呂慧儀

呂慧儀5大方法走出離婚陰霾 勇敢積極面對外界!

最新娛聞

廣告

呂慧儀早前宣布「分訊」,表示想低調處理家事嘅長腳蟹除獲好兄弟張景淳man爆力撐外,其實長腳蟹自己亦同時以自己嘅方法勇敢走出離婚陰霾!

撰文:東方新地|圖片:呂慧儀ig

呂慧儀 黃文廸宣布離婚

現年36歲的呂慧儀,於2006年參選港姐取得季軍後加入娛樂圈,並於2011年嫁香港先生男友黃文廸,二人育有一子。但早前呂慧儀老公黃文廸被踢爆在巴士上啜女,呂慧儀最初回應老公偷食表示「屋企事不回應」,但及後二人發表共同聲明表示已於2018年變回朋友關係,二人已於去年離婚,不敵七年之癢。

呂慧儀透過社交網站宣布離婚消息,全文如下:

「在不同的時空,兩個人可以相遇,相知到相愛,相處了十多個年頭,確實不容易,我們比誰還要清楚了解彼此,在四年前,我們有了愛情的結晶品,小生命為我們添上了很多家庭上的滿足和快樂,我們都感恩小生命的到來,希望他與普通小朋友一樣,平凡的健康快樂地成長。

我們在平和溝通下都有了共識,亦為免各界朋友有無謂揣測或聯想,今天我們想向大家作一次性的交代,我們已於2018年決定由夫妻變回朋友關係,當時的決定亦不涉及任何第三者。我們選擇低調處理是為免影響兒子的成長。」

「永恆不變的是,我們仍是兒子的父母,所以我們會共同撫養兒子,我們也會好好安排及處理兒子的事情,各界朋友亦不用擔心,希望大家給我們和孩子空間,讓孩子能與普通小朋友一樣,不受追訪下寧靜地生活成長。我們會一如以往的繼續努力工作及照顧好兒子。雖然身份轉為朋友,但我們仍是彼此相知和關心的,都希望對方能生活美滿。在此再次感謝各界朋友關心。」

傅嘉莉當年被疑是第三者

不過黃文廸疑似偷食其實早有前科?2013年時,佢喺IG上載咗張喺車廂內同一位搽咗黑色指甲女子十指緊扣的相片,而呂慧儀就喺微博話唔記得自己有搽過黑色指甲,仲問黃文廸係咪擺錯相,因而爆發第三者疑雲!

黑色甲油女子是誰?

當時網民偵探上身,睇吓邊個同黃文廸認識又有搽黑色甲油,結果同黃文廸曾經喺過同一間模特兒公司工作,加上早幾日出活動又搽過黑色甲油的傅嘉莉(Kelly),當時就無端端背上「偷食朋友夫」之名。而黃文廸事後公開表示︰「好愛蟹公主,一場誤會!」

傅嘉莉寸呂慧儀造新聞誣衊朋友

呂慧儀宣布離婚後,傅嘉莉突然在網上貼出「黑甲油」拖手相,更撰長文反擊呂慧儀和黃文廸當年為了博見報拖佢落水,偽造相片誣衊朋友:「為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上」、「大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情」!

View this post on Instagram

幾年前 我和舊模特兒公司 遇到很多不實嘅新聞 也不想多作回應 覺得清者自清,問心無愧 不希望越說越把事情發酵 但這兩天很多不同朋友 發給我呂慧儀同黃文迪的新聞 再次看到這張相片 心裏真的很嬲 我不想因為再顧及其他人嘅感受 要為自己澄清! 當年黃文迪上載的這張相片 相片搽上黑色指甲油 拖着黃文迪的手! “絕對不是我” 做模特兒嘅時候 同經理人和其他模特兒成班朋友 經常工作後一起吃飯聊天 在他們的婚禮上我也幫忙做姊妹 和呂慧儀同黃文迪 都算是好朋友和同事 因當時我《衝上雲霄2》播出後 出席很多不同的活動 也喜歡用不同嘅造型 會搽唔同嘅指甲油 配襯唔同嘅衫 所以有幾個活動 我穿着黑色裙搽上黑色指甲油 新聞出街前一日 我就已經收到記者要求回應嘅電話 嗰陣時仲係黃文迪上載相片冇幾耐 當時我馬上打電話給經理人 大家第一個反應就是 這隻手不就是呂慧儀的手 這架車不就是他們黑色嘅七人車 為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上 為何記者就馬上覺得這隻搽黑色指甲油的手是我 說我就是拖著黃文迪手的人 第二日見報 這單新聞大大被刊登 文中完全沒有替我澄清 只是不斷說我是疑似黑甲女 令我配上”搭上朋友之夫”之衰名 大家可以試試理解我當中嘅感受 大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情 最後也想說 作為曾經嘅朋友 知道他們分開 也感到可惜 麻煩我的朋友不要再轉發他們的新聞給我 記者也不用再叫我回應他們的新聞 我相信 成功需苦幹 珍惜機會 努力學習 別人會看到的 不用利用朋友 亦不需靠這些 沒意義嘅新聞

A post shared by Kelly Fu傅嘉莉 (@kelly.fuu) on

呂慧儀曾為傅嘉莉澄清

不過睇番當年呂慧儀其實係有幫佢澄清,而傅嘉莉當時都留言感謝長腳蟹還佢清白…… 但原來傅小姐未把事情放低。事隔多年後喺人地離婚時重提舊事,言詞不留情面,到底佢係申冤定係抽水呢?

5大方法走出離婚陰霾

|自己一個散心

連日嚟,除咗被受傳媒追訪外,相信另一方面最難嘅係要將自己個人私事公開後,再面對公眾嘅討論。幸好,長腳蟹獲唔少網民、朋友等支持,繼續以正面態度面對一切。就算送完囝囝返學後,寧願自己一個靜靜地行山散心。

一個人遠離煩囂嘅長腳蟹繼續以素顏自拍上鏡,望落心情唔錯,同時亦為自己打打氣,於留言中hashtag「#haveaoodday #願一切安好」,似乎係希望一切快啲過去之餘,亦對未來充滿期望!

|投入工作

雖然長蟹腳同老公黃文迪離婚,敵不過七年之癢,但生活依然要繼續,故宣布分訊後亦返到TVB電視廣播城開工。當時,長腳蟹表示依家自己會專心工作同照顧囝囝(Anton),而寄情工作從來都係最快忘記傷痛嘅方法之一。

|搬返娘家重新出發

以往,長腳蟹同前夫居嘅愛巢喺天水圍,不過離婚後就當然搬返出嚟。據知,依家長腳蟹收工後會返去屯門龍門居同父母住嘅娘家住。

當然就唔少得帶埋囝囝返娘家,一於同公公婆婆一齊重新開始。近日,長腳蟹就被影到喺附近超市買士多啤梨俾Anton食,亦買咗藥材煲湯俾呀仔飲,真係位廿四孝媽咪!

|專心湊囝囝

長腳蟹對囝囝愛護有加,雖然離婚後Anton會由雙方共同撫養,但身為媽咪嘅呂慧儀即做工作忙碌,但一有時間都陪伴呀仔,又親自下廚,又帶呀仔做運動,專心湊囝囝為首任!

|對往事封嘴

由宣布離婚一直發生唔少事,但為免事件再發酵,即使返廠途中,早已喊到眼腫及聲沙嘅長腳蟹被截停受訪,但仍堅持唔回應,全程保持笑容兼友善同在場記者打招呼、拍照,行為大方得體!

無論係對前夫,抑或係昔日好姊妹遭網絡公審,長腳蟹都一律唔回答,為免任何一方會被愈描愈黑,故只表示多謝大家關心,一來保護自己,二來亦保護對方。

張景淳man爆反擊

另一方面,不少人睇《開心速遞》都會喜歡看到若水與龔燁這對歡喜冤家,原來不單止戲內二人感情友好,戲外都是一樣!皆因,長腳蟹突然宣布與老公黃文迪離婚時,被昔日姊妹傅嘉莉翻舊帳,疑似博見報,張景淳就替其反擊!

張景淳見狀,都為長腳蟹抱不平,日前於IG的IG story上載一張相,Man爆寫道:「All I can say is……You seriously have no idea what people are dealing with in their personal life, just be nice, it’s that simple. A stranger’s casual eating peanuts saying something irresponsible then later forgot everything he/she said could mean long lasting damage on that person who is going through shit. 」,似是反擊隔空鬧傅嘉莉!

原來戲外的張景淳重情重義,見好友呂慧儀慘於宣布離婚後被昔日好姊妹抽水,都忍不了為對方發聲!相信有好友力撐的長腳蟹回歸單身後,生活都可以撐得住!

即時重溫 :傅嘉莉睇日本地震新聞失言認無腦

很多時候藝人的一言一行都需要很小心,一個不小心禍從口出,就會形象「插水」,藝人傅嘉莉就是一個活生生的例子。

在去年6月18日早上日本大阪發生6.1級地震,造成多人傷亡,情況讓人擔憂,不少當地旅遊的香港人都紛紛向家人保平安。藝人傅嘉莉、阮小儀金剛等人當時也身在日本拍攝最新一輯的《街坊廚神》,當中傅嘉莉在地震第一時間在IG上傳了一條story,豈料無意失言引來大批網友「狂插」,事後在IG道歉。

Kelly當時上載了多段有關地震的短片,等網友更清楚當地情況,不過在其中一段拍著電視機畫面的短片聽到Kelly說:「好得意呀啲新聞,畫面喺度震㗎,好搞笑」由於是次地震造成多人死傷,Kelly用「好得意」來形容這次的天災,被網民指超冷血。

事後Kelly知道自己失言後就馬上刪掉段片,並在IG公開道歉說:「對唔住!引嚟咁大的誤會,係我唔識表達,唔夠智慧,無危機意識。之後再睇新聞知道有傷亡,先意識到這是一場很嚴重的天災」,所謂禍從口出,覆水難收,相信這次讓網民對她的形象有很大的影響。

網民留言狂插

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!