阮民安

三年抱兩誕細仔!「樂壇小強」阮民安太太是日本原宿女神

現年38歲嘅香港MK-Pop組合始組E-Kids嘅成員阮民安(Tommy),出道17年雖然星路平平,但就擁有一個幸福嘅家庭,2017年同「原宿女神」老婆張倚雯(Eva)結婚,同年生咗大仔阮治童(Caesar),而日前佢就宣佈老婆平安順產誕下細仔,重3.18公斤,三年抱兩,恭喜晒!

撰文:Kayla|圖片來源:Facebook、《Kawaii International》截圖

阮民安 陪老婆入產房

喜獲麟兒嘅阮民安,接受傳媒訪問時表示,自己因為怕血,所以上一胎冇陪老婆入到產房,老婆上次經歷咗20幾個鐘先生到大仔,令佢覺得好內疚,所以第二胎就克服自己怕血嘅問題,陪老婆入產房生BB:「今次睇住成個過程,佢好辛苦,一度想放棄。」

阮民安仲話產房個護士認得佢,叫佢唱首歌氹老婆開心:「最後我都冇認真唱,只係不停咁分散佢注意力。」好彩第二胎都無驚無險,順順利利出世同爸爸媽媽見面!

E-Kids成員包括Tommy仔、林詠倫(Alan) 和郁禮賢(Tim),佢哋當年喺Stareast的餐廳工作獲校長譚詠麟賞識推薦入行,三人初出道以一頭金髮造型最深入民心。以前每年會放榜佢哋都成為討論熱話,因為三人的會考成績總和不多於5分!