江華

結婚26年仲咁sweet!江華、麥潔文搭住膊頭行超市

最新娛聞

廣告

江華同太太麥潔文婚後育有一子一女,26歲大仔陳耀淙(Bryan)做白衣天使唔入娛圈,仔大女又大,長子Brian又靚仔又生性做緊護士,呢個時候父母無嘢擔心就最好拍吓拖享受吓二人世界啦!

撰文:東方新地 圖片:新傳媒圖片、微博

江華、麥潔文 結婚26年仲咁sweet

唔少星二代都希望入行做明星,大仔26歲陳耀淙(Bryan)更加係愈大愈靚仔,有晒條件入娛樂圈,不過原來長大成人後去咗做白衣天使,冇繼承父母衣缽,Bryan天生有助人之心,感嘆現今香港醫護因人手嚴重不足問題外,所以喺大學完成護士課程後隨即投身醫護界,做護士為社會大眾服務,認真唔話得!

麥潔雯同江華曾經話仔女大,只會支持兒女嘅決定﹗有需要時先會出手扶助,係一對畀仔女好大自由度嘅父母﹗仔大女大,而江華同麥潔文雖然當初唔係人人睇好、多年來亦都遇過婚姻危機,不過江華同麥潔文呢一對都係排除萬難繼續相伴左右,眨吓眼咁就結婚26年。

搭住膊頭行超市

老夫老妻日子離不開柴米油鹽生活瑣事囉,日前兩公婆結伴行超市,證明感情要好的話,就算係買雜貨揀粿菜咁濕碎,都可以當係拍拖一樣有情趣。人稱比劉華更劉華其實不無道理,即使淡出娛樂圈轉行做保險多年,江華外型同警覺性都一樣keep得到,陪住老婆買買吓嘢,都係畀佢發現遠處鏡頭。呢個時候chok爆江華提一提老婆,再擺番個pose加埋個笑臉同離遠同打個招呼,有一刻,真係忘記咗呢度其實係連鎖超市,仲以為喺紅館睇緊劉華開個唱㖭!

 

感情好,之唔係行超市都可以當係拍拖囉,睇睇吓米,江華都情不自禁從後輕搭麥潔文肩膊。

冇耐就被江華發現鏡頭,即時提一提老婆,又chok擺番個招牌劉華pose。

細女天天遺傳了媽媽嘅天賴歌喉,想入行做歌手,麥潔文去親表演登台都預埋天天一份,等天天積累表演經驗﹗

同場加映:最索星二代逐個捉

關禮傑女兒 關楓馨

藝人關禮傑大女關楓馨(Fabienne)智慧與美貌並重,被問到會否參加選美,爸爸關禮傑就指要視乎女兒的意願,不過最好先完成學業。Fabienne又靚又叻,又有一個錫佢的男朋友,爸爸唔使擔心啦!

Fabienne與男友Kris Wood是大學同學,男友已經融入家中,而Fabienne亦不時與男友遊歷世界。

陽光女孩Fabienne經常遊山玩水,大晒泳照。

任達華琦琦囡囡 有43吋長腿

話說任達華同琦琦個獨女任晴佳。13歲女身高已經超過5呎7吋,眼大鼻高、樣子甜美,隨意一身白T、熱褲平底鞋,又pure又true。五官完全集合父母優良DNA,不過一對又直又長的43吋長腿,更加搶晒鏡!

年紀細寧推job

今次就話係客串玩票性質做一次暑期工model,其實天生咁嘅條件又有影帝爸爸同超模媽媽教路,唔行天橋唔做幕前,真係好浪費,華哥講到明代女推咗唔少job,當中仲包括有真人騷㖭,中港台都𥄫住呢位長腿星二代,雖然親手推咗唔少錢走,不過華哥話一啲都唔會手軟,全因為囡囡仲細,暫時唔考慮住咁話呀!大家死咗條心等多幾年先啦!

李嘉慧大女Valerie 高人一等

份屬琦琦同行、九十年代又係香港超模的李嘉慧婚後一生就係三個女,大女Valerie又係深得媽媽真傳,12歲已經腳長長高人一等,五官亦生得甜美。

甄子丹大女Jasmine 間尺腳

唔係只得名模至基因強勁,宇宙最強甄子丹同太太汪詩詩個14歲大女Jasmine都生得高䠷,還有一對筆直長腿。

陳奕迅女康堤高過媽咪

不得不提,陳奕迅同徐濠縈愛女陳康堤13歲女已經高過媽咪,氣質出眾還有時裝觸覺,絕對又係遺傳基因作崇。康堤著住同款風乾濕褸,好似孖妹,身形比例比阿媽更優勝。

仙氣林愷鈴 美腿吸睛

近年一眾明星的後裔備受關注,其中龔慈恩女兒林愷鈴 (Ashley) 今年只係18歲,身高1.73米,五官標緻身材均勻更有一對修長美腿,影相拍照有台型更有仙氣!

林愷鈴仙氣靚相吸人氣

得媽媽指點後識打扮識影相,更對自己外型愈來愈有信心,Ashley社交網終有大量高質仙氣靚相,比起當年在電視圈以氣質取勝的龔慈恩餅印得嚟更加青出於藍。

許紹雄囡囡 小性感

藝人許紹雄的女兒許惠菁(Charmaine)今年5月係佢21歲生日,不嬲愛錫女兒的許紹雄就當然同個女大搞生日派對,慶祝一番啦!當日派對上,除了有許紹雄一家人,佢哋兩公婆更邀請到圈中好友韓馬利、羅樂林及陳志健等人出席。而Charmaine當日就著上一條黑色低胸誘視裙,盡顯性感之餘,唔通想表達自己唔再係細路女?

剛剛踏入21歲嘅Charmaine,同爸爸媽媽溫馨合照,老竇許紹雄亦有留言祝賀愛女:「我女兒Charmaine,祝你生日快樂、身體健康!」

上山詩鈉女兒 Hilary

藝人上山詩鈉雖已年過半百,不過樣貌身材都保養得甚好,係圈中有名的「美魔女」。女兒Hilary完全遺傳到媽媽的美貌,小時候已經係十足的美人胚子,現時長大後更是散發陣陣仙氣,係公認的「至索星二代」!Hilary與媽媽感情要好,不時孖住出席公開場合,唔少人大讚佢哋似姊妹!

Hilary現時在外國讀書,在社交網絡非常活躍,經常上載自己靚樣,仲有同朋友四處玩樂的相片。

而且Hilary都好大方晒fit爆身材及健康膚色,真係冇得輸!

梁家輝大女 Nikkie

影帝梁家輝大女Nikkie有一雙水汪汪的大眼睛,笑容甜美,而且擁有魔鬼身材,IG已有兩萬幾followers!Nikkie長年在外國讀書,習慣了外國人較開放的風氣,早年曾上載性感露半球、夜店狂歡及攬啜友人等相片,不過事後極速刪除,相信係因為激嬲咗嚴父家輝!

Nikkie非常愛自拍,IG有大量自拍靚相,亦當然唔少得晒身材啦!

Nikkie早已名花有主,佢經常在網上大晒自己同鬼仔男友的合照。

梁家輝細女 Chloe

家姐Nikkie樣貌身材出眾,妹妹Chloe亦唔失禮,同樣擁有甜美笑容及fit爆身材,不過小編就覺得Chloe感覺上比家姐斯文內儉,比較有乖乖女feel!

早前,Chloe孖住家姐Nikkie一齊去睇學友嘅的演唱會以及曹星如的拳賽,兩姊妹都咁正,一齊出街肯定即時成為焦點!

邱淑貞大女 沈月

邱淑貞(豆斗)作為九十年代的性感女神,係唔少男士心目中完美的化身,不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨,其中長女沈月生得亭亭玉立、氣質出眾,皮膚及標緻面孔都甚母親的影子!雖然沈月平日多以淡妝或素顏示人,不過都足以睇到佢係個美人,相信過多幾年後能與母親匹敵!

隨著沈月年紀漸長,除咗愈來愈靚之外,條腿都愈來愈長!

 

苗僑偉女兒 苗彤

「三哥」苗僑偉與太太戚美珍兩人都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!早年苗彤在著名學府英屬哥倫比亞大學 (UBC)畢業,三哥夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!

苗彤不時都會在網上大晒惹火身材!

樣靚身材正的苗彤曾獲無線邀請參選港姐,但因無意在幕前發展而婉拒其好意。雖然沒有參選港姐,但卻擔任港姐的攝影師。從佢在網上分享的作品可見,她絕對是一個專業的攝影師。

王麗嘉愛晒奶

今年廿三歲嘅王麗嘉(Irisa)被外界稱為「王家最強基因」,無他嘅,皆因Irisa得父母優良DNA,擁有5尺11寸身高及標緻五官,而最令人留意嘅就緊係連老竇王敏德都多次投訴呀女太性感,經常晒嘅34D豐滿上圍啦!不過,鬼妹仔性格嘅Irisa就一於無理老竇,繼續多次晒奶!

View this post on Instagram

a century ago, 100 lashes was a bad thing🤔

A post shared by IRISA SHANNON🦒 (@irisashannon) on

近日,Irisa接受傳媒訪問,佢指自己15歲就去咗美國讀書,讀廣告畢業,因自覺自己唔適合坐喺office,仲話人愈大就愈鐘意面對鏡頭,所以大學返港後嘗試學媽咪做模特兒及時下流行嘅KOL工作。

對於獲外界指自己擁「王家最強基因」,Irisa就謙虛笑指其實得個樣似爹地,其他嘢就係一個mix,又話覺得爹地幾靚仔又夠幽默,而媽咪就會寵仔女多啲。

Irisa無論係驕人嘅上圍定9頭身比例超長腿,都令唔少人非常羨慕!不過,佢就表示唔覺自己平日好性感,而且對於外界對佢衣著或身材嘅評價,佢就覺得冇咩所謂,最緊要自己鐘意同舒服就夠!

View this post on Instagram

🚁tail me something i don’t know

A post shared by IRISA SHANNON🦒 (@irisashannon) on

王麗嘉斥香港人太保守

Irisa有咁火辣嘅身材,佢就指香港太保守,雖然自己一早就慣咗被街外人「掃」望,坦言因自己都幾高,但啲男人由佢胸口位勁近咁望,好似成世人未見過人有胸咁!

佢仲話如果香港係個太保守嘅社會,啲人應該唔好望!大概,Irisa係想大家唔好經常將注意力放咗落佢噴血嘅上圍上!

View this post on Instagram

seaduction💦

A post shared by IRISA SHANNON🦒 (@irisashannon) on

王麗嘉想做「縮胸」手術

事實上,原來Irisa有諗過做「縮胸」手術,因認為有時著衫會唔靚,又寒背咁,但佢就指會等日後科技好啲先去做,因為唔想留條疤痕喺身上!咁大家第日咪冇嘢睇?

View this post on Instagram

back in HK but phuket, gonna post more pics

A post shared by IRISA SHANNON🦒 (@irisashannon) on

經常漏奶嘅Irisa更指自己因上圍大過一般人,所以想設計泳衣俾啲身材比例唔似普通人嘅人著,就好似佢咁。原來Irisa係搵唔啱適合自己嘅泳衣,先會不經意咁露出半球,咁大家就體諒一下啦!

View this post on Instagram

i’m pinking of you

A post shared by IRISA SHANNON🦒 (@irisashannon) on

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
江華