鍾嘉欣

撇低仔女拍拖去睇波!鍾嘉欣孖老公上場館大電視

幸福人妻鍾嘉欣同脊醫老公Jeremy Leung結婚後就長時間喺溫哥華居住,周不時都喺社交網站分享仔女相片,但對老公就極為保護。不過,呢日嘉欣同老公拍拖去睇比賽,仲激罕晒同Jeremy合照,網民都大讚超級Sweet!

 

撰文:Kammy(原文刊於:Sunday Kiss) | 圖片:鍾嘉欣Instagram

鍾嘉欣激罕晒恩愛

現身處加拿大嘅鍾嘉欣獲邀去睇溫哥華嘅新年曲棍球賽事,佢就撇低一對仔女孖老公拍拖去睇比賽,同老公更出現喺場館嘅大電視,大會配以特寫及字幕「鍾嘉欣,藝人、2003年《溫哥華華裔小姐》及2004年《國際華裔小姐》冠軍」嚟介紹佢,而老公Jeremy就坐喺佢身邊!

鍾嘉欣
鍾嘉欣獲邀去睇溫哥華嘅新年曲棍球賽事

嘉欣知道上電視之後就不停對住鏡頭揮手,不過佢就用咗個心心圖案遮住老公個樣,而第二張相仲係遠距離拍攝,圈住佢哋坐緊嘅位置,非常搞笑!

鍾嘉欣

不過,正當以為嘉欣唔想老公上鏡,咁就錯喇!嘉欣其後上載同老公上電視嘅片段,片中佢好興奮做V字手勢,在旁嘅Jeremy亦笑晒口,仲同嘉欣深情對望,網民都大讚超級Sweet!