林芊妤

林芊妤為湊仔湊到成身生滿風癩 「唔係所有事都咁美好!」

最新娛聞

廣告

上年十月,林芊妤(Coffee)為老公一索得男,誕下囝囝翟德彥後更火速修身,令唔少網民為之羨慕!不過,日前Coffee就喺個人社交網甫相,圖文並荗指自己生風癩!

撰文:東方新地|圖片:林芊妤ig

林芊妤為湊仔湊到成身生滿風癩

日前,林芊妤於個人社交網上載一張背上佈滿風癩嘅相,並留言指因休息不足出現免疫系統失調,「之前老公警戒我,要嘗試放手讓姐姐去照顧嬰兒,說我還要工作會令身體出現問題。」,睇嚟Coffee唔少心捱壞咗身體喎!

雖然係咁,但為咁BB而表現正面樂觀嘅Coffee就繼續為自已及大家共勉之,指:「並不是所有事都那麼美好,只係我凡事也盡量向好的方面想,所以你們也不要覺得氣餒,而且大家的身體一定要照顧好,否則只會有心無力。」,睇嚟Coffee自己都要顧下自己身體啦!

延伸閱讀:

風癩成因 「外邪」誘發五種風癩

註冊中醫師彭明慧稱,風癩即是風疹,又稱為「蕁麻疹」或「癮疹」,是一種常見的皮膚過敏反應的疾病。病因源自「邪之所湊,其氣必虛」,簡單來講即是外在環境誘因,加上身體健康狀態欠佳下,易受影響而顯露於皮膚上。當中又分為五大類風癩:

一、急性風癩:

原因:身體未能充分分解高蛋白質食物所致。
表徵:皮膚出現大小及形態不等的鮮紅色風團,有散開有聚集,大的表面白而毛孔顯著。病重者可同時伴隨嘔吐、心慌、煩躁或血壓低等病徵。一般發作一至數次,發病時或會持續1至2日才好轉。

二、寒冷型風癩:

原因:皮膚過分受冷刺激,如浸冷水、接觸冷空氣或吹風等。
表徵:皮膚會出現局部水腫及紅腫風團,超級痕癢。

三、膽鹼能性風癩:

原因:運動流汗、飲熱飲或熱食及情緒激動所致。
表徵:全身泛現約1至3毫米的細小風團,周邊會有明顯紅暈,並帶有針刺、劇癢感覺。

四、丘疹狀風癩:

原因:嬰兒和兒童的常見過敏性反應,病因較複雜,多被昆蟲叮咬有關,未必有即時過敏反應,但會於咬後約10日才現病徵,如再受次被叮咬,就會促使皮疹發生。
表徵:皮膚現一點點性質稍堅硬,頂端有小疱,似錘形紅色花生豆大的風團,搔癢後會腫大。

五、壓力性風癩:

原因:身體受壓部位,如掌、跖、臀、上肢等;或衣物過分緊束的位置,如腰帶、襪帶、袖口等所致。

表徵:部位現紅斑、水腫,並伴隨癢感,8至72小時會自行消退。卸去壓力後有可能消退。

如何判斷風癩的種類

蕁麻疹一般分為兩類:

急性蕁麻疹 —— 一般都有跡可尋,例如吃了海鮮或其他易致敏的食物,甚至藥物。
慢性蕁麻疹 —— 這與免疫系統有關,中醫角度看,亦可能是遺傳病。氣血不足、情緒不穩、肝腎不足等等,都會誘發風癩。慢性蕁麻疹會反復發作,3-5成患者會於一年內不治而癒。

4 招預防風癩

1.多吃新鮮蔬果

風癩發作的原因與患者自身的體質悉悉相關,多吃新鮮蔬果可以從中吸收豐富維他命C和B,增加抵抗力以對抗各種致敏原。當中也可多吃一些鹼性的食物,如葡萄、蘋果、蕃茄等。除此之外,辛辣和人工添加物的食品還是少吃為妙!

2. 注意衛生

有時候皮膚是因為無意中受到外在環境細菌的刺激而使風癩發作的,如果生活環境骯髒惡劣便會容易滋生細菌。因此,應該要時刻注意室內和室外的衛生,同時保持家中清潔,避免細菌有機可乘。

3. 注意衣物的清潔

衣物是最容易接觸到皮膚,一但衣物上沾有污跡也容易刺激到脆弱的皮膚,所以在清洗衣物時應格外留神。在換季的時候,最好先將放在衣櫃良久的衣物清洗、在陽光下曬,徹底將衣櫃的可致敏原清理。

4. 避免焗促及炎熱

當體溫高的時候,血管會澎漲,身體自然較易痕癢,因為患者應避免留在焗促炎熱的環境下,BBQ、火煱、喝酒等都會使體溫升高。

3 個舒緩風癩的方法

1. 輕輕拍打癢處

風癩發作時最忌的是不斷地搔抓患處,因為越搔抓便越會一發不可收拾。此時,可以輕輕地拍打癢處舒緩一下,不過切記要注意拍打的力道,只用輕力度拍打,不然會導致患處淤青。

2.局部冰敷

痕癢的時候熱敷是個錯誤的做法,這樣使血管擴張,令皮膚表面更加難受。正確的做法應該是冰敷,可以以乾淨的毛巾或袋子包裹冰塊,每次冰敷時間為 10 分鐘,之後每隔 5-10 分鐘再冰敷一次便可以有效止痕,以及減緩紅腫的症狀。

3.內服抗敏西藥

若癢癢的程度連冰敷也無法舒緩的話,可以服用抗組胺類的藥物,可以幫助釋放免疫抑制劑,壓制住過敏原,減輕病情。不過藥物的服用份量還是根據醫生或專業人士開方。如果風癩長時間不退的話,最好儘快就醫,以免延誤診治。

靚媽Coffee湊仔keep住晒靚相

林芊妤(Coffee)10月誕下囝囝Baby Chak之後,升呢做新手媽媽。早前,Coffee產後第10日便大晒由35吋腰恢復28吋腰的Fit爆身材,令不少網民嘖嘖稱奇。眨下眼,Coffee已經坐完月準備出山,更透露自己已經可以輕鬆著返 XXS碼衫。

Coffee大呻:做媽媽是有多犯賤

有咗囝囝Baby Chak之後嘅Coffee一樣無慮晒靚相,囝囝更不時一齊入鏡。近日,Coffee就喺社交網甜蜜留言湊B心聲,笑言自己每日被就快兩個月大嘅囝囝玩弄於「手掌」之中,卻感到非常幸福。

「雖然日夜都被你玩弄於手掌中,但依然忍不住覺得自己很幸福,你媽媽是有多犯賤呀」

唔少媽媽網民看後深感共鳴,搞笑留言:「所有媽媽都犯賤過」、「大個啲你仲嘔血呀」,另有網民就大讚B仔得意:「輪廓分明」。有網民留意到BB額頭好多「火車軌」,仲讚Coffee幫佢改嘅「翟伯伯」乳名好正。

Coffee囝囝滿月晒哺乳相紀念「親密時刻」

有不少媽媽在公眾場合哺乳遭到歧視,被陌生人指指點點、投來不尊重的眼神,更甚者會被旁人嘗試制止。

Coffee囝囝日前滿月,坐完月的Coffee興奮大嗌:「自由啦」更在社交網上貼出一張非常溫馨的餵母乳相,紀念母子間「最親密時刻」。

有網友就鬧爆Coffee今次po出喂母乳嘅相係為咁博出位,同時有人質疑佢係咪想以支持餵母乳呢為名實為露身材,相反Coffee奈兼好冷靜回應指張相已經經老公過目,同時表示:「其實如果思想正確應該覺得無問題。」。

相信今次事件,身為公眾人物嘅Coffee除咗目的提倡母乳喂哺外,亦都係希望想記念BB滿月嘅日子,可惜反而遭到部分人公審。

View this post on Instagram

🤱🏻❤️

A post shared by 🧘🏻‍♀️C O F F E E L A M🧘🏻‍♀️ (@coffee89921) on

老公地位不保 Coffee:「我眼裏根本就只有他」

Coffee早前更分享了一家三口幸福合照及短片,Coffee與老公翟志榮輪流又惜又抱囝囝,她亦同樣獲老公惜惜,畫面超溫馨。

林芊妤產後首晒7磅B仔正面照

林芊妤早兩日因胎盤前置問題需要漏夜入院「卸貨」,昨日就喺個人社交網大方分享囝囝正面相,仲同囝囝留下搞笑自白:「各位哥哥姐姐好!謝謝你們對我的關心,我是昨天下午出生的,出世的體重是7磅,今天就7磅多了。最喜歡的節目是睡覺,媽媽說我的樣子很成熟,應該是像爸爸吧。但我還未有改名字喔看我爸媽多過份,哈哈」。

其後,Coffee呢位新手媽媽亦急不及待分享囝囝訓教嘅短片,笑指囝囝嘅耳仔最似佢!從Coffee上載嘅短片得知,唔少親朋好友個個輪住探望,而且仲收到BB衫嘅禮物,當然仲唔少得有網民嘅留言祝福啦!

由於Coffee並非自然順產誕B仔,所以指自己麻醉藥過後感到傷口嘅痛楚,但表明為咗可以餵人奶而要拒食止痛藥,可見一個母親為咗BB可以去到幾盡!

林芊妤與老公出席杏兒囝囝生日會

早前,胡杏兒囝囝李奕霆(Brendan)一歲生日,兩公婆為呀仔大搞生日會,當日仲邀請咗好多朋友出席,包括杏兒嘅瑜伽老師、林芊妤(Coffee)同老公翟志榮(Weng)、羅仲謙楊怡夫婦等人,相當熱鬧!

當日有份出席生日會嘅Coffee見到一歲嘅Brendan即時母愛大爆發,大家睇佢幾想抱下Brendan!

林芊妤老公當眾「攬女」

睇相都估到當日大人細路都玩得好開心,而喺Coffee上載嘅相中更見其老公當眾攬女,攬嘅就係梁麗翹嘅囡囡!見到B女伏喺Weng壯闊嘅胸膛上冧到暈,成個慈父樣出晒嚟!

結果,無耐Coffee就醋娘子上身,喺個人社交網同老公講:「就算寶寶出世以後,我們還是要跟現在一樣,兩個小孩般吵吵鬧鬧地過著,你依然要哄我要保護我,不能偏心小寶寶,只有我可以偏心他,哈哈,要記得我才是你最愛。」」之後仲hashtag「#爭寵又霸道的女人」、「#肉麻」!

陀B八個月 林芊妤搞粉藍色派對迎接仔仔

Baby shower是美加的傳統風俗之一,在孩子出生前,由親朋好友張羅一場party,而參加party的人都要給未出生的孩子一份禮物,而一般的babyshower只有女人參加。

預產期即將到來的林芊妤Coffee為了慶祝兒子的到來,與一大幫朋友開party舉行Babyshower,採用了夢幻的粉藍色,可見Baby Chak還未出生就已經受到萬人矚目了。

Coffee在10月6日約了一幫好姐妹出席她舉辦的Baby Shower,Coffee已經懷有8個月的身孕了,Babyshower當天,她身穿橙紅色長袖連身裙,臉上都是幸福的笑容。

這個粉藍色party佈置的很精緻,粉藍色作為主色,Baby Chak屬狗,因此訂製的雙層糖皮蛋糕上也有可愛的小狗,而房間裏到處都是印有「Hello Chak」以及「Mum to be Coffee」的大型透明汽球,而且還有很多Cup Cake和小禮物。

平常都能看見Coffee和一樣身為準媽媽的閨蜜吳日言吃喝玩樂,但在這次的Babyshower才知道,原來她身邊還有很多準媽媽和媽媽呢!除了吳日言,還有同樣懷孕8個月的Liddy 李悅彤,而李蘊、《東張西望》主持梁麗翹等也帶上子女一起出席。

Coffee陀B八個月玩倒立 網民揶揄:「呃like」、「咪得意忘形!」

懷孕後絕大多數準媽媽萬大事都先呵住肚中BB,行快兩步都擔心驚動B仔,更不敢膽粗粗去做劇烈運動。不過,瑜伽達人Coffee就自己有不同見解。Coffee認為適當運動對孕婦與胎兒都有好處。自懷孕後佢一直堅持每日鍛鍊,日日做瑜伽,不時更會做一系列高難度動作。

Coffee懷孕初期,身形變化不大,甚至越陀越靚,令好多孕媽媽都直呼「好羨慕」。

Coffee陀B八個月玩倒立 網民揶揄:「呃like」、「咪得意忘形!」

日前,Coffee日前喺ig貼出一張「倒立照」,隨即引來網民熱議。有網民大讚Coffee犀利,大肚仍然keep住馬甲線,更封佢為「最強孕婦」!

連兩位剛為人母的鍾嘉欣、宋熙年都大讚Coffee「好勁」!

不過,有網民眼見孕後期媽媽做啲咁驚險嘅舉動,就直指Coffee晒「倒立相」只為「呃Like」。更有網民批「呢d唔係專業唔專業定佢有幾撚禁勁,呢d叫多餘。無事咩wow下囉,有事就揾黎搞」、「真係凳個bb慘,有個咁無知既阿媽,為左呃like, 咩都做得出」。

有網民更留下惡意留言,而大肚婆Coffee亦有對此冷靜回應!

coffee親自回應:「這是我懷孕前後每天練習瑜珈動作」

隨後,coffee就親自回應:「這是我懷孕前後,每天也會練習的瑜珈動作。而我做倒立的方法很安全。也有10年的倒立經驗,跟正常人站著一樣穩實。每個人的體質和準則也不一樣,所以將懷孕前運動量減半即可。加上我是瑜珈導師,知道有哪些動作孕婦要避免,激烈轉身向前彎向後彎,或訓練腹肌和壓到寶寶的動作。我在孕期也有避免的,而沒有練習過頭倒立的人,我相信也不會突然懷孕後去做,所以謝謝你們關心喔!」

知道網民其實係出於好意擔心自己,Coffee更好有耐心逐個回覆,更用「10號風球水中也是很寧靜」來比如自己對每個動作、腹中BB嘅安全係有十足把握。

林芊妤卸貨在即挑戰拱橋動作

一向肥肚唔肥人嘅林芊妤(Coffee)已陀B八個月,但日前佢就上載一段做拉筋運動嘅短片喺個人社交網,見佢著上粉色運動bra,除咗知肚之外,身形依然纖瘦!短片開始時,就見到Coffee坐喺床上,做一啲簡單嘅熱身動作,感覺冇咩問題!

之後,佢就做一個伏身嘅動作,成個上身趴喺張床上,雙手向前平放。雖然唔知BB有冇喺肚入面跟住做,但就可以肯定Coffee好落力咁做每個動作!

簡單做咗一輪熱身你後,Coffee就開始嚟料,正式做以下多個驚險動作!首先,用對手加一隻腳撐住個人再單腳向後踢,之後左右腳互換,輪住做。

除咗用對手加一隻腳撐住個人向後踢腳,Coffee仲壓住個肚嚟個雙腳向後屈加拗腰,真係睇到都為佢擔心,唔知有冇壓親肚入面個小BB!

向後屈腳都難唔到呢位膽大嘅大肚婆,大住肚做一字馬又點會難到Coffee呀?

一字馬呢啲對佢嚟講都己經係小兒科,再高難度啲嘅高身拱橋一樣做得到!雖然係咁,但就睇到一班網民心都為佢跳咗出嚟,擔心會對BB構成不必要嘅危險!

有片睇!

陀住8個月嘅Coffee據知腰圍仍然只得33吋,咁嘅身形的確令唔少準媽媽羨慕!

林芊妤 吳日言 晒靚靚泳衣照

身為瑜伽導師的Coffee懷孕後身材依然Fit爆,日前跟好姊妹吳日言齊齊去游水,更在社交網站上貼出唯美泳衣照,見懷孕32周的Coffee手腳纖幼,肚子只比懷孕28周的吳日言大少少,兩個準媽媽都Keep得非常好,引來不少網民大讚。

Coffee留言:「之前一起主持節目而認識,到現在一起前後懷孕,太有緣份了吧,哈哈哈!」

而吳日言則貼出與丈夫的合照,並留言指:「今年第一次落水,結果就比佢地笑我“唔做運動。皮膚太白。唔識游水。”睇住嚟,生完之後減比你地睇。😝」未生B已經想著產後修身,看來吳日言誓要當個靚媽!

林芊妤沖繩旅行晒升Cup上圍

早幾日前,Coffee同老公去了沖繩旅行,其後仲大晒著泳衣嘅三點式相,相中可見,本來上圍豐滿嘅佢因為大肚嘅關係再度升級,非常性感!而且張相更於網上廣傳,令Coffee被台灣傳媒冠以「港版瑤瑤」稱號!

Coffee亦有分享外遊相,仲笑指老公話佢依家好似企鵝,但佢就認為似企鵝都唔錯,因為夠哂可愛,唔知大家點睇呢?

林芊妤卸貨前大出「股」惑

林芊妤(Coffee)唔經唔覺已經接近臨盤,早前曾公開表示醫生指佢有胎盤前置問題,叫佢多休息及唔好太操勞。日前,陀B八個月嘅Coffee就喺個人社交網po靚相,實行出「股」惑,大晒「優質股」不過,相中可見影呢張相嘅時候,Coffee係未大肚嘅,果然夠哂蠱惑!

據了解,呢張相原本係上年寫真集嘅相之一,本來上年諗住出運動教學加寫真,但因為Coffee有咗BB,所以就要停工!好在,依家Coffee派福利令大家有眼福啦!

除咗晒Pat Pat,Coffee早一日又po相,並留言:「我一直都勤力過隻牛,今次攞正牌食玩同埋瞓,機會真係好難得,所以應該要好好活在當下享受做懶豬嘅時光,不過係時候要諗下搞唔搞Baby shower la!」睇嚟又有大計準備要進行喎!

林芊妤騷弗到漏身材

除咗簡單講下嚟緊嘅大計外,Coffee仲拍咗後加快咗影片速度嘅片放上個人社交網,更有趣留言:「寶寶好像在震盪的布丁」相信大家除咗將注意力放喺佢個肚外,亦同時留意到大肚8個月嘅Coffee對腳依然纖幼,認真羨慕死人!

有片睇:

Coffee林芊妤B仔 扮陶大宇⋯

Coffee在IG留言:「Oh my god!!今日醫生話我好叻,因為無咩點肥到,但個b竟然係大碼BB,長在胎兒不長肉,令我聽完最開心既係,知道肚腩仔健健康康。」

Coffee都有回覆網民留言話:「係呀,佢好串」又話「係呀 勁搞笑 佢好似唔想俾我睇」

身為瑜伽導師嘅Coffee,大肚以嚟肥B唔肥身,陀B 6個月體重56kg,比懷孕前只係重咗8kg,最勁仲係BB居然係大碼B!

林芊妤:想穿的漂亮衣服也穿不下

懷孕6個月的Coffee於IG發佈相片,並留言:「到現在自己懷孕,才開始明白到什麼是付出。不能做什麼什麼、不準吃這個那個、不可去這兒那兒、不可玩這個那個,想穿的漂亮衣服也開始穿不下,慢慢生活也改變得越來越多。不過其實也有很多得著的,最大感受是身邊的人都對我小心翼翼,連一向把我當硬漢子的老公,也變得比平時細心了。雖然還不太習慣被呵護備至,但我就當好好休養一下吧!讓我這個粗生粗養的人,感受一下被細心關懷的人生,因為到👶🏻(BB)出生後,相信才是人生真正的戲肉⋯哈哈」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!