袁偉豪

袁偉豪:「豎中指真係好討厭!」 再為護女友嬲爆甫車牌

袁偉豪 (Ben) 同張寶兒 (Bowie)拍拖至今一直感情穩定,重點係袁偉豪非常疼錫女朋友,不時當女友與不公事件時挺身護花。最近,Ben又再次因女友而man爆為Bowie護航!今次又咩事?

撰文:東方新地|圖片:新傅媒圖片庫、instagram、Facebook

袁偉豪為護女友嬲爆甫車牌

話說,日前袁偉豪喺facebook出post發文公開一個車牌,並寫住:「黑色旅行版 Legacy B4,你駕駛態度非常惡劣,你超速,推人,豎起中指,四眼哥哥,我俾返個like你」,隔住個mom都感覺到Ben不滿同有幾嬲嬲豬呀!

袁偉豪

袁偉豪

其後,Ben先留言指:「我女朋友開車!女友比人推呀,觀塘繞道行80,我們已經行85快線,不停喺我哋後邊眨高燈又推完一輪,中線爬我哋頭,然後我按下車窗,指住佢問佢想點?四眼哥哥之後快放,快放一會,入將軍澳隧道之前,佢入秀茂坪就豎起中指,我覺得佢真係好討厭!」,原來咁勞氣係因為Bowie畀人蝦!