黃翠如

蕭正楠做老竇?傳陀B兩個月 黃翠如回應:xxxx!

3月23日係蕭正楠42歲生日,蕭太黃翠如同朋友們齊齊為壽星佬慶祝,估唔到日前即傳來喜訊,有報道指他快將做爸爸,傳翠如陀bb 2個月,仲話預計可以趕得及做年尾生個豬BB,而當事人黃翠如同蕭正楠都有回應!

 

撰文:東方新地| 圖片:東方新地、蕭正楠&黃翠如Instagram

黃翠如陀B兩個月

去年12月蕭正楠在《萬千星輝頒獎禮》獲「最受歡迎電視拍檔」獎,蕭正楠自爆與黃翠如已經秘婚,揚言婚後不設防努力造人。估唔到咁快傳來喜訊,有指翠如陀b2個月,而且開始見肚,而二人近日已向身邊友人透露家有喜事,加上近日翠如為新劇《致所有愛過的人》埋尾,劇中她飾演孕婦因要裝假狗陀「巨肚」,故不是太多人察覺!

黃翠如
黃翠如為老公慶生,在社交網貼相並留言:「祝幸福,平安,健康,快樂,就夠。」不過蕭太就霸了主角位置在蛋糕前閉目許願,十分搞笑!
那邊廂,蕭正楠亦貼相寫道:「其實真係我生日㗎…蕭太!#一起到老」

有傳媒向黃翠如求證喜訊,但她以短訊回覆:「Fake」否認大肚。而蕭正楠也回覆傳媒:「呢幾個月,翠如拍戲忙到飛起,我見最多就係阿廉(曹永廉),如果真係有人有咗,嗰個一定係阿廉。」