胡杏兒

內地真人騷搶頭啖湯 大肚胡杏兒天價賣仔

最新娛聞

廣告

胡杏兒於15年嫁給圍村少爺李乘德,婚後努力造人揚言想三年抱兩,17年囝囝Brendan出世,到日前胡杏兒再公布豬年迎來 第二胎,陀住三個多月B都仲頻頻飛國內開工,未肯停工安胎。 去年初胡杏兒產後復出,曾有廣告商向她招手力邀母子檔演出,不過胡杏兒耍手擰頭,最後由小演員飾演其囝囝拍奶粉廣告。

近年胡杏兒轉戰國內市場大受歡迎,除了拍劇,還亮相綜藝節目及真人騷,隨著15個月大的Brendan在社交網的曝光率愈來愈高,肥嘟嘟人見人愛名副其實小鮮肉,據知有不少內地製作單位想搶頭啖湯斟洽兩母子參與真人騷,而且出到天價酬 勞,難怪胡杏兒最近轉晒口風,表示不排除會與囝囝一起拍廣告,相信廣告只是第一步,內地真人騷才是搵錢王道。

撰文:東方新地 圖片:新傳媒圖片、胡杏兒IG

大肚胡杏兒天價賣仔

2015年是胡杏兒人生一個巨大的轉捩點,離開娘家無綫、與拍拖不足一年在沙頭角禾坑村長大的客家男友李乘德(Philip)結婚,婚後胡杏兒主力攻國內市場,不停參與國內劇集、綜藝節目及真人騷,即使17年4月宣布成功懷孕,她都繼續往返香港與內地工作,直至陀B七個月才肯停工待產。嫁人後的胡杏兒事業心依然重,產後 三個月即復出,初為人母大受母嬰產品客戶歡迎,更曾被力邀帶埋囝囝Brendan一齊出鏡拍奶粉廣告,不過胡杏兒堅拒客戶好意,未肯 母子檔上陣,廣告照拍,不過換上小演員飾演她的兒子。

脹爆過大海

綜藝節目女皇

胡杏兒當年陀住Brendan拍的內地劇《那年花開月正圓》,令她在國內知名度大大提升,過去半年她在國內曾參與《孩子說了算》、 《我們在行動》、《2018藍月亮中秋之夜》、《親愛的客棧》、《國家寶藏》、《詩意中國》及《我家那閨女》等綜藝節目,曝光率之高,與佘詩曼叮噹馬頭。

喜迎豬B

日前胡杏兒終於在社交平台分享第二胎的超聲波照片,並貼上豬頭公仔,搞笑留言:「豬寶寶終於加入,李氏農場可以開張了!」她表示聽聞豬年BB命水好;她生肖屬羊、老公屬牛、兒子屬雞,依家湊夠一屋動物,可以開農場了。

 

內地真人騷搶頭啖湯

而近年在內地最受歡迎的親子真人騷,亦對胡杏兒囝囝Brendan虎視眈眈,知情者透露:「近年杏兒喺大陸大受歡迎,因為佢形象好普通話亦好,佢好鍾意上綜藝節目,因為時間唔長唔困身,而且酬勞亦可觀。最近有好多內地電視台都搵佢斟合作,主要都係想搶佢囝囝Brendan嘅頭啖湯,佢個仔真係好可愛,杏兒每次放親囝囝相上社交網,一定有好多like同留言,如果佢肯上真人騷,一定係收視保 證。記得Brendan出世冇耐,已經有好多人想搵佢拍廣告,不過杏兒都推晒,一來囝囝仲細,二來屋企老人家都反對,唔想個孫拋頭露面同辛苦,但睇番近年杏兒同Philip(李乘德)不時喺社交網晒仔,睇得出佢哋唔介意同大家分享囝囝咁得意可愛嘅一面。Brendan曝光率咁高又受歡迎,再加上母子檔拍真人騷酬勞一定係天價,杏兒點會唔動搖,依家只係睇食邊家茶禮。」

曾拒母子檔上陣

囝囝Brendan出世後,曾有本地奶粉商力邀胡杏兒母子檔上陣拍廣告,囝囝太細加上夫家反對,最後由小演員飾演囝囝角色。

陪老爺奶奶食海鮮

早前胡杏兒與老公由大埔寓所出發,中途在大埔火車站接過老爺,一齊前往三門仔的海鮮酒家午膳,到埗後老爺率先下車,胡杏兒負責孭住囝囝Brendan落車。

改口風接受母子檔

現在Brendan已15個月大,識行識走不再是初生BB,早前胡杏兒出席她代 言的活動,表示早前跟小男孩拍廣告長達十小時,因為對方好乖拍得好順 利,被問到會否跟囝囝一起拍廣告?她說:「有人邀請過,但都要睇吓乜嘢類 型,我自己都想拍,當係一種紀念,細細個就可以同媽咪一齊拍廣告都幾好。不過佢依家仲細,唔係咁容易控制,雖然佢都乖,但係如果客戶有要求,都驚佢做唔到,會失禮人。」她更指Brendan對鏡頭都算敏感,發現有人影 他會刻意不望鏡頭。

吃力孭仔

當時已懷第二胎兩個幾月的胡杏兒,仍然親自用HipSeat形孭帶孭住約30磅重的Brendan,雖然她身形高大健碩,但對大肚婆來說都很吃力。

兩手揈揈

胡杏兒陀住B仍要辛苦孭仔,老公李乘德鎖車後兩手揈揈,完全冇打算上前幫手抱仔。

經常往返內地工作的胡杏兒,不時在社交網呻爆掛念囝囝,而為了實現三年抱兩的願望,工作以外都不忘與老公李乘德製造機會二人世界,結果39歲的胡杏兒願望達成,趕及於40歲前生第二胎。已於1月29日在社交網公布喜訊的胡杏兒,接受訪問時表示好開心生到豬BB ,上次陀住Brendan開緊工,今次陀 住第二胎又拍緊劇,笑言可能BB旺媽咪工作,想陪住她開工,而今次孕吐感覺 比上一次懷孕時較強烈,經常無胃口。現在陀住三個幾月B,胡杏兒似乎仍未 想停下來安胎,她表示拍完劇會繼續接些輕鬆的job,日前本刊記者影到她獨自 離開大埔逸瓏灣寓所,由司機送到機場,準備飛去外地工作,沒有老公李乘 德,亦沒有助手在旁,胡杏兒自己拖住個篋過關,雖然仍未見腹大便便,但大肚婆舟車勞頓,難免累壞。

剛剛瞓醒的Brendan睡眼忪,有媽咪胡杏兒抱住,表現好乖巧冇扭計。

奶奶出手

Brendan的帽仔戴歪晒令他感到不舒服,細心的嫲嫲即上前幫手整理。

奶奶全天候照應

嫁入李家門後,胡杏兒有奶奶愛錫,婆媳關係好到不得了,當年陀住Brendan,奶奶燉補品給她養胎,知她胃口不好又會煮她喜歡的餸菜,現在與奶奶一齊住,老人家會幫手湊孫,由嫲嫲主力照顧的Brendan乖巧又聽話,令胡杏兒在外工作無後顧之憂。早前已陀住第二胎的胡杏兒,與老公一齊陪老爺奶奶去大埔三門仔食海鮮,現場所見,胡杏兒雖然已懷孕,但她仍堅持自己孭住肥嘟嘟重甸甸的囝囝,Hip seat位置其實壓住肚皮,睇見都辛苦,而嫲嫲見孫仔頂帽戴歪了好唔舒服,亦細心地上前為Brendan整理。有個好奶奶,難怪杏兒想為李家生多幾個金叵羅,唔止三年抱兩,四年抱三都仲得。

返家養胎

胡杏兒陪老爺奶奶食完海鮮,繼續由老公李乘德做司機,先送奶奶去大埔街市買餸,再全家打道回府。

老公幸福歎

去年聖誕節,老婆胡杏兒在國內拍劇未能返港共度佳節,李乘德反而好得閒,與囝囝穿上父子裝,在家中影合照讓胡杏兒一解相思之苦。

慶祝夜店兩周年

早前李乘德有份投資位於中環的夜店開張2周年,當晚胡杏兒有工作在身不在港,李乘德在夜店狂歡慶祝,仲話開咗100支香檳,破晒紀錄。

歎威士忌

唔使陪老婆,李乘德有咁歎得咁歎,不時在社交網晒命享受人 生,得閒飲番幾杯威士忌加冰。

遊大阪自拍

除了開夜店,李乘德仲係獵頭公司老闆,早前去大阪工作順便玩番幾日,開心自拍已成指定動作。

孤身拖篋開工

1月初,胡杏兒由司機送到機場,自己拖篋落車,老公李乘德未見影。

掛心寶貝仔

經常出埠工作,令胡杏兒非常掛心在港的Brendan ,她不時在社交網訴說掛念囝囝之情。

15個月肥美Brendan

胡杏兒於17年10月誕下囝囝Brendan(李奕霆),現已15個月大的李家金叵羅萬千寵愛在一身,樣子極度討人喜歡,肥嘟嘟擁有米芝蓮身形。

北上吸人仔

15年與無綫約滿, 胡杏兒離巢專注返中國大陸發展,16年憑大陸劇《我的繼父是偶像》成為第12屆中美電影節—「中國最佳電視劇女主角」(金天使視后),揚威海外。17年主演的內地劇 《領養》及《那年花開月正圓》收視強勁,令她在國內 的知名度繼續飆升,去年約滿蕭定一旗下的HMV數碼中國集團後自組娛樂公司,近半年頻頻上綜藝節 目及真人騷,在國內吸人仔力驚人。

陀B周圍去

17年陀住Brendan時,胡杏兒開工開到幾乎生得先肯停工,又多次飛去外國工作兼旅行,準媽媽被指不錫身。到今次再懷第二胎,雖然孕吐比第一胎嚴重,但胡杏兒陀B頭三個月依然周圍去坐唔定。去年11月剛知道成功懷第二胎,胡杏兒與老公、囝囝及雙方家人一齊飛去馬爾代夫度假,坐長途飛機又下海浮潛,仲不時抱住肥美Brendan睇魚。

做Gym

陀B初期是關鍵時期,但胡杏兒一於少理,繼續與老公去健身室做Gym狂踩樓梯機。

開P

早前陳敏之40歲生日搞派對,胡杏兒與李乘德配合主題扮特工,玩得非常投入。

睇首映

難得「胡說八道會」齊人,胡杏兒出動與好姊妹去睇首映,之後又同老公去睇張學友演唱會,大肚婆節目都好豐富。

延伸閱讀:

胡杏兒陀第二胎 住天價水底別墅慶生

胡杏兒自從2015年與老公李乘德(Philip)結婚後,17年誕下兒子Brendan,一家三口經常放閃,去年11月佢哋帶著Brendan,一家三口前往馬爾代夫度假,順便慶祝杏兒39歲生日。

難得出遊鬆一鬆,杏兒同老公都不斷在社交平台大晒溫馨度假相,分享多張新入住的別墅酒店圖片,原來呢間名叫The Muraka的酒店大有來頭,據知每晚住宿費用更是天文數字,唔止咁,生完第一胎成功已修身嘅胡杏兒,側面肚凸凸,腰肢極粗,而且拍照時刻意遮著肚皮位置,因為那時她已懷有第二胎,成功三年抱兩!

原文:Sunday kiss | 圖片:胡杏兒IG、李乘德IG | 編輯:東方新地

胡杏兒肚凸凸陀第二胎

自胡杏兒生下兒子Brendan後,有Fans不只一次見他們一家三口齊齊逛街,愛也融融,而夫婦二人亦恩愛非常,不時在社交網站上放閃。胡杏兒不只一次在公開場合表明自己恨生第二胎,希望可以早日與老公再度造人成功。

在 Instagram 查看這則貼文
Myolie Wu 胡杏兒(@myoliemyolie)分享的貼文 張貼

 

胡杏兒於去年生日一家三日到了馬爾代夫旅行,面對靚景靚海,當然少不了游水!胡杏兒在Instagram上分享多張相片,不過全部都是側面照!

在Instagram 查看這則貼文

 
Myolie Wu 胡杏兒(@myoliemyolie)分享的貼文 張貼

 

放大張相睇,穿得薄浴袍嘅杏兒背面睇腰粗,咁都見到凸肚,十月睇嚟好快又公佈喜訊喇!

網民:係咪有咗?

連一眾網民見相都發現杏兒有孕味,紛紛問佢係咪有咗!

 

去年胡杏兒孖老公遊馬爾代夫,在旅行期間公佈懷孕的消息,各界紛紛表示恭喜,今次帶同Brendan一同旅行,未知會否「三人去,四人返」?

在Instagram 查看這則貼文

 
Myolie Wu 胡杏兒(@myoliemyolie)分享的貼文 張貼

11月初現孕味

早喺11月初杏兒出席公開活動,當時已經微微現肚,更有網民指杏兒好像肥咗不少,有網民回應話杏兒可能有咗BB!

陀第一胎 都係去馬爾代夫影大肚寫真

前年二月杏兒被本刊影到凸肚去中環睇醫生,不過當時仲未夠三個月,時機未成熟,杏兒都唔敢咁快公開。直至母親節,她於網上發布同老公李乘德遠赴馬爾代夫影嘅大肚寫真,加埋一張BB超聲波照片,公佈喜訊。

Philip大讚老婆「好鬼靚」 冧爆杏兒

除了胡杏兒的側面照,老公Philip亦分享出多張胡兒和兒子的靚相,其中一張是胡杏兒在欣賞日落的相片,Philip為氹老婆,便留言「Bloody hell. My Wife is beautiful.Ah Mere, Nga Lau Por Jin Hea Hau Gui Liang」,前句用英文大讚老婆靚,後句則用客家話拼音寫出「我老婆真係好鬼靚」,如此公然示愛,胡杏兒肯定冧爆!

 

在Instagram 查看這則貼文
Philip Lee(@hakkaphil)分享的貼文 張貼

入住天價水底別墅慶生

胡杏兒在社交網站拍片介紹近日入住的,位於馬爾代夫的水底別墅The Muraka。呢間酒店原來大有來頭,不但是世界上的第一間水底別墅,一晚最平索價$50000美金(約39萬港元)!看來Philip為博紅顏一笑今次真係「落重本」呀!

而Philip更就留言說他們是首個入住水底別墅的家庭,指囝囝Brendan就似乎沒意識到自己是多麼的幸運,能成為第一個住在那裏的BB,只顧望住眼前許多不同種類、五顏六色的魚兒。

View this post on Instagram

The Muraka – the first underwater villa of its type in the world. Just opened in this Nov, we were blessed to be the first family to stay there during our Maldives trip. Where do we begin? How do you describe living in a room which has allows you a wondrous peek into a world where we don’t naturally belong? Whatever I say won’t do it justice so let’s just say the entire stay was a real pleasure. The property itself was a stand out modern design, the furniture and equipment was of the highest quality (the kitchen was entirely professional standard), the service was attentive yet unfussy, and the signature Muraka room, well it just completely takes your breath away. Brendan was oblivious to how lucky he was to be the first baby to ever stay there, but he spent plenty of time staring and pointing at the many different types of colourful fish that swam by. And Mrs Lee, like me, is fascinated by marine life – so what a surreal but lovely birthday treat it was to sleep, shower, and sh*t right in front of the fish 🐡 🐟 🐠 💩 😂 @myoliemyolie #TheMuraka #conradmaldives #underwatervilla #maldives #indianocean #property #outofthisworld #marinelife #Brendans1stTrip #MrsLeesBirthday

A post shared by Philip Lee (@hakkaphil) on

 

呢座別墅房間、淋浴間等均設於水底,成間房被海水同魚包圍,瞓覺、沖涼甚至連去洗手間都有魚陪著。

佢哋仲去咗水底餐廳食嘢!

View this post on Instagram

😝🚽🐟 #themuraka

A post shared by Myolie Wu 胡杏兒 (@myoliemyolie) on

View this post on Instagram

🔮🐟💙 #themuraka

A post shared by Myolie Wu 胡杏兒 (@myoliemyolie) on

杏兒同Philip興奮入住影不停手,宋熙年、陳敏之等一眾好姊妹都留言大嗌:「羨慕」,更令不少網友不禁感嘆:「有錢真好」。

為愛妻甜蜜慶生10幾日

其實,杏兒一早已經同一班好姊妹大搞Party慶祝生日。不過,Philip依然攜愛妻與寶貝仔遠赴馬爾代夫繼續甜蜜慶生,佢留言話:「Very long birthday celebration for Mrs Lee. But she’s worth every minute」

同場加映:可愛Brendan

Brendan自出生後曝光率非常高,除了因為他天生一個可愛及天然呆的樣子,一眾「胡說八道會」的契媽們對他更愛不釋手,經常在社交網站上分享Brendan的相片,令年紀輕輕的Brendan搖身一變成網絡紅人!今次Brendan跟著爸爸媽媽去旅行,胡杏兒和Philip亦相當識做,貼出多張Brendan的靚相!

 

在 Instagram 查看這則貼文

 
Philip Lee(@hakkaphil)分享的貼文 張貼

 

 

在 Instagram 查看這則貼文

 
Philip Lee(@hakkaphil)分享的貼文 張貼

 

 

在Instagram 查看這則貼文
Myolie Wu 胡杏兒(@myoliemyolie)分享的貼文 張貼

 

在 Instagram 查看這則貼文
Philip Lee(@hakkaphil)分享的貼文 張貼

 

在 Instagram 查看這則貼文
Myolie Wu 胡杏兒(@myoliemyolie)分享的貼文 張貼

Brendan一歲生日扁曬嘴揀蛋糕

Cute到爆嘅Brendan,一向迷倒唔少姐姐。上月10日係Brendan嘅生日,爸爸就係Instagram分享囝囝同兩個大過壽星仔個頭蛋糕影相嘅趣事,爸爸搞笑留言話囝囝係豬仔:「我地好努力令Brendan抬頭望向鏡頭,但都只係望實個蛋糕。」照片中,Brendan扁曬嘴仔望實個蛋糕,似有選擇困難症,心諗「試邊個先好呢?」

Brendan面珠仔錫到扁晒

胡杏兒隨後都有po相,相中爸爸媽媽一齊錫Brendan面珠仔,仲要錫到扁晒,真係好sweet啊。杏兒更感性留言:「我的寶貝兒子,感覺昨天才把你從醫院抱回家,一晃眼你已經一歲了,每天看著你,希望你長大,又捨不得你長大。
很感恩打從一出生你就被這麼多的愛包圍著,感謝所有疼愛你的人。希望你可以一直健康成長,乖乖的,要孝順奶奶及長輩,最重要的是,希望你可以一直做一個開心搞笑的寶寶,媽媽和爸爸很愛你!」爸爸媽媽真係視Brendan如珠如寶咁啊!

睇見都想咬一啖!胡杏兒老公大晒囝囝肥腿

最近爸爸Philip 上載了一張囝囝的背面照,爸爸留言話:「When your legs got skinny and all you want to do is show them off as much as possible.(當你雙腿變瘦,你便會盡可能地展示雙腿)」但係編輯就覺得Baby Lee 對「美腿」依然咁肥嘟嘟,好想咬一啖呀!

胡杏兒晒性感時裝照 老公:我帶你去買恤衫啦

日前胡杏兒post了一張穿著粉紅色西裝的相片,相片中胡杏兒只穿着西裝外套,並沒有穿恤衫在內,呈現「中空」的狀態,非常性感。但可能是太過性感,引來老公留言「LP I can take you to buy a shirt for that suit if you don’t have one (老婆如果你無恤衫着,我可以帶你去買)」,非常搞笑!

胡杏兒帶兒子踩入老公公司 網民:成個老闆娘咁款

胡杏兒帶了兒子去老公公司探班,看著胡杏兒認真的表情,加上Brendan趣怪的樣子,老公也忍不住留言:「Mrs Lee coming into the office, taking over my desk, and showing me how sales calls are made, Is Brendan impressed? What do you think?」(李太來了公司,坐在我的辦公桌,然後告訴我銷售電話應該怎麼打,Brendan看起來非常眼前一亮,你們覺得呢?)

Philip還標籤了一句「mummy is just shopping over the phone」,指老婆掛住打電話shopping。

契媽們親自教 胡杏兒10個月大兒子學4種語言

上月一班「契媽sss」一起去探望Brendan,包括「胡說八道會」的李施嬅、胡定欣、黃智雯、胡蓓蔚及姚子羚,正所謂「三個女人一個墟」,「胡說八道會」的六位美人你一言我一語,把只有10個月大的Brendan「頭都痕埋」。

事緣三位契媽為小Brendan講故事時,竟然用了三種不同的語言,姚子羚說普通話、胡蓓蔚教上海話,還有李施嬅講英文,加上媽媽胡杏兒說的廣東話,是名符其實的兩文四語,聽得小Brendan一頭霧水,非常可愛。

Myolie Wu 胡杏兒(@myoliemyolie)分享的貼文張貼

胡說八道聚會 胡杏兒可愛囝囝Brendan俾女圍

自從誕下Baby Lee之後,胡杏兒湊仔大過天,去到邊都同Brendan仔形影相隨。日前,杏兒就帶著囝囝參加胡說八道聚會,四個靚靚契媽見到杏兒仔仔都母愛大發,個個爭相圍著圍著Brendan。而Brendan就一臉呆萌,似乎完全唔知一班契媽點解咁興奮。

契媽1號胡定欣急不及待咁同Brendan仔合照,並留言「Our first selfie with Baby Lee,你真係太太太可愛了,契媽ssss都俾你冧爆左!」定欣仲笑言「6個排住隊Tum你瞓 #每隔兩份鐘轉人 」,相中Brendan未識望鏡頭,又眼神迷離,樣子相當可愛!

契媽2號黃智雯亦上載咗同Brendan仔的合照,留言「Babe Lee…你真係cute到無法無天」又笑指Brendan肥嘟嘟似「節瓜BB」 魅力沒法擋!

契媽3號姚子羚都唔執輸,隨即晒出合照,並留言「Baby Lee 你做咩搶契媽啲嘢食呀?為食豬」

緊隨其後,契媽4號李施嬅(Selena)又在instagram寫道:「今晚開咗一場胡說八道演唱會逐個唱歌給B.B. Lee 聽,其實baby Lee 喺度諗乜呢? 係唔係諗緊成班傻婆點解見到我咁興奮呢?太可愛喇,我哋個個都俾你電暈啦。」

Selena更是母愛大發在ig storypost出 和杏兒仔仔大唱英文歌影片,不過Brendan卻只顧咬牙膠,沒有理會她,場面十分有趣。

胡杏兒:係Baby Gym?定我做緊Gym?

日前胡杏兒同老公陪10個月大嘅囝囝返Playgroup,睇相杏兒好似捉唔住精力充沛嘅Baby Lee咁,難怪佢話:明明話係Baby Gym class,點解好似我做緊Gym咁?

杏兒老公李乘德都有一齊去,睇佢抱住個仔倒豎蔥,又唔似係好吃力喎!不過佢同杏兒嘅感想都係咁上下!「BB健身班,係希望培育小朋友嘅空間意識,身體協調同力量。不過就冇人話畀我哋知,實質上係鍛鍊父母多過鍛鍊BB!」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!