好日子

【好日子】相愛29年仲咁sweet!黃智賢最愛揸車接OL老婆返放工

51歲黃智賢(Ben)捱足30年電視台,由兒童節目組主持《閃電傳真機》做起,入咗戲劇組十幾年都係徘徊喺二、三線之間浮浮沉沉,近年總算叫做捱出頭來,愈嚟愈多劇有得擔正,正在播放嘅新劇《好日子》佢就擔大旗做第一男主角。事業穩打穩紮,愛情亦都一樣細水長流,黃智賢有個OL老婆,拍拖14年、結婚15年,兩公婆一早有共識唔生B,更加大條道理全心全意錫晒老婆一個。

撰文:東方新地 圖片:新傳媒圖片、黃智賢微博、myTVsuper截圖、Instagram

《好日子》黃智賢 捱30年升呢做男一

入行30年的黃智賢,由兒童節目主持人做起,近年開始升呢做男主角,喺新劇《好日子》佢飾演的齊萬基性格吊兒郎當,被齊家村的村民排斥,不過現實生活中黃智賢是個用情專一、錫老婆的住家好男人!

陳煒爆黃智賢供女友讀書

在《好日子》同黃智賢有很多對手戲的陳煒,早前出席宣傳活動大爆Ben有段時間玩股票蝕了20幾萬,雖然如此,但他當時仍堅持借拍緊拖的女朋友(現在的太太)到外國讀書,完全係出於「愛」。黃智賢表示現在的財政大權全交由老婆管,同埋佢已轉買藍籌股,好穩陣喎!