張栢芝

張栢芝大仔盡得父母真傳 網民讚:「基因的重要性!」

最新娛聞

廣告

最近,張栢芝非常躍於個人社交網,除會介紹自家新品外,仲會同各位粉絲分享同兩位囝囝嘅生活日常。近日,栢芝甫出一張大仔嘅近照,結果唔少網民都大讚大仔盡得父母真傳!

撰文:東方新地|圖片:張栢芝微博

張栢芝大仔盡得父母真傳

話說,張栢芝自宣布誕下第三胎後,再次活躍於個人社交網,近日就分享大仔低頭玩手機近照,留言:「剛剛一落樓下見到有個男仔,我心裏在想邊個靚仔咁早去我屋企,原來係自己個仔,真係不敢相信他們的長大速度轉變快過香港的天氣報告,每一天高幾吋,現在已經高過我了怎麼辦?」

雖然深怕大仔長大後高過自己,不過最怕應該都係驚囝囝長大得太快。而依家11歲嘅Lucas喺相中遠睇已經幾有型,正面照中更被唔少網民大讚靚仔,相信Lucas大個仔後更會係一位型男!

即時回顧:

傳張栢芝第三胎「小王子」已改名

張栢芝上年12月承認誕下第三胎「小王子」,更被爆指BB出世紙已經喺12月初取得,B仔同時已經改名!據知喺出世紙上母親一欄係填張栢芝,反而父親一欄係空白!

換句話,「小王子」將會跟媽咪張柏芝姓?另一方面,大家其中最關注B仔叫咩名,據了解「小王子」全名張禮承,英文名叫Marcus。

張栢芝官網親證誕第三胎

張栢芝透過工作室發聲明:「親愛的影迷朋友、媒體朋友、合作夥伴,工作室非常開心地代表張栢芝分享一則喜訊:張栢芝女士已於11月誕下第三子,母子均安。孩子與家人是栢芝一直以來守護的最重要的人,在接下來的日子裹,栢芝會全力為三個孩子創造更加優越的成長條件,同時也會努力帶來更好的作品。『小王子』滿月了,感謝大家的關心與祝福!」

栢芝除咗喺微博宣佈第三胎已經滿月之外,更向大陸傳媒派發喜餅,曲奇盒上印有卡通小熊貓圖案,隨盒更附上一張卡通感謝卡,上面清晰可以見到栢芝抱住新生嬰兒,左右兩旁就有兩位西裝骨骨嘅哥哥Lucas同埋Quintus。

栢芝着魚網絲襪 翹腳勁霸氣

之前栢芝將社交網全部照片刪除,但今日佢嘅社交網突然復活,仲連環上載多張相片,做埋生招牌為自家品牌宣傳!相中可見,佢四肢纖細,仲着上魚網絲襪以紅黑打扮喺車及門口大擺甫士,V面重現,狀態大勇。而細佬張豪龍亦有出鏡,兩姊弟住喺櫈上,栢芝仲豪邁翹腳,勁有霸氣!不過未知係新相抑或舊相呢?

「神隱」半年 張栢芝出山

在本月初,飲食作家Bonnie在社交網站上傳一張與栢芝的合照,「神隱」半年的她終於曝光!照片中張栢芝戴著黑超,身穿紅色樽領衫,雙手舉V,面頰明顯較以前飽滿,Bonnie留言表示:「今日小朋友遊樂日又撞到好姊妹Ceci,Quintus愈嚟愈高大靚仔!」據知栢芝當日只係同細仔Quintus到深灣遊艇會,而大仔Lucas就留在家玩電腦。

網友:長黑髪唔補染?

不少網民留言猜張栢芝到底係咪剛剛生完BB,有人話生完冇理由唔使坐月咁快出外,但又有人話栢芝明顯肥咗,而且懷孕嘅婦女為了BB健康多數都暫時唔染髮,而睇睇貪靚嘅栢芝,居然長了一大截黑髪而唔補染。

至於Bonnie就表示相片係得到栢芝同意才上載,又話手上嘅紫色手帶係昨日深灣遊艇會活動才派發,證明係相片係昨日才拍,而不是舊照當新照,仲話冇其他嘢要補充,傳媒有問題就問番當事人!

傳bb爸爸係新加坡富豪

有報道指38歲張栢芝在上月25日於養和醫院生咗第三胎,而且都係男嬰,BB的父親是一名年過六十歲的新加坡富豪,是當地連鎖飲食集團股東,又擁有一間上市企業。栢芝媽媽數個月前曾在節目亮相時,親口爆料指女兒的新男友是「一位65歲的新加坡富豪」,雖然兩人年齡相差廿十多歲,但卻很會照顧人。

神隱數個月

據報道又指出,張栢芝為生B保密工夫做足,唔止將Ig、微博嘅個人帳戶全部post刪掉,近數月突然未有在公開場合露面,而早於7、8個月前,仍經常見到栢芝在大埔康樂園會所出現,但最近已不見其影蹤,反而有唔少人在養和見過佢。而最後一次現身是今年5月,她和吳建豪宣傳主演嘅大陸電視劇《如果愛》,當時栢芝著住鬆身裙出席活動,被指刻意遮掩孕味!

自爆2018年要生BB

雖然已經有兩名可愛的兒子,也未有透露有新對象,但今年初,栢芝突然在Instagram揚言要生B:「2018之前必定要生出個BB來,This is my goal!」

而今年3月栢芝罕有地在Instagram貼出一張有男伴出現的游泳照,未知相中男子是否新男友!

不過,消息未得到栢芝的證實,而有傳媒向其經理人Emily求證,她未有正面否認,只是說:「沒有回應!」

而栢芝前夫謝霆鋒被傳媒追問是否知道前妻栢芝誕B及跟新加坡富商交往一事,他表示:「我唔知呀。」而對於有傳栢芝再生BB,身為前老爺嘅謝賢向栢芝送上祝福:「我唔知,唔講喇!同我祝福佢!」

今年4月,本刊在又一城影到栢芝同兩個囝囝行街,當時栢芝穿上鬆身運動褲及波鞋,未見孕味!

張栢芝同兩個寶貝仔行街,冧爆又拖又錫又攬!

去到邊都出名親民有求必應,栢芝被粉絲要求合照時,仲好識做面貼面舉晒V。

好媽媽張栢芝陪囝囝去嘉年華

張栢芝計劃今年開戲做導演,近期已忙於籌備,早前公開招募新演員,最近又忙於搞自家服裝品牌生意,不過點忙都好,栢芝一定留大量時間畀兩個兒子。 去年12月26日Boxing Day,栢芝帶兩個仔去中環「歐陸嘉年華」玩。

去中環嘉年華

當日傍晚約六時許, 栢芝帶住Lucas及Quintus, 約埋髮型師好友Marvin,到達中環「嘉年華」會場,甫入場就拖住兩個仔,急急腳迫排隊玩攤位遊戲,7歲細仔Quintus見到啲毛毛公仔已經非常雀躍,捉住栢芝玩拋呼拉圈遊戲,只見栢芝拖住Quintus,細心教他拋出呼拉圈落啲公仔度,不過兩兄弟一直掟唔中,為幫兒子贏公仔,栢芝就落力掟,好彩最終贏得兩隻戰利品。

玩完攤位遊戲,她再陪兒子玩機動遊戲「飛天韆鞦」,不過細仔Quintus驚驚唔敢玩,於是栢芝頂上陪Lucas兩個人玩,而髮型師Marvin就帶Quintus去買棉花糖,邊食邊等媽咪同哥哥,Quintus更加食到啜埋手指,十分可愛!

陪Lucas玩「飛天韆鞦」

啱啱開完工的栢芝似乎冇乜精神,但仍頂硬上陪兒子玩機動遊戲「飛天韆鞦」,開始時仲見栢芝笑晒口!

Lucas全程玩到笑唔停,反而栢芝愈玩愈驚,成個樣硬晒軚,仲要用手撳住個頭,直至機動遊戲停低才有番笑容。三母子玩了個多小時,才盡興離開。

Lucas幫手撩牙

去完嘉年華當晚,栢芝就在lG晒相,除表示去了嘉年華玩,又放了一張吃完飯攰到瞓著覺嘅相|大讚Lucas十 分乖巧,知道媽咪攰到瞓著,一直陪在她身邊,仲幫佢撩牙,栢芝更感動表示「教我如何不愛你」。

工作湊仔兩邊忙

假期期間,栢芝要返內地工作,就帶埋Quintus陪開工,Lucas要出席同學仔party才未有同行。放完聖誕新年假,稍後又要為兩個仔學校考試忙碌,栢芝真係廿四孝媽咪。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
張栢芝