羅慧娟

重溫羅慧娟初出道後生靚相 懷念昔日風采!

最近周星馳套神劇《蓋世豪俠》深宵時段喺無綫重播,除咗星爺無厘頭夠搞笑,兩位女主角羅慧娟同藍潔瑛亦相當搶鏡,可惜兩人先後離世,今次搵嚟娟妹初出道早期圖片,懷念佢昔日風采!

撰文:東方新地|圖片:東方新地

重溫羅慧娟初出道後生靚相

|87年 初出道擔正

羅慧娟87年喺廖安麗介紹下參與無綫劇集《 書劍恩仇錄 》選角,最終擔正女主角,演繹出女俠霍青桐嘅活潑硬朗同剛柔並濟,一劇成名成新晉花旦。

|87年 著小丑老西

87年尾初入行嘅羅慧娟,呢個髮型似戴咗假髮,件啡紅色間條長身西裝款式騎呢似小丑裝,條頸又似圍咗條餐巾,初入行衣著品味唔多掂。

|88年 性感撥秀髮

88年未滿23歲嘅羅慧娟青春逼人,著上無袖 tee 加埋個性感托頭撥秀髮,引死唔少男fans。