陳煒

豬年殺入電影圈 陳煒:全裸冇問題!

送狗迎豬!全民開心去舊迎新,呢期人氣旺爆的陳煒,搶先同《東方新地》讀者拜年,大家齊向煒哥沾旺氣,肯定新一年路路亨通!
去年事業大豐收的煒哥,除了成為TVB收視福將,勇奪《萬千星輝頒獎典禮》「最受歡迎電視女角色」,《深宮計》太平公主一角更令她名利雙收,人氣爆升收入破頂,煒哥已鎖定買千呎豪宅獎勵自己;事業勢如破竹,更大行桃花運,近日就不停有筍盤埋身:「係多咗人約,都要時間慢慢揀!」新年伊始,嚟緊煒哥更會殺入電影圈,向來演出拼搏的她直言只要劇本好,演出可以冇底線:「全裸冇問題!」演技超班的她,豬年挑機衝影后,人氣繼續火熱!