文凱玲

晶女郎成功洗底 36歲文凱玲熱戀窮中佬

新一代晶女郎文凱玲,有過唔少大膽演出,當中三級電影《鴨王2》更令人記憶猶新,雖然晶女郎令人有無限聯想,但現實生活,文凱玲畢業香港大學心理系,打扮樸素孝順顧家,似足劇集《荷里活有個大老千》中的純情玉女「明珠」,一樣有情飲水飽。日前出完新劇宣傳後,文凱玲孖住戲裡戲外都是好姊妹的劉溫馨行街掩人耳目,原來之後約咗貌似藝人陳浩民的中佬男友,一齊拍拖坐火車返男友新界寓所,對住唔屬高大俊男、冇車要坐公交代步的平民男友,文凱玲仍然每刻甜入心,愛情魔力殊不簡單!