余文樂

余文樂囝囝余初見正面照曝光 網友:一睇就知係你DNA!

話說,自余文樂(樂仔)囝囝余初見(Cody)出世後,雖不時會喺社交網站分享Cody嘅相,但張張一般都會遮樣或只出手仔腳仔。然而,從唔會俾Cody正面出鏡嘅樂仔今日終於上載呀仔Cody嘅正面相!

撰文:東方新地|圖片:余文樂ig

余文樂囝囝正面照曝光

唔少藝人都為保護仔女私隱而避免佢哋出鏡,而樂仔都一樣。不過,今日樂仔就突然破例,首次喺個人社交網上載囝囝Cody嘅正面照!Cody身穿橫間上衣坐喺BB車上,背後就係爸爸樂仔嘅大型廣告牌,雖然Cody被後期加咗副黑超,但感覺非常型仔!

唔少網友見到Cody正面照後都紛紛指囝囝似爸爸樂仔,仲話:「一睇就知係你嘅DNA」,同時亦有網民大讚Cody好型仔!