國際中華小姐

年過40國際中華小姐逐個睇 美麗艶壓歲月流逝!

最新娛聞

廣告

《國際中華小姐競選》已經於上星期六順利選出今屆冠軍,細數過去,原來有幾位前國際中華小姐現時已年過四十,但依然靚靚!

撰文:東方新地|圖片:新傳媒、微博、ig

年過40國際中華小姐逐個睇

|48歲 李嘉欣

出生於澳門的大美人李嘉欣為1988年香港小姐冠軍,也是首屆華姐冠軍,多年來均被譽為「最美港姐」,絕對係實至名歸。大美人奪冠後隨即加入娛樂圈,憑着索爆亮麗外表迅速走紅,而且多年緋聞不絕,每單戀情都轟動娛圈!

一家三口不時放閃

到2006年,李嘉欣搵到好歸宿,與富商許晉亨高調公開承認戀情,08年11月,二人在許晉亨父親別墅中舉行婚宴,正式嫁入豪門。至2011年2月,李嘉欣誕下兒子許建彤(Jayden Max),一家三口不時放閃,羨煞旁人!

其後,兩公婆仲特登以囝囝名義成立幫助中國學童嘅「JM Children’s Charitable Foundation」基金。依家48歲嘅李嘉欣除咗照顧Jayden外,閒時都會出席名媛及公益活動,相當有心!

|48歲 鍾麗緹

加拿大出生嘅鍾麗緹93年擊敗盧淑儀同謝綺玲奪冠,94年即被周星馳睇中邀請拍電影《破壞之王》,當年更盛傳星爺力追女方。不過,鍾麗緹於1998年嫁給外籍丈夫Glen Ross,育有一女Yasmeen Ross,但於2002年離婚。

03年,鍾麗緹與台灣音樂製作人嚴錚結婚,並於2008年誕下第二個女兒嚴書琴(Jaden),再於2010年2月,第三個女兒嚴紫凝(Cayla)於北京出生,可惜2011年二人最終離婚。

經歷兩次婚姻失敗後,鍾麗緹未有氣餒反而愈愛愈勇,拍攝內地真人騷《如果愛》同細佢12年的大陸演員張倫碩發展姐弟戀,後來張倫碩更在節目中派驚喜下跪求婚,二人婚後好恩愛!

2017年,鍾麗緹曾透露自己於量子大學(Quantum University)修讀自然及綜合醫學學士,以完成15歲時的夢想,且希望可以開設健康中心,同樣人靚心善!

|44歲 郭羡妮

1999年郭羨妮以大熱姿態贏港姐冠軍、「最上鏡小姐」、「國際親善小姐」和「千禧才智小姐」四獎。2000年,代表香港參選國際華裔小姐競選,亦順利取得冠軍,是繼1988年度香港代表李嘉欣贏得國際中華小姐競選冠軍後,第二位香港代表奪冠!

一家三口樂也融融

郭羡妮選美後加入TVB拍劇,01年在同古天樂合演古裝劇《尋秦記》,郭羡妮一個人分演現代女性及秦國才女,舉手投足充滿仙氣,繼而走紅!2011年她與內地動作導演朱少杰結婚,翌年誕下一女Kylie。

2015年,郭羡妮離開TVB後減少幕前演出專心湊女,只係間中返大陸出席商演活動,又或者拍港台劇集過戲癮。現年44歲嘅郭羡妮近年亦開始轉戰電影圈,拍攝《朝花夕拾芳華絕代 拾芳》及《沉默的證人》,事業愛情兩得意!

|40歲 廖碧兒

加拿大出身嘅廖碧兒是2001年華姐三料冠軍,同奪「都會魅力小姐」及「花都綽約大獎」,其樣貌身材皆出眾,輕易令人留下深刻印象。

奪冠後,廖碧兒加入無綫,並成為當家花旦,期間曾顧與劉愷威及陳豪拍拖,可惜最終冇緣分手。2011年,廖碧兒亦離開無綫,向飲食業及賣酒生意發展,更曾豪擲千萬買下法國酒莊釀酒!雖然暫時依然單身一人,但仍活得自在快樂!

即時回顧:

中華小姐2019 陳曉華奪冠

《2019國際中華小姐競選》冠軍由陳曉華奪得!對上一次港姐攞華姐冠軍,係2014年嘅陳凱琳,事隔5年,再有香港代表奪得后冠,真係為港爭光!

陳曉華在表演環節大玩空中呼拉圈,但一開頭已經上不了圈,雖然未有被失誤影響,依然全程展出甜美笑容,但其後再度失手,評判張曦雯事後話:「Hera俾到我好有驚險嘅感覺。」但才藝表演最高分三甲Hera仍榜上有名!

王慧媛得亞軍

來自夏威夷的4號王慧媛獲得亞軍,由參選至得獎,她的身材一直成焦點!

4號夏威夷小姐王慧媛身材驕人,才藝表演環節大跳夏威夷草裙舞,性感打扮十分養眼!

吳雅珠得季軍

來自紐約的13號吳雅珠獲得季軍,其志願是當上演員。

友誼小姐鄭子怡 回應「僭建」傳聞

「友誼小姐」由1號曼谷佳麗鄭子怡(Tavee Meeasang)獲得,鄭子怡本身在泰國任職新聞主播,她表示最初負責娛樂方面的報道,後來才轉做新聞主播

鄭子怡嘅35吋豐滿上圍成為焦點,但睇落唔多自然,而之前佢嘅間尺鼻也成討論話題,被網友質疑身材和樣子也「做假」,她表示對自己身材滿意,每日照鏡也會對自己說:「好靚、好鍾意你!」當問到可有「僭建」時?她笑稱:「這個是秘密,但如果想知道可以摸摸。」未有正面回應。

華姐台下嘉賓更吸睛

台上一眾參賽者爭妍鬥艷,台下亦有大量索女同型男嘉賓判評盛裝出席,事業線玉背長腿樣樣齊,令人目不暇給!你又覺得邊個最索?

《2019國際中華小姐競選》昨晚於將軍澳電視城舉行,大會司儀由袁文傑、麥明詩及陸浩明擔任,唔知大家覺得佢哋昨晚表現如何呢?

麥明詩以藍色底胸晚裝示人,高貴端莊!

一班佳麗之外,擔任大會評判團都非常搶眼,個個都係靚仔靚女,馬德鐘﹑陳豪﹑苟芸慧﹑朱晨麗和張曦雯,擔任「鑽石評判團」!

陳豪

型男評判方面,有陳豪、馬德鐘!

馬德鐘

朱晨麗

朱朱以黑色晚裝上陣,中門大開好性感!

苟芸慧

婚後嘅苟芸慧愈來愈靚,佢以黑色低胸晚裝現身,晒出4吋事業線!曾是華姐冠軍的她,獲在場傳媒指她再參選也能揮低一眾佳麗奪冠,苟姑娘笑謂:「當年參選至今都10年,人生有幾多個10年,所以都有少少感觸,依家位置唔同咗,有啲嘢過咗去就冇得番轉頭,所以要珍惜。」

張曦雯

張曦雯以白色lace裙上陣,好有女神feel!

湯洛雯、朱千雪

朱千雪﹑黃心穎﹑蔡思貝﹑余德丞﹑湯洛雯和羅天宇等,則擔任「華麗評判團」。

湯洛雯、羅天宇

羅天宇同兩名舊愛苟芸慧、湯洛雯同場,人妻苟芸慧談到羅天宇有點尷尬;湯洛雯則大方與羅天宇合照,仲話二人私下一直有聯絡。

黃心穎

心穎BB都係以黑色露肩魚尾晚裝上陣,條裙好貼身,好蝦人著!

蔡思貝 余德丞

蔡思貝同緋聞男友余德丞同場,二人甜蜜合照,二人齊齊受訪時亦默契十足。問到思貝可有見過啲佳麗?她稱:「只係喺電視見過,今次第一次見,要睇多幾眼,清楚知道佢哋來自邊度同資料,因為都幾難揀,所以想了解多啲!」但余德丞話:「第一個感覺最重要,之前電視有廣告我都避開睇,今晚第一次見!」身旁嘅思貝即表示:「咁咪啱囉,我哋一凹一凸!」

朱智賢、張寶兒

此外張秀文﹑余思霆﹑邵珮詩等小花都性感登場,其中以張秀文最為性感。

邵珮詩

張秀文

余思霆

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!