呂慧儀

傅嘉莉重提「搭上朋友夫」舊聞!寸呂慧儀夫婦造新聞好無恥

最新娛聞

廣告

呂慧儀同老公黃文廸昨日(9日)凌晨喺IG突然發表共同聲明,宣布已於去年離婚,唔少圈中人及網民都感到突然及婉惜!

不過藝人傅嘉莉(Kelly)今日凌晨喺IG發長文,內容直指呂慧儀同黃文廸當年借佢造新聞,唔止話二人借朋友出位好無恥,令佢被加上偷食朋友老公之名,仲話二人再見不是朋友。那邊廂,呂慧儀也發功,喺ig留言反擊!

撰文:東方新地 │ 圖片:新傳媒圖片、微博、Instagram、 連登截圖 、傅嘉莉IG

呂慧儀 黃文廸宣佈離婚

現年36歲的呂慧儀,於2006年參選港姐取得季軍後加入娛樂圈,並於2011年嫁香港先生男友黃文廸,二人育有一子,但前日呂慧儀老公黃文廸被踢爆在巴士上啜女,呂慧儀最初回應老公偷食表示「屋企事不回應」,但及後二人發表共同聲明表示已於2018年變回朋友關係,已於去年離婚,不敵七年之癢。

呂慧儀昨晚凌晨透過社交網站對外宣佈離婚消息,全文如下:

在不同的時空,兩個人可以相遇,相知到相愛,相處了十多個年頭,確實不容易,我們比誰還要清楚了解彼此,在四年前,我們有了愛情的結晶品,小生命為我們添上了很多家庭上的滿足和快樂,我們都感恩小生命的到來,希望他與普通小朋友一樣,平凡的健康快樂地成長。

我們在平和溝通下都有了共識,亦為免各界朋友有無謂揣測或聯想,今天我們想向大家作一次性的交代,我們已於2018年決定由夫妻變回朋友關係,當時的決定亦不涉及任何第三者。我們選擇低調處理是為免影響兒子的成長。

永恆不變的是,我們仍是兒子的父母,所以我們會共同撫養兒子,我們也會好好安排及處理兒子的事情,各界朋友亦不用擔心,希望大家給我們和孩子空間,讓孩子能與普通小朋友一樣,不受追訪下寧靜地生活成長。我們會一如以往的繼續努力工作及照顧好兒子。雖然身份轉為朋友,但我們仍是彼此相知和關心的,都希望對方能生活美滿。在此再次感謝各界朋友關心。

傅嘉莉寸呂慧儀造新聞

不過黃文廸疑似偷食似早有前科,2013年他喺IG上載咗張喺車廂內同一位搽咗黑色指甲女子玩十指緊扣嘅相,而呂慧儀就喺微博都話唔記得自己有搽過黑色指甲,仲問黃文廸係咪擺錯相,因而爆發第三者疑雲。

當時網民偵探上身,睇吓邊個同黃文廸認識又有搽黑色甲油,結果同黃文廸曾經喺過同一間模特兒公司工作,加上早幾日出活動又搽過黑色甲油嘅傅嘉莉,當時就無端端背上「偷食朋友夫」之名。而黃文廸事後公開表示︰「好愛蟹公主,一場誤會!」

昨晚傅嘉莉忽然在社交網貼出「黑甲油」拖手相,仲撰長文反擊呂慧儀和黃文廸當年為了博見報拖她落水,偽造相片誣衊朋友:「為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上」、「大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情」!

 

View this post on Instagram

幾年前 我和舊模特兒公司 遇到很多不實嘅新聞 也不想多作回應 覺得清者自清,問心無愧 不希望越說越把事情發酵 但這兩天很多不同朋友 發給我呂慧儀同黃文迪的新聞 再次看到這張相片 心裏真的很嬲 我不想因為再顧及其他人嘅感受 要為自己澄清! 當年黃文迪上載的這張相片 相片搽上黑色指甲油 拖着黃文迪的手! “絕對不是我” 做模特兒嘅時候 同經理人和其他模特兒成班朋友 經常工作後一起吃飯聊天 在他們的婚禮上我也幫忙做姊妹 和呂慧儀同黃文迪 都算是好朋友和同事 因當時我《衝上雲霄2》播出後 出席很多不同的活動 也喜歡用不同嘅造型 會搽唔同嘅指甲油 配襯唔同嘅衫 所以有幾個活動 我穿着黑色裙搽上黑色指甲油 新聞出街前一日 我就已經收到記者要求回應嘅電話 嗰陣時仲係黃文迪上載相片冇幾耐 當時我馬上打電話給經理人 大家第一個反應就是 這隻手不就是呂慧儀的手 這架車不就是他們黑色嘅七人車 為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上 為何記者就馬上覺得這隻搽黑色指甲油的手是我 說我就是拖著黃文迪手的人 第二日見報 這單新聞大大被刊登 文中完全沒有替我澄清 只是不斷說我是疑似黑甲女 令我配上”搭上朋友之夫”之衰名 大家可以試試理解我當中嘅感受 大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情 最後也想說 作為曾經嘅朋友 知道他們分開 也感到可惜 麻煩我的朋友不要再轉發他們的新聞給我 記者也不用再叫我回應他們的新聞 我相信 成功需苦幹 珍惜機會 努力學習 別人會看到的 不用利用朋友 亦不需靠這些 沒意義嘅新聞

A post shared by Kelly Fu傅嘉莉 (@kelly.fuu) on

呂慧儀曾為傅嘉莉澄清

睇番當年呂慧儀其實係有幫佢澄清,而傅嘉莉當時都留言感謝長腳蟹還佢清白,但原來佢未把事情放低。事隔多年後就喺人地離婚時重提舊事,言詞一啲都唔留情面,到底Kelly Fu係申冤定係抽水?

呂慧儀發文 感謝有人關心

呂慧儀喺發表離婚聲明後喺IG Story上載一張文字圖,意有所指話:「I truly appreciate kindness. I appreciate people checking up on me. I appreciate a quick message,I appreciate those who ask if I’m okay,I appreciate every single person in my life who has tried to brighten my days. It’s the little things that matter the most.(我好感激你哋嘅善意,我好感激有人嚟慰問我,我好感激有人會發訊息,我感激嗰啲會問我係咪仲係OK嘅人,我感激生命中每個為我帶嚟希望嘅人,呢啲都係小事,但擁有最大意義。)」

精采重溫 :傅嘉莉睇日本地震新聞失言認無腦

很多時候藝人的一言一行都需要很小心,一個不小心禍從口出,就會形象「插水」,藝人傅嘉莉就是一個活生生的例子。

在去年6月18日早上日本大阪發生6.1級地震,造成多人傷亡,情況讓人擔憂,不少當地旅遊的香港人都紛紛向家人保平安。藝人傅嘉莉、阮小儀金剛等人當時也身在日本拍攝最新一輯的《街坊廚神》,當中傅嘉莉在地震第一時間在IG上傳了一條story,豈料無意失言引來大批網友「狂插」,事後在IG道歉。

Kelly當時上載了多段有關地震的短片,等網友更清楚當地情況,不過在其中一段拍著電視機畫面的短片聽到Kelly說:「好得意呀啲新聞,畫面喺度震㗎,好搞笑」由於是次地震造成多人死傷,Kelly用「好得意」來形容這次的天災,被網民指超冷血。

事後Kelly知道自己失言後就馬上刪掉段片,並在IG公開道歉說:「對唔住!引嚟咁大的誤會,係我唔識表達,唔夠智慧,無危機意識。之後再睇新聞知道有傷亡,先意識到這是一場很嚴重的天災」,所謂禍從口出,覆水難收,相信這次讓網民對她的形象有很大的影響。

網民留言狂插

 

傅嘉莉 賣太古城勁賺225萬

依家香港樓價高企,好多80後都上唔到車買唔到樓,傅嘉莉卻已先後多次做業主,早年接受本刊家居訪問時透露07年22歲時首次置業,2010年以樓換樓方式,買入太古城兩房海景單位,再於12年勁賺出售,但翻查記錄發現傅嘉莉原來早在06年以三百多萬購入海怡半島,兩年後近六百萬售出。

打造單身鑽屋 親自設計度尺

傅嘉莉在接受本刊訪問時,透露自己早在28歲已3度成為業主,頭兩次都獲利放售;10年以4百多萬購入太古城670呎兩房海景單位的她表示:「我好鍾意呢區環境配套設施,而且返TVB拍劇又方便。」兩年後她將單位收回自住,花4個多月和50多萬裝修,務求打造一所稱心滿意的家。

收回單位後,Kelly堅持親自為新屋設計,如度尺、揀料和監工等,她一一應付自如,從未修讀過室內設計的她說:「我成日都會上網search,去朋友屋企偷師,加上我工作成日周圍飛,見到啲酒店設計靚,都會用iPhone影低參考。」

收納歸一

雖然找專業室內設計師較方便,但品味自己最清楚,「除咗要有屋企feel外,設計上我仲要符合到幾個元素,可以容納大量衫、鞋、護膚品,要一目瞭然,出街前唔需要花太多時間摷。」

 

結果她改動了飯廳和主人房原來間隔,增設工人房和衣帽間,「自己設計最難係揀料睇樣辦,揸住一小塊樣辦,就要憑空想像用咗之後間屋個樣,有時真係好難取捨。」

Kelly居室以白色為主調,簡約四正不花巧,設計收納歸一,設衣帽間、大型鞋櫃、洗手間有大型護膚品櫃,堪稱為單身女子度身訂造。

港女誰不是鞋癡?數量多不特止,高、低、平踭、尖頭、圓頭、露趾、長、中、短boots、波鞋、帆布…是世上最考收納功夫的身外物!Kelly就在原來的飯廳位置加設特製鞋櫃,放了百對名鞋,可分類擺放。

廁所用上大型鏡櫃,擺放Kelly大量護膚品。

座廁還設置了自動洗淨系統,一流享受。

單身女出價求購

裝修完工,Kelly正式遷入,入住短短幾個月,但已有買家出六百萬求購,比Kelly買入價高出百萬。Kelly說:「個買家同我一樣,都係一個女仔同個工人住,佢上嚟一睇個設計間隔,就話要買,出個價唔差,其實都拉鋸咗一段時間,但我真係好唔捨得間屋。」

說到全屋最滿意設計,Kelly表示:「我最滿意個廚房,廚櫃所用木板、門鉸花咗我好多時間去搵、同裝修師傅傾點做。」她還滿意地向我們示範德國製的廚櫃門鉸於開閂時不會發出嘭嘭聲的效果。

客廳用價錢較貴的日本空運仿木紋牆紙,「最初有想過用木板做牆身,但近海容易發霉,所以最終揀牆紙,連牆紙老闆都話,啲牆紙咁靚,自己住就抵,租畀人就免啦!」梳化是G.O.D出品,價值8千。

傅嘉莉有兩隻貓,一隻是英國短毛混蘇格蘭褶耳貓Gebe,另一隻是美國長毛捲耳貓Bebe。又飼養了兩隻龜,體形較大一隻是品種罕有的哈米頓龜,市價過萬。

後生細女家設神櫃,確係奇聞!Kelly的神櫃由日本運返港,價值8千,櫃下白色抽屜擺放多年收藏佛經,餐枱椅是franc franc出品,同樣價值8千。

爆uncle介紹平樓

傅嘉莉2010年以455萬購入太古城兩房海景680呎單位,兩年後以680萬出售,賺225萬, 當時傅嘉莉透露是整幢大廈最高成交紀錄。

投資有賺有蝕,傅嘉莉每次買樓都必賺,當時記者詢問她買樓心得,她支吾以對:「有時有啲uncle話俾我知有咩筍盤,問我有無興趣買,計我平少少,(邊度識呢啲咁好嘅uncle?) 工作上認識!」

早年她曾在訪問中自爆有意買樓,大口氣話:「我想買二至三房單位自住,要有衣帽間,最好買多間畀父母,我希望30歲賺到一千萬,可以有五個物業,40歲前就買到十個。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!