傅嘉莉

素顏傅嘉莉平民家品店掃貨 搵阿媽幫手搬層架

平時睇開傅嘉莉 (Kelly) 個人IG,唔係遊山玩水坐頭等就係買靚袋騷新衫,而登報有新聞,就次次係同非富則貴年紀差一截嘅叔叔行得埋,唔係親眼見到傅嘉莉陪媽媽行平民家品店,都真係有個幻覺,以為女明星就係結交CEO同旅行炫富㖭!

撰文:東方新地 圖片:新傳媒圖片、 連登截圖 、傅嘉莉IG

傅嘉莉 平民家品店掃貨

原來富貴女星都有平實生活化一面,你實估唔到,傅嘉莉添置傢俬,竟然唔係去連卡佛或者買designer chair,原來都好實惠識行平民家品店,仲係親手自己搬埋自己砌埋層架㖭。

傅嘉莉
平時身光頸靚愛炫富又愛結交叔叔,難得一見便裝傅嘉莉呢日同媽媽結伴幫襯平價日用品連鎖店買層架,最難得係買完仲要兩母女自己搬。
傅嘉莉
全程落手落腳,擒高又擒低自去研究層架砌法,睇個勢就知傅嘉莉係買架自用,唔係幫媽媽選購。

平時扮到靚一靚、買袋歐遊高貴學騎馬嘅Kelly就見到多,呢日戴住cap帽、一身便服、踩住波鞋、素顏現身銅鑼灣旺區搬層架認真稀有!唔理啲八卦新聞,睇得出佢係一個孝順女嚟!

傅嘉莉
店員全程熱心幫手,傅嘉莉亦都好留心聽書,搞清楚尺寸同裝法,揀個層架搞足半個鐘。