾意改衫循環再著,之前被本刊影到攞住大袋衫去佐敦小舖搵改衫高手溫師傅幫佢改衫,名副其實圈中慳妹!

改足六件

明顯係舖頭 熟客,心悠BB每件衫都著上身畀師傅度身,同師傅有商有量!

心悠BB不拘小節,唔介意 迫喺細小的舖頭內試身。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!