何浩文

【荷里活有個大老千】老竇做教育局高官!何浩文屈住荃灣工廈

最新娛聞

廣告

王晶出品,係唔係必屬佳品就見仁見智,不過《荷里活有個大老千》有老戲骨撐場,又有三點式晶女郎點綴,一出街隨即引起話題就真嘅。其實晶哥都唔係淨係偏心晶女郎,旗下晶男郎、御用鴨王何浩文一樣被力捧。唔講唔知,何浩文工作上有「晶爸爸」照,原來現實中仲有個教育局高官老竇!但人氣急升的何浩文一樣逼港鐡搭巴士,仲一支公屈住荃灣工廈單位,慳出新境界!

 

撰文:東方新地 圖片:新傳媒圖片、TVB劇照

何浩文 《荷里活有個大老千》多戲份

何浩文在劇中飾演由外國回來的賀加俊,他到片場應徵,其契爺文雄(湯鎮業飾)叫片場負責人屈老闆多關照他,何浩文一出場個造型夠搶,留長髪一開口講嘢就中英夾雜!

 

小雨(王子涵飾)在龍四安排下到片場做打雜,並認識了新來的場務賀加俊,二人在劇中有感情線!

 

也是《四葉草》之一

唔講唔知,何浩文係08年男子跳唱組合Bro 5出身、出過半裸寫真!而青春劇 《四葉草》系列是很多80、90後觀眾的童年回憶,由《當四葉草碰上劍尖時》到09年最後一輯《南華夢飛翔》也是以運動作為主題,而何浩文是《南華夢飛翔》擔正做男主角。30歲的何浩文捱足七年,直到15年全裸上陣演出《鴨王》先終於有個人代表作。

 

 

《唐伯虎衝上雲霄》扮女人

何浩文喺2014年拍過電影《唐伯虎衝上雲霄》,故事講愛西航空機長古九寒(杜汶澤飾),在一次航程中與同事肥Sam(林子聰飾)和基仔(何浩文飾)遇上磁風暴,回到明朝。三人遇上唐伯虎,並從才子口中獲悉華府有索女秋香(文凱玲)和學懂凌空點穴,而華府正在招聘家丁,佢哋為咗溝女,冒充家丁和丫鬟,混入華府,所以何浩文都有唔少扮古裝丫鬟嘅造型!

 

 

14年簽埋晶哥做親生仔,食住《鴨王》個勢,高峰期一個月接超過廿場內地夜場騷搵人仔,年初又同友人合資開手握飯團店做老闆,總算風生水起!

何浩文同文凱玲真係合作無間,不過二人只係最佳拍檔,從來唔過電,早年文凱玲同馬國明拍《賭城群英會》傳緋聞,何浩文被問到二人戀情時,笑言:「我唔知喎,我唔會幫Connie(文凱玲),馬明BB我㗎嘛!唔好同我爭!」

憑「瀟灑哥」成功入屋

而去年播出由王晶監製的劇集《賭城群英會》,口碑好壞參半,不過何浩文飾演「瀟灑哥」表現不俗,叫做成功入屋,之後頻頻在無綫節目出鏡。

 

因為「瀟灑哥」帶挈成功入屋,何浩文日前在九龍城一間茶室內同吳幸美、麥美恩齊齊為無綫新節目錄影。

何浩文 父親做教育局高官

在公,何浩文聽話聽教又賣口乖,識得叫老闆王晶做「爸爸」,其實在私一樣有個猛料老竇,其爸爸係教育局課程發展處總課程發展主任(體育)何振業,母親是中學教師,佢本人中學畢業後曾赴英國留學,家境相當不俗,不過仍願意入行捱騾仔!

 

拍劇時傳出和父母同是教育界的「十優港姐」麥明詩傳緋聞,原來唔係高攀,都算門當戶對!

家境不俗一樣慳家

做鴨王做到入血、看似花弗的 何浩文 ,估唔到工作以外都係工作。之前佢被本刊發現錄完節目後,先去天后操三粒鐘gym,之後再過荃灣練四粒鐘桌球,為慳個錢,全程巴士、港鐡駁腳,更疑似平租工廈單位當居所獨居。

有自家工作室

之後何浩文在電話中親自解畫,話荃灣工廈其實係自家工作室,佢對本刊記者話:「我父母住荃灣、自己喺荃灣都有個竇自己住,不過一返到屋企就會有惰性,所以係特登逼自己喺studio過夜,寫吓劇本、剪吓片、練吓歌可以做多啲嘢!」成了佢第二個家。

何浩文真正體驗電視劇入屋威力,去到邊都有街坊要求合照,佢話:「以前識我嘅觀眾局限於16至30歲,套劇出街後,真係多咗其他年齡層識我。收入同工作係多咗,不過我係工作狂又唔鍾意瞓覺,一日流流長起碼食五、六餐,所以慳得就慳,留番啲錢食飯同儲嚟買樓好過!」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!