湯洛雯

重溫!湯洛雯、黃心穎閨蜜情誼 新歡舊愛伴馬國明校服派對

最強精選

廣告

馬國明湯洛雯昨晚(6月12日)高調承認戀情 ,旋即獲大批網友祝福,舊愛黃心穎接受傳媒訪問時亦大方回應,其實黃心穎跟湯洛雯同屬2012年度香港小姐,一齊入行之後又多次合作拍劇主持節目,向來係好閨蜜;去年初(「安心偷食」爆出前)黃心穎踏入30歲大關,跟一眾圈中好友大搞校服派對提早慶祝生日,除了當時男友馬國明外,還有湯洛雯朱千雪高海寧麥美恩岑杏賢趙希洛等靚女出席,一眾美女齊齊換上校服,叫人目不暇給!重溫當時的場面:

文:東方新地

黃心穎30歲生日大搞校服派對

黃心穎踏入29+1呢個重要時刻,當然要隆重其事,與男當時友馬國明、好姊妹朱千雪、湯洛雯、高海寧、麥美恩、岑杏賢、趙希洛等舉行校服派對,眾人換上藍、白色為主的校服變回學生妹,而馬明則著上紅色外套梳晒蛋撻頭,成個訓導主任咁!

黃心穎
一眾美女換上校服相當吸睛,但都不及天然呆馬明搶眼!
黃心穎
楊秀惠係咪扮Miss?

邊個學生妹最靚?

心穎呢個校服生日派對個個都著上對應dress code,校服加格仔短裙,望落好有青春活力!

黃心穎
美女、校服、短裙仔,冇得輸!
學生look戴眼鏡又是另一種味道~
學生look戴眼鏡又是另一種味道~

湯洛雯幫手籌備生日派對 揸胸贈慶

心穎特意留言多謝靚湯,因為呢個派對係對方幫手籌備的,認真夠好姐妹!當時黃心穎仲留言「感動係。。。當你覺得要搞party好stressful、又要開工又無時間plan嘅時候、有個人同你講、「30歲喎、big birthday 黎㗎、我幫你搞喇!」多謝呢位湯洛雯小姐、love ya girl !」

心穎緊係要同好友靚湯影張錫錫相啦!
心穎緊係要同好友靚湯影張錫錫相啦!

 

靚湯隻手......
靚湯隻手……

Mayanne都唔輸蝕,決定要一錫壽星女~

重溫!湯洛雯、黃心穎閏密情誼 新歡舊愛伴馬國明校服派對

見到高Ling一臉鄙視,唔通係Mayanne扮可愛太難頂?
見到高Ling一臉鄙視,唔通係Mayanne扮可愛太難頂?

「是非精」日常玩樂愛胸襲

是非精

呢班港姐「是非精」一向好玩得!麥美恩都曾經試過在鏡頭前連環兩次出手胸襲「靚湯」湯洛雯,得手後仲好得戚㖭!湯洛雯當然唔執輸,試圖反胸襲麥美恩!

相關文章:是非精鍾意玩呢啲⋯ 麥美恩連環胸襲 湯洛雯拍胸反擊

tvb_sumwingTVB
湯洛雯與黃心穎曾合作古裝劇《丫鬟大聯盟》。

舊文重溫:黃心穎同其他男人合照:「我老公啊!」

藝人黃心穎和馬國明拍拖近3年半,多年來馬明都未能奪視帝一位,而心穎選美後又被網民指樣貌像蔡一智,觀眾緣一般。不過兩位幾年來都不離不棄,更一度指二人快將結婚。

重溫!湯洛雯、黃心穎閏密情誼 新歡舊愛伴馬國明校服派對

二人在劇集《宮深計2深宮計》入面情侶檔搵真銀
二人在劇集《宮深計2深宮計》入面情侶檔搵真銀
拍住拖出席《萬千星輝賀台慶》
拍住拖出席《萬千星輝賀台慶》

不過昨日(2/12)黃心穎在IG上載了一張與另一個男人的合照,並寫「曾經對佢有無限嘅幻想」、「我第一個老公呀」,心穎竟然背著馬明叫第二個做老公?仔細一看,原來是台灣天王王力宏。

原來今次是王力宏在澳門開騷,喜歡了力宏19年的心穎終於有一次機會到後台尋找「老公」。相中看到黃心穎就像一個小粉絲,王力宏右手搭著心穎膊頭,相信真是很難形容有多開心。不過有網民就擔心馬明看到照片後會不開心,更有人想看他的呷醋樣。

黃心穎 演唱會常客

由選港姐開始出道至今,黃心穎只花了六年時間便捱出頭來,比起同期藝人算是幸運的一個,去年開拍的《丫鬟大聯盟》及今年拍的《牛下女高音》都擔正女一,再加上冧到筍盤馬國明做男友,黃心穎是愛情事業兩得意,不過她並未滿足,識時務的她甚為懂得把握時機、用盡一切方法爭取機會上位,為圓歌星夢,這幾年來其實花了不少心機與時間鋪路。

黃心穎
今年9月5日晚上7時左右,黃心穎上完唱歌堂返回油塘屋企,馬國明揸車接她出外,去到天后隨街泊車,二人落車都周圍望,好有默契。

拍拖去飯局

知情者透露:「成個無綫都知心穎好想做歌星,一有機會佢就想表演唱歌,又曾經向高層示意想唱劇集主題曲,不過有演出機會公司都畀晒『星夢』啲歌手啦!幾時輪到心穎?所以佢咪喺出面搵機會囉!呢幾年佢都係演唱會常客,乜騷都去睇,次次都搵人帶入後台,除咗滿足佢黐星集郵鋪癮之外,仲可以識多啲人。心穎主動又唔怕醜,為咗入樂壇佢真係𢱑爛塊面,第一步梗係要向歌星入手啦!早前佢同車婉婉一齊拍劇,混熟咗又識埋趙學而,之前學而開騷佢都走入後台黐黐貢,最近仲成日約飲酒食飯,心穎目標好明確,想睇吓有冇機會黐到其他更加紅嘅歌手,係人都知婉婉學而同Eason嗰班都熟。」靠歌星朋友越級黐上黐,黃心穎真是機關算盡。

黃心穎
行去食飯時前後腳,黃心穎一支箭咁標走,馬明尾隨做跟得男友,最後去到天后一間上樓食店。

陪坐極冇癮

黃心穎與車婉婉因合作拍《牛下女高音》而成為好友,日前相約到天后飯敍,馬明負責做司機,到心穎位於油塘的寓所接她。二人到達天后先把座駕隨街泊,然後前後腳保持距離行去餐廳,這次飯局除了有車婉婉及趙學而,還有有份拍《牛下》的張振朗及三位圈外朋友。

黃心穎
當晚黃心穎約了車婉婉、趙學而及張振朗等友人食飯,馬明好明顯係陪應酬,全枱人有傾有講,馬明全晚都好靜,仲不時露出佢獨特的天然呆表情。
黃心穎
黃心穎就表情多多好風騷,難為馬明擔當陪笑角色。

開籠雀杯杯清

現場所見,黃心穎與對住坐的車婉婉及趙學而言談甚歡,三個女人一個墟講個不停,又不時碰杯暢飲,而馬明與眾人並不熟絡,大部分時間都是陪坐、陪笑又發揮其天然呆本能,好明顯是被女友挾去陪應酬,兩杯落肚的黃心穎愈傾愈興奮,完全冷落身邊男友。邊食邊傾邊隊酒四小時,散場時眾人在餐廳門口道別,黃心穎狂捽車婉婉飲到紅晒的面頰,之後仲放相上IG留言「物以類聚」,話晒婉婉是前輩,黃心穎即被網友狂轟不分尊卑,用詞不當。

黃心穎
含住食物在口中似足倉鼠的黃心穎,只顧自己與友人打交道,成晚好似開籠雀咁。
黃心穎
眾人邊食邊隊紅酒,黃心穎不停與車婉婉及趙學而碰杯而且杯杯清,負責做司機的馬明有得睇冇得飲。
黃心穎
食飽傾飽離場時,黃心穎見車婉婉飲到面都紅晒,竟上前狂捽婉婉塊面,其實係咪真係咁熟?
黃心穎
飯局後黃心穎在IG放了當晚與車婉婉、趙學而及女友人一起影的合照,並以「物以類聚」來形容,即惹來網民狂插,指她扮friend高攀及不分尊卑。

雖然人望高處好正常,但黃心穎未到三十歲已被指過度消費,去年換了價值120萬的波子跑車代步,又以850萬元購入啟德天寰一個兩房單位,可見她心頭甚高對各方面都有要求,馬明亦被指受到女友感染,多年來慳家一朝喪,除肯花錢買名牌換形象扮young來迎合黃心穎,早前更花20萬買潮牌情侶戒指。出名孝順的馬明,曾講過婚後都會同爸爸媽媽一齊住,但自從同心穎拍拖後,在女友不停洗腦之下,亦開始打消這個念頭,要努力儲錢再築愛巢,因而令馬明母親有微言。

黃心穎
黃心穎飯前與馬明保持距離,飯後飲咗酒就變得熱情黐身,走在街上愈行愈埋懶理途人目光。

諗定夢想婚禮

最近娛樂圈喜事多,先有鄭嘉穎與陳凱琳,再有陳展鵬與單文柔,對於結婚,馬明話黃心穎事業剛起步未有計劃,但早前黃心穎出席活動對5卡鑽戒愛不釋手,仲自爆對將來的婚禮充滿幻想,而結婚形式、地點已經有計劃。她謂:「結婚一世人一次,我希望可以自己去計劃,揀自己最鍾意嘅,但亦會擔心超出預算。我最想去啲與世隔絕嘅地方搞一個簡單嘅婚禮,藍天白雲,喺海邊附近搭個帳篷,仲一定要有現場樂隊,邀請最好嘅朋友同親戚一齊食飯跳舞,呢個就係我夢寐以求嘅婚禮!」黃心穎不是一個容易滿足的人,對於其人生渴求甚多,絕非有情飲水飽類型,做佢男友或老公少啲彈藥都唔得,難怪馬明話短期內都未有婚期,睇嚟要滿足黃心穎,都要捱多幾年騾仔先。

黃心穎
冇飲酒的馬明頭耷耷怕畀人望,反而黃心穎做主動,想翹實馬明手臂行。
黃心穎
之後黃心穎仲笑住對馬明發放心心眼,含春索吻得咗!
黃心穎
飲飽食醉後,馬明竟然送黃心穎返回女方油塘寓所,各自歸家幾咁掃興。

越級攀Eason堆

黃心穎頭腦清晰做事有計劃,凡有機會埋到Eason身都唔會放過,車婉婉同趙學而都係Eason多年老友,有指她早已鎖定目標,碼實唔放。

重溫!湯洛雯、黃心穎閏密情誼 新歡舊愛伴馬國明校服派對

Eason與趙學而都是90年代的歌手,多年老友見面即攬頭攬頸,今年年初學而開騷,Eason都有捧場。

重溫!湯洛雯、黃心穎閏密情誼 新歡舊愛伴馬國明校服派對

逢人認偶像

Big Four都有殺錯冇放過,當中黃心穎最冧許志安與梁漢文,唔止捧場睇騷,一有機會見到面就小粉絲上身。

黃心穎

天王鐵粉

80後黃心穎話自己係黎明鐵粉,細細個就好迷對方,同時亦好欣賞郭富城歌精舞勁。

黃心穎

勤練歌

恨做歌手恨到發燒的黃心穎,一有時間就去尖沙咀上唱歌堂,這日身穿黑T黑膠褲,個look甚娘。

黃心穎

名師指導

原來當年黃心穎因聽到已故歌手陳僖儀的歌聲,專登跟隨其唱歌老師Miss Lam學唱歌,早前她更在陳僖儀的生忌,唱了對方的名曲拍片放IG。

黃心穎

搶fo出位

去年黃心穎與蔡思貝、馮盈盈、邵珮詩及張寶兒扮女團又跳又唱〈到此一遊〉拍MV,黃心穎每次演出都霸正中間位置搶fo。

黃心穎

偶像無分國界

黃心穎迷偶像係無分國界同級別,每次台灣天團五月天開演唱會,她都一定撲飛求朋友帶入後台,見到韓國男神崔始源,亦唔會放過。

黃心穎

黃父跌傷手尾長!恨嫁黃心穎 焗馬明求婚

都話女追男隔層紗,更何況係電視台第一天然呆 馬國明。雖然大足女友15歲,不過就拍拖全程由女方 做主動,倒追得米後,就算拍拖食飯睇戲被影到一樣 唔認,聽晒女友話;戀情升溫順水推舟半公開,狂接 情侶檔工作搵多筆亦係由女友主導;本來拖得就拖、 自稱「 仲細 」未想嫁住係女方,近月態度突然180度轉變,焗馬明送婚戒、狂出埠甚至明示心急趕嫁一樣係女方,據知情人士透露,由騎牛搵馬心態變趕住出嫁,都係因為心穎爸爸身體大不如前。

重溫!湯洛雯、黃心穎閏密情誼 新歡舊愛伴馬國明校服派對

三家姐大喜日子,心穎帶埋男友出席,全程和黃家大細一齊活動之餘,最重要目的都係受希望現場氣氛感染逼馬明早日行動求婚。

黃家四千金感情要好亦個個都係孝順女,所以黃爸爸身體日差早前又跌親尾龍骨,令心穎加快步伐想早日出嫁讓爸爸安心。

重溫!湯洛雯、黃心穎閏密情誼 新歡舊愛伴馬國明校服派對

三家姐出嫁,心穎最熱心最上心,又做埋伴娘,全程幫手籌備之餘亦為自己終身大事取定經先。

重溫!湯洛雯、黃心穎閏密情誼 新歡舊愛伴馬國明校服派對

回港甜蜜認恨嫁

飛完澳洲墨爾本一周後,黃心穎回港出席新劇 《 法證先鋒 IV 》記招時,即被記者追問睇住三家姐出嫁 有否被雙親催婚。表面上話三家姐剛出嫁、父母唔心急,實情心穎興致勃勃大談結婚計劃:「 爸爸近日健康 大不如前,為咗出席婚禮,都勉強支撐同家姐跳舞,嗰一刻我真係有啲傷感,知道爸爸都會好想出席到我嘅婚禮!」到底有冇結婚計劃,馬明短訊回覆「未有耐」,反而係心穎講到似層層:「我就想簡單為主,到時有親朋至愛出席就夠喇!」

重溫!湯洛雯、黃心穎閏密情誼 新歡舊愛伴馬國明校服派對

馬明出名顧家,拍拖後亦迅速為女友融入黃家,早前到澳洲出席心穎三家姐婚禮外,又陪心穎為姨甥慶生,儼如一家人!

黃家四千金嫁咗三個,除咗離婚的大家姐黃心美外,只剩心穎。

重溫!湯洛雯、黃心穎閏密情誼 新歡舊愛伴馬國明校服派對

全家出動飛去陪嫁,三家姐上頭當晚,三姊妹同黃媽媽當然陪在身邊。

重溫!湯洛雯、黃心穎閏密情誼 新歡舊愛伴馬國明校服派對

睇大家姐心美現場拍片,可見家姐出嫁,黃家孻女心穎全程滿場飛最雀躍。

重溫!湯洛雯、黃心穎閏密情誼 新歡舊愛伴馬國明校服派對

降低標準趕沖喜

據知情人士透露,呢一轉澳洲之旅,心穎全程有心鋪 排:「 見三家姐揭頭紗同宣讀誓詞嗰陣,心穎已經忍唔住狂喊,成 個婚禮佢都好大感觸,原來佢爸爸之前唔小心跌傷尾龍骨入醫 院,雖然出咗院,但係全家都嚇親,亦都有眼見今時唔同往 日。心穎係世界女,識搵錢又識使錢,呢幾年又靠自己打入埋富 二代圈子,覺得自己仲有更好選擇。不過爸爸身體出事、眼見馬 明呢兩年任勞任怨又已經被屋企人接受,都改變主意想碼實眼前 呢個筍盤。呢一轉去澳洲點止陪嫁咁簡單,真正目的係想馬明都 當自己係黃家一分子,受現場氣氛感染早日付諸行動!」恨嫁到 出口,睇嚟心穎真係好想將男友進一步私有化!

陪住女友飛去墨爾本的馬明嚴格嚟講都未係黃家 一分子,所以未有得影家族合照。

重溫!湯洛雯、黃心穎閏密情誼 新歡舊愛伴馬國明校服派對

三家姐結婚前夕,四姊妹圍埋傾心事,心穎表現極興奮。

孝順仔馬國明 16年一炮過以近2,000萬買入 太古城單位與父母一齊住,曾被影到陪母購物後返家,早前坦言要再儲錢買樓築愛巢。

重溫!湯洛雯、黃心穎閏密情誼 新歡舊愛伴馬國明校服派對

玩完一個星期,回港翌日出席新劇記招時, 心穎有備而來大談夢想婚禮。

16年合拍《為食神探》後,即有傳心穎主動出擊追求偶像馬明,不過就算被拍到睇戲食飯,二人都堅稱好朋友,未肯認愛,直至今年愈愛愈高調。

重溫!湯洛雯、黃心穎閏密情誼 新歡舊愛伴馬國明校服派對

馬明已融入黃家,不時出席黃家聚會!

戀情漸漸浮面,順手撈埋情侶檔賺得大份啲,心穎亦習慣出席馬明兄弟聚會更被尊稱為「阿嫂」!

重溫!湯洛雯、黃心穎閏密情誼 新歡舊愛伴馬國明校服派對

愈戀愈難捨難離,七月更不避諱雙雙飛去蘇梅島度假,心穎 對外突然樂意大談馬明,還讚男友攝影技術進步不少。

重溫!湯洛雯、黃心穎閏密情誼 新歡舊愛伴馬國明校服派對

七月本刊便拍到心穎同馬明拍拖出巡,當時二人就戴住價值約20萬的訂情鑽戒!

重溫!湯洛雯、黃心穎閏密情誼 新歡舊愛伴馬國明校服派對

黃心穎被咒同馬國明分手

早前黃心穎於個人社交網上載一張黃昏日落相,本身好地地一張落日照純粹只是與一眾粉絲分享的美景,可惜竟有網民留言:「祝福你同馬國明分手,祝福」令事情亦愈演愈烈!

同屆港姐馬上讚好

事關不久後,有網民竟留意到港姐岑杏賢讚好該名網友所留言給黃心穎的分手祝福,故隨即引起大批網民激烈討論!

黃心穎

該名截圖網友更留言:「『祝福你同馬國明分手』留言,岑杏賢Jennifer都按LIKE,好嘢,證明TVB同事都想你地散,你不信可以睇吓,個留言已經有一百多個人讚,你形象插水啦。」

黃心穎

岑杏賢回應傳媒

岑杏賢於事後接受傳媒訪問,她表示自已只是錯手撳了一些不知什麼內容的Post,因有網民對她提起事件,故亦即刻打電話給心穎同時表示嫌意,亦指自己事後已Unlike自己錯手讚好的留言。