呂慧儀

「龔水戀」炒大鑊鬧分手 呂慧儀:最快講分手的愛回家CP!

最新娛聞

廣告

早排白色情人節3月14日,無綫處境劇《愛.回家之開心速遞》以「白色情人節」為題,當中人氣極高由張景淳飾演的龔燁、呂慧儀飾演的熊若水嘅「龔水」CP,上演一幕「世紀之吻」後,一直展開地下情。見到佢哋終於開花結果,唔少觀眾看得甜在心頭!不過呢頭一齊只係半個月,今晚播出的一集二人就鬧分手?係真唔係呀!

 

撰文:東方新地 圖片:新傳媒圖片、影片截圖、Instagram、張景淳IG

《愛回家》白色情人節上演世紀一吻

早排白色情人節3月14日播出的《愛.回家之開心速遞》,龔燁與阿水在夜幕月色下的噴水池邊相會,阿水拿出被棄置的愛心曲奇,向對方盡訴心中情,表明願意給對方一個機會做自己男朋友!

阿水盡訴心聲

沉默過後,正當阿水擔心自己會否「食檸檬」之際,下一秒龔燁和阿水嘴唇已經緊緊貼上,以深深一吻來代替講話!

深深一吻來代替講話

這段歷時一年三個月、一波三折的「龔水戀」,終於在白色情人節開花結果,不少一直追看《開心速遞》的觀眾都睇到好感動!

呢頭一齊 嗰頭分手?

之不過嗰昨晚播出的第547集預告,若水同龔燁吵大鑊!咦!唔通咁快就玩完?明明佢地半個月情人節好sweet咁表白,仲喺埋一齊,點解今次會咁㗎?片段中,Peter、馬豹等男組員找龔燁私下開會,他們大數若水的不是,仲搞死侍小組揾人去扮追熊若水!

龔燁喺𨋢同若水大玩甜蜜,但全程死侍小組都喺CCTV睇直播,成班人緊張過後仲做出個得米嘅表情,似乎目的達成!

龔燁送上一大束紅玫瑰公開示愛,若水似乎好開心,雙下巴都唧埋出嚟!

但轉頭二人卻在天台鬧大交,原來若水知道Peter佢哋搞死侍小組,話佢好難頂,要揾龔燁扮追熊若水啃咗佢,臨尾水水仲傷心大嗌:「我哋分手啦!」而龔燁就拎住張紙仔,係咁叫水水冷靜啲聽佢解釋!到底二人係真分手定係耍花槍?相信粉絲都十分緊張!

而「熊若水」呂慧儀呢日甫出一張同「龔燁」張景淳攬攬嘅相,驟眼望落好似好Sweet,但佢自爆同「龔燁」可能會成為套劇最快講分手嘅愛回家CP!

「龔燁」同「熊若水」呢對《愛.回家之開心速遞》嘅螢幕情侶深受觀眾歡迎,不過原來都有人唔鍾意!講緊嘅之唔係4歲嘅囝囝蟹子囉!呂慧儀喺社交平台透露:「老闆已經識得自己重溫愛回家,終於趁我不在家看了534,老闆話唔開心,見到Stanley哥哥錫佢秘書,以為秘書唔錫佢了。秘書覺得老闆好可愛😍,當然有解釋給老闆聽,那是秘書的工作,老闆懂事無(冇)嬲,仲抱緊錫返(番)添!」

立即回顧:呂慧儀 黃文廸宣佈離婚

現年36歲的呂慧儀,於2006年參選港姐取得季軍後加入娛樂圈,並於2011年嫁香港先生男友黃文廸,二人育有一子,但早前呂慧儀老公黃文廸被踢爆在巴士上啜女,呂慧儀最初回應老公偷食表示「屋企事不回應」,但及後二人發表共同聲明表示已於2018年變回朋友關係,已於去年離婚,不敵七年之癢。

呂慧儀凌晨透過社交網站對外宣佈離婚消息,全文如下:

在不同的時空,兩個人可以相遇,相知到相愛,相處了十多個年頭,確實不容易,我們比誰還要清楚了解彼此,在四年前,我們有了愛情的結晶品,小生命為我們添上了很多家庭上的滿足和快樂,我們都感恩小生命的到來,希望他與普通小朋友一樣,平凡的健康快樂地成長。

我們在平和溝通下都有了共識,亦為免各界朋友有無謂揣測或聯想,今天我們想向大家作一次性的交代,我們已於2018年決定由夫妻變回朋友關係,當時的決定亦不涉及任何第三者。我們選擇低調處理是為免影響兒子的成長。

永恆不變的是,我們仍是兒子的父母,所以我們會共同撫養兒子,我們也會好好安排及處理兒子的事情,各界朋友亦不用擔心,希望大家給我們和孩子空間,讓孩子能與普通小朋友一樣,不受追訪下寧靜地生活成長。我們會一如以往的繼續努力工作及照顧好兒子。雖然身份轉為朋友,但我們仍是彼此相知和關心的,都希望對方能生活美滿。在此再次感謝各界朋友關心。

傅嘉莉寸呂慧儀造新聞

不過黃文廸疑似偷食似早有前科,2013年他喺IG上載咗張喺車廂內同一位搽咗黑色指甲女子玩十指緊扣嘅相,而呂慧儀就喺微博都話唔記得自己有搽過黑色指甲,仲問黃文廸係咪擺錯相,因而爆發第三者疑雲。

當時網民偵探上身,睇吓邊個同黃文廸認識又有搽黑色甲油,結果同黃文廸曾經喺過同一間模特兒公司工作,加上早幾日出活動又搽過黑色甲油嘅傅嘉莉,當時就無端端背上「偷食朋友夫」之名。而黃文廸事後公開表示︰「好愛蟹公主,一場誤會!」

呂慧儀宣布離婚後,傅嘉莉忽然在社交網貼出「黑甲油」拖手相,仲撰長文反擊呂慧儀和黃文廸當年為了博見報拖她落水,偽造相片誣衊朋友:「為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上」、「大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情」!

 

View this post on Instagram

幾年前 我和舊模特兒公司 遇到很多不實嘅新聞 也不想多作回應 覺得清者自清,問心無愧 不希望越說越把事情發酵 但這兩天很多不同朋友 發給我呂慧儀同黃文迪的新聞 再次看到這張相片 心裏真的很嬲 我不想因為再顧及其他人嘅感受 要為自己澄清! 當年黃文迪上載的這張相片 相片搽上黑色指甲油 拖着黃文迪的手! “絕對不是我” 做模特兒嘅時候 同經理人和其他模特兒成班朋友 經常工作後一起吃飯聊天 在他們的婚禮上我也幫忙做姊妹 和呂慧儀同黃文迪 都算是好朋友和同事 因當時我《衝上雲霄2》播出後 出席很多不同的活動 也喜歡用不同嘅造型 會搽唔同嘅指甲油 配襯唔同嘅衫 所以有幾個活動 我穿着黑色裙搽上黑色指甲油 新聞出街前一日 我就已經收到記者要求回應嘅電話 嗰陣時仲係黃文迪上載相片冇幾耐 當時我馬上打電話給經理人 大家第一個反應就是 這隻手不就是呂慧儀的手 這架車不就是他們黑色嘅七人車 為何他們兩夫婦 自己拖手 自己搽指甲油 自己在自己車上 自己影相 自己上載的相片 會聯繫到我身上 為何記者就馬上覺得這隻搽黑色指甲油的手是我 說我就是拖著黃文迪手的人 第二日見報 這單新聞大大被刊登 文中完全沒有替我澄清 只是不斷說我是疑似黑甲女 令我配上”搭上朋友之夫”之衰名 大家可以試試理解我當中嘅感受 大家是朋友 亦是做同一行的 明白做藝人嘅形象是非常重要 為何為了曝光率 為了見報 就可以偽造一張相片 說這長篇大論嘅感言 誣衊自己嘅朋友 做這無恥嘅事情 最後也想說 作為曾經嘅朋友 知道他們分開 也感到可惜 麻煩我的朋友不要再轉發他們的新聞給我 記者也不用再叫我回應他們的新聞 我相信 成功需苦幹 珍惜機會 努力學習 別人會看到的 不用利用朋友 亦不需靠這些 沒意義嘅新聞

A post shared by Kelly Fu傅嘉莉 (@kelly.fuu) on

張景淳man爆反擊

然而,不少人睇《開心速遞》都會喜歡看到若水與龔燁這對歡喜冤家,原來不單止戲內二人感情友好,戲外都是一樣!皆因,長腳蟹突然宣布與老公黃文迪離婚時,被昔日姊妹傅嘉莉翻舊帳,疑似博見報,張景淳就替其反擊!

張景淳見狀,都為長腳蟹抱不平,日前於IG的IG story上載一張相,Man爆寫道:「All I can say is……You seriously have no idea what people are dealing with in their personal life, just be nice, it’s that simple. A stranger’s casual eating peanuts saying something irresponsible then later forgot everything he/she said could mean long lasting damage on that person who is going through shit. 」,似是反擊隔空鬧傅嘉莉!

原來戲外的張景淳重情重義,見好友呂慧儀慘於宣布離婚後被昔日好姊妹抽水,都忍不了為對方發聲!相信有好友力撐的長腳蟹回歸單身後,生活都可以撐得住!

呂慧儀曾為傅嘉莉澄清

睇番當年呂慧儀其實係有幫佢澄清,而傅嘉莉當時都留言感謝長腳蟹還佢清白,但原來佢未把事情放低。事隔多年後就喺人地離婚時重提舊事,言詞一啲都唔留情面,真係唔知Kelly Fu係申冤定係抽水博見報?

呂慧儀發文 感謝有人關心

呂慧儀喺發表離婚聲明後喺IG Story上載一張文字圖,意有所指話:「I truly appreciate kindness. I appreciate people checking up on me. I appreciate a quick message,I appreciate those who ask if I’m okay,I appreciate every single person in my life who has tried to brighten my days. It’s the little things that matter the most.(我好感激你哋嘅善意,我好感激有人嚟慰問我,我好感激有人會發訊息,我感激嗰啲會問我係咪仲係OK嘅人,我感激生命中每個為我帶嚟希望嘅人,呢啲都係小事,但擁有最大意義。)」

劇中金童玉女

雖然呂慧儀聲言離婚不涉及第三者,但日前黃文廸卻被斷正與新女伴由天水圍坐巴士出銅鑼灣,在巴士上更啜爆女伴,事後呂慧儀被記者追問時顯得非常尷尬,黃文廸啜女亦因此成為公開發離婚聲明的導火線。前夫有新歡,婚姻失意的呂慧儀亦不愁寂寞,她在《愛.回家》中與張景淳(劇中飾演龔燁)的一段情,發展一年已漸入佳景,將會成為劇中另一對金童玉女。二人在劇中本是歡喜冤 家,最後會撻著,雖然呂慧儀高過張景淳,但高度無礙感情發展,鏡頭前後他們一樣傳情。

打情罵俏

在鏡頭前糖黐豆是劇情需要,但私底下呂 慧儀與張景淳同樣表現親密,埋位前試過 扮錫自拍,曖昧程度爆晒燈。

擦出火花

呂慧儀自爆去年與黃文廸已離婚,一直表現堅強的她,原來有好拍檔兼密友張景淳在旁支持,二人更在處境劇《愛回家‧開心速遞》中修成正果。

愛屋及烏

對呂慧儀噓寒問暖的張景淳,深知女方最緊張同愛錫囝囝,他亦愛屋及烏,每次蟹籽來探班,都玩得好開心。

據知情者透露:「阿蟹係劇中開心果,成日氹到大家都好開心,而Stanley(張景淳)去年先開始加 入,同阿蟹就最多感情戲,唔知係咪太投入,抽離唔到,劇情仲 未講佢哋撻著,但埋位前後佢哋都好似好曖昧咁,近幾個月大家都知道阿蟹因為屋企嘢心煩,Stanley對佢就更加呵護備至,好明顯係想令阿蟹心情好啲,不過就真係做得好出,大家都覺得佢對女方有意思,而女方又好受落喎!每次見到Stanley拎起手機影相拍片都笑到瞇晒眼,冇咗老公有個護花使者都唔拘囉!」

互相慶生

張景淳已連續兩年為呂慧儀慶祝生日,二人的合照無論表情與笑容都一致;今年一月張景淳生日要開工,呂慧儀更親自捧蛋糕給他一個驚喜。

貼身追拍似癡漢

不難發現,近幾個月呂慧儀與張景淳在社交網的互動真的非常高調,二 人在劇中朝夕相對之外,更曾被目擊在非工作時段約會。知情者說:「早排先見到阿蟹同Stanley喺屯門市中心出現,當時佢哋唔係拍緊劇,阿蟹冇化裝打扮causal,大家都知佢娘家喺屯門,睇嚟Stanley專誠入去搵佢,雖然冇拖手冇親密行為,但個感覺就好似一對情侶行街咁。」除了約出街,張景淳更在社交網定期上載「龔水日常」,瘋狂拍下不少呂慧儀鏡頭後的sweet樣,二人不時眉目傳情,充分表現出他們互有好感,情非泛泛。

呂慧儀母兼父職照顧囝囝固然辛苦,心靈上亦需要慰藉,張景淳校啱時間攝位上,男未婚,女離婚都好合情理,不過長腳蟹唔係咁易高攀,張景淳係認真至好。

甜蜜睇伊健

月初伊健開個唱,被封翻版伊健的張景淳,與呂慧儀一齊捧伊健場,仲一齊入後台做 fans影合照。

星途黯淡

黃文廸08年選港男落選後加入無綫,兩年後轉型做健身教練,15年被指在呂慧儀拉 線下重返無綫,拍過《同盟》、《誇世代》及《飛虎之潛行極戰》等多套劇,不過全部都演大配角,去年5月正式離巢,繼續做回老本行。

為母則強

今年情人節,失婚呂慧儀帶埋蟹籽返將軍澳電視城開工,更獲囝囝送花送吻,其後她在社交網上載短片,表示與兒子一起開心就不會累。

母兼父職

四年來呂慧儀家庭事業兩兼顧,一有時間就陪囝囝返學及學踢波,見證他的成長,離婚後她表示蟹籽就是她的唯一最愛,會繼續奉獻更多愛。

公開迷蟹日誌

自從去年在《愛回家‧開心速遞》有感情線後,張景淳全情投入劇中角色,更在IG公開名為「龔水日常」的迷蟹日誌,化身龔燁不停更新與熊若水的生活點滴,睇得出張景淳無時無刻都氹得呂慧儀心花怒放。

全部都是蟹

無論是一齊忙裡偷閒飲咖啡、等埋位抑或放飯,張景淳與呂慧儀有影皆雙,其中一條短片是張景淳跟住呂慧儀做表情,似足小學雞情侶鬥氣。

癡漢貼身捕捉

拍劇日對夜對,日久生情都好正常。張景淳在有呂慧儀的畫面整晒心心效果,擺到明冧人。

每次呂慧儀出現,張景淳都校啱時間對準鏡頭,仲話只聽腳步 聲都聽得出係呂慧儀。

食飯撐枱腳不特止,呂慧儀又會偷食張景淳碟意粉,拍劇時張景淳又會偷影女方小休,全部畫面都極有愛。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!