黃心穎

【安心偷食】車廂攬啜拖!許志安、黃心穎偷食斷正

最新娛聞

廣告

51歲許志安(安仔)鄭秀文(Sammi)經歷分手、復合到結婚,今年是兩人結婚5周年紀念,不過今日中午有傳媒收到一條車廂偷情的短片,一對男女主角居然是有婦之夫許志安同有男友嘅黃心穎,兩人背住自己的另一半在車廂拖手錫錫,安仔如何面對太太鄭秀文?心穎又同馬明會如何?!

撰文:東方新地 圖片:INSTAGRAM、新傳媒圖片

許志安、黃心穎偷食斷正

該段短片長約16分鐘,片段安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎話要先送男友人返屋企,心穎再向男友人爆粗:「你住邊呀?X你!佢(安仔)送我返去呀!」安仔叫司機把車開去大坑,期間心穎曾主動蹺實安仔左臂挨在他身上,又用手袋遮掩偷偷地十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅!」但男友人落車後二人跟司機說:「鯉魚門(心穎寓所地點)!」

友人下車後,心穎隔口罩咀了安仔一啖,不久索性除下口罩攬住安仔咀嘴,安仔將手貼在心穎大腿上,之後又忍唔住十指緊扣心穎,由大坑到鯉魚門短短10多分鐘車程,期間二人連環咀逾20次,心穎好進激,全程採取「主動」情挑安仔不停攬他狂錫,但安仔也有回敬心穎錫她面珠一啖,睇番二人當晚未覺有醉意,兩人到心穎香閨後齊齊落車,後事如何佢哋最清楚!

去年10月,心穎同安仔在大台「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

同場加映:

 

網友插黃心穎返鄉下拜年勁高傲

農曆新年帶男女朋友去席對方家庭聚會就應該係指定動作,黃心穎都唔例外,日前帶咗男友馬國明返鄉下惠州圓洲鎮探望婆婆,不過就有當地野生捕獲馬明嘅網民指心穎bb表現高傲喎!黃心穎同屋企人一齊返鄉下惠州圓洲鎮探望婆婆,難得趁新年返鄉下,心穎就帶埋男友馬明隨行見婆婆。據知,當地有網民野生捕獲馬明同心穎BB,但就指:「昨晚我妹妹在圓州跟馬國明合照了,說他人很好,但他女朋友好高傲,馬國明說實話她配不上你。」

馬國明急住護航解話

齊齊北上探親本身係件開心事,不過就女友被網民插態度麻麻,當然馬明就即刻同傳媒解話,指可能太多人嘅關係,希望大家見諒,明顯為女友護航!

 

黃心穎同其他男人合照:「我老公啊!」

藝人黃心穎和馬國明拍拖近3年半,多年來馬明都未能奪視帝一位,而心穎選美後又被網民指樣貌像蔡一智,觀眾緣一般。不過兩位幾年來都不離不棄,更一度指二人快將結婚。

黃心穎 叫第二個男人做老公

不過昨日(2/12)黃心穎在IG上載了一張與另一個男人的合照,並寫「曾經對佢有無限嘅幻想」、「我第一個老公呀」,心穎竟然背著馬明叫第二個做老公?仔細一看,原來是台灣天王王力宏。

原來今次是王力宏在澳門開騷,喜歡了力宏19年的心穎終於有一次機會到後台尋找「老公」。相中看到黃心穎就像一個小粉絲,王力宏右手搭著心穎膊頭,相信真是很難形容有多開心。不過有網民就擔心馬明看到照片後會不開心,更有人想看他的呷醋樣。

黃心穎 演唱會常客

由選港姐開始出道至今,黃心穎只花了六年時間便捱出頭來,比起同期藝人算是幸運的一個,去年開拍的《丫鬟大聯盟》及今年拍的《牛下女高音》都擔正女一,再加上冧到筍盤馬國明做男友,黃心穎是愛情事業兩得意,不過她並未滿足,識時務的她甚為懂得把握時機、用盡一切方法爭取機會上位,為圓歌星夢,這幾年來其實花了不少心機與時間鋪路。

拍拖去飯局

知情者透露:「成個無綫都知心穎好想做歌星,一有機會佢就想表演唱歌,又曾經向高層示意想唱劇集主題曲,不過有演出機會公司都畀晒『星夢』啲歌手啦!幾時輪到心穎?所以佢咪喺出面搵機會囉!呢幾年佢都係演唱會常客,乜騷都去睇,次次都搵人帶入後台,除咗滿足佢黐星集郵鋪癮之外,仲可以識多啲人。心穎主動又唔怕醜,為咗入樂壇佢真係𢱑爛塊面,第一步梗係要向歌星入手啦!早前佢同車婉婉一齊拍劇,混熟咗又識埋趙學而,之前學而開騷佢都走入後台黐黐貢,最近仲成日約飲酒食飯,心穎目標好明確,想睇吓有冇機會黐到其他更加紅嘅歌手,係人都知婉婉學而同Eason嗰班都熟。」靠歌星朋友越級黐上黐,黃心穎真是機關算盡。

陪坐極冇癮

黃心穎與車婉婉因合作拍《牛下女高音》而成為好友,日前相約到天后飯敍,馬明負責做司機,到心穎位於油塘的寓所接她。二人到達天后先把座駕隨街泊,然後前後腳保持距離行去餐廳,這次飯局除了有車婉婉及趙學而,還有有份拍《牛下》的張振朗及三位圈外朋友。

開籠雀杯杯清

現場所見,黃心穎與對住坐的車婉婉及趙學而言談甚歡,三個女人一個墟講個不停,又不時碰杯暢飲,而馬明與眾人並不熟絡,大部分時間都是陪坐、陪笑又發揮其天然呆本能,好明顯是被女友挾去陪應酬,兩杯落肚的黃心穎愈傾愈興奮,完全冷落身邊男友。邊食邊傾邊隊酒四小時,散場時眾人在餐廳門口道別,黃心穎狂捽車婉婉飲到紅晒的面頰,之後仲放相上IG留言「物以類聚」,話晒婉婉是前輩,黃心穎即被網友狂轟不分尊卑,用詞不當。

雖然人望高處好正常,但黃心穎未到三十歲已被指過度消費,去年換了價值120萬的波子跑車代步,又以850萬元購入啟德天寰一個兩房單位,可見她心頭甚高對各方面都有要求,馬明亦被指受到女友感染,多年來慳家一朝喪,除肯花錢買名牌換形象扮young來迎合黃心穎,早前更花20萬買潮牌情侶戒指。出名孝順的馬明,曾講過婚後都會同爸爸媽媽一齊住,但自從同心穎拍拖後,在女友不停洗腦之下,亦開始打消這個念頭,要努力儲錢再築愛巢,因而令馬明母親有微言。

諗定夢想婚禮

最近娛樂圈喜事多,先有鄭嘉穎與陳凱琳,再有陳展鵬與單文柔,對於結婚,馬明話黃心穎事業剛起步未有計劃,但早前黃心穎出席活動對5卡鑽戒愛不釋手,仲自爆對將來的婚禮充滿幻想,而結婚形式、地點已經有計劃。她謂:「結婚一世人一次,我希望可以自己去計劃,揀自己最鍾意嘅,但亦會擔心超出預算。我最想去啲與世隔絕嘅地方搞一個簡單嘅婚禮,藍天白雲,喺海邊附近搭個帳篷,仲一定要有現場樂隊,邀請最好嘅朋友同親戚一齊食飯跳舞,呢個就係我夢寐以求嘅婚禮!」黃心穎不是一個容易滿足的人,對於其人生渴求甚多,絕非有情飲水飽類型,做佢男友或老公少啲彈藥都唔得,難怪馬明話短期內都未有婚期,睇嚟要滿足黃心穎,都要捱多幾年騾仔先。

越級攀Eason堆

黃心穎頭腦清晰做事有計劃,凡有機會埋到Eason身都唔會放過,車婉婉同趙學而都係Eason多年老友,有指她早已鎖定目標,碼實唔放。

Eason與趙學而都是90年代的歌手,多年老友見面即攬頭攬頸,今年年初學而開騷,Eason都有捧場。

逢人認偶像

Big Four都有殺錯冇放過,當中黃心穎最冧許志安與梁漢文,唔止捧場睇騷,一有機會見到面就小粉絲上身。

天王鐵粉

80後黃心穎話自己係黎明鐵粉,細細個就好迷對方,同時亦好欣賞郭富城歌精舞勁。

勤練歌

恨做歌手恨到發燒的黃心穎,一有時間就去尖沙咀上唱歌堂,這日身穿黑T黑膠褲,個look甚娘。

名師指導

原來當年黃心穎因聽到已故歌手陳僖儀的歌聲,專登跟隨其唱歌老師Miss Lam學唱歌,早前她更在陳僖儀的生忌,唱了對方的名曲拍片放IG。

搶fo出位

去年黃心穎與蔡思貝、馮盈盈、邵珮詩及張寶兒扮女團又跳又唱〈到此一遊〉拍MV,黃心穎每次演出都霸正中間位置搶fo。

偶像無分國界

黃心穎迷偶像係無分國界同級別,每次台灣天團五月天開演唱會,她都一定撲飛求朋友帶入後台,見到韓國男神崔始源,亦唔會放過。

黃父跌傷手尾長!恨嫁黃心穎 焗馬明求婚

都話女追男隔層紗,更何況係電視台第一天然呆 馬國明。雖然大足女友15歲,不過就拍拖全程由女方 做主動,倒追得米後,就算拍拖食飯睇戲被影到一樣 唔認,聽晒女友話;戀情升溫順水推舟半公開,狂接 情侶檔工作搵多筆亦係由女友主導;本來拖得就拖、 自稱「 仲細 」未想嫁住係女方,近月態度突然180度轉變,焗馬明送婚戒、狂出埠甚至明示心急趕嫁一樣係女方,據知情人士透露,由騎牛搵馬心態變趕住出嫁,都係因為心穎爸爸身體大不如前。

三家姐大喜日子,心穎帶埋男友出席,全程和黃家大細一齊活動之餘,最重要目的都係受希望現場氣氛感染逼馬明早日行動求婚。

黃家四千金感情要好亦個個都係孝順女,所以黃爸爸身體日差早前又跌親尾龍骨,令心穎加快步伐想早日出嫁讓爸爸安心。

三家姐出嫁,心穎最熱心最上心,又做埋伴娘,全程幫手籌備之餘亦為自己終身大事取定經先。

回港甜蜜認恨嫁

飛完澳洲墨爾本一周後,黃心穎回港出席新劇 《 法證先鋒 IV 》記招時,即被記者追問睇住三家姐出嫁 有否被雙親催婚。表面上話三家姐剛出嫁、父母唔心急,實情心穎興致勃勃大談結婚計劃:「 爸爸近日健康 大不如前,為咗出席婚禮,都勉強支撐同家姐跳舞,嗰一刻我真係有啲傷感,知道爸爸都會好想出席到我嘅婚禮!」到底有冇結婚計劃,馬明短訊回覆「未有耐」,反而係心穎講到似層層:「我就想簡單為主,到時有親朋至愛出席就夠喇!」

馬明出名顧家,拍拖後亦迅速為女友融入黃家,早前到澳洲出席心穎三家姐婚禮外,又陪心穎為姨甥慶生,儼如一家人!

黃家四千金嫁咗三個,除咗離婚的大家姐黃心美外,只剩心穎。

全家出動飛去陪嫁,三家姐上頭當晚,三姊妹同黃媽媽當然陪在身邊。

睇大家姐心美現場拍片,可見家姐出嫁,黃家孻女心穎全程滿場飛最雀躍。

降低標準趕沖喜

據知情人士透露,呢一轉澳洲之旅,心穎全程有心鋪 排:「 見三家姐揭頭紗同宣讀誓詞嗰陣,心穎已經忍唔住狂喊,成 個婚禮佢都好大感觸,原來佢爸爸之前唔小心跌傷尾龍骨入醫 院,雖然出咗院,但係全家都嚇親,亦都有眼見今時唔同往 日。心穎係世界女,識搵錢又識使錢,呢幾年又靠自己打入埋富 二代圈子,覺得自己仲有更好選擇。不過爸爸身體出事、眼見馬 明呢兩年任勞任怨又已經被屋企人接受,都改變主意想碼實眼前 呢個筍盤。呢一轉去澳洲點止陪嫁咁簡單,真正目的係想馬明都 當自己係黃家一分子,受現場氣氛感染早日付諸行動!」恨嫁到 出口,睇嚟心穎真係好想將男友進一步私有化!

陪住女友飛去墨爾本的馬明嚴格嚟講都未係黃家 一分子,所以未有得影家族合照。

三家姐結婚前夕,四姊妹圍埋傾心事,心穎表現極興奮。

孝順仔馬國明 16年一炮過以近2,000萬買入 太古城單位與父母一齊住,曾被影到陪母購物後返家,早前坦言要再儲錢買樓築愛巢。

玩完一個星期,回港翌日出席新劇記招時, 心穎有備而來大談夢想婚禮。

16年合拍《為食神探》後,即有傳心穎主動出擊追求偶像馬明,不過就算被拍到睇戲食飯,二人都堅稱好朋友,未肯認愛,直至今年愈愛愈高調。

馬明已融入黃家,不時出席黃家聚會!

戀情漸漸浮面,順手撈埋情侶檔賺得大份啲,心穎亦習慣出席馬明兄弟聚會更被尊稱為「阿嫂」!

愈戀愈難捨難離,七月更不避諱雙雙飛去蘇梅島度假,心穎 對外突然樂意大談馬明,還讚男友攝影技術進步不少。

七月本刊便拍到心穎同馬明拍拖出巡,當時二人就戴住價值約20萬的訂情鑽戒!

黃心穎被咒同馬國明分手

早前黃心穎於個人社交網上載一張黃昏日落相,本身好地地一張落日照純粹只是與一眾粉絲分享的美景,可惜竟有網民留言:「祝福你同馬國明分手,祝福」令事情亦愈演愈烈!事關不久後,有網民竟留意到港姐岑杏賢讚好該名網友所留言給黃心穎的分手祝福,故隨即引起大批網民激烈討論!

該名截圖網友更留言:「『祝福你同馬國明分手』留言,岑杏賢Jennifer都按LIKE,好嘢,證明TVB同事都想你地散,你不信可以睇吓,個留言已經有一百多個人讚,你形象插水啦。」

岑杏賢回應傳媒

岑杏賢於事後接受傳媒訪問,她表示自已只是錯手撳了一些不知什麼內容的Post,因有網民對她提起事件,故亦即刻打電話給心穎同時表示嫌意,亦指自己事後已Unlike自己錯手讚好的留言。

馬國明否認婚訊 仲爆女友想專注事業⋯

之前馬明到澳洲參加黃心穎家姐的婚禮,被網民催婚,馬國明笑說:「去觀禮而已,這世界很細,心穎三家姐原來是我侄女的朋友,我做代表啫!」談到心穎早前說見爸爸近年身體不好,想快點結婚!但呢日馬國明回應此說法:「佢冇同我講過喎」之後補充又話:「我感覺她想繼續在事業上衝刺。」咦!同外間傳心穎恨嫁恨到出晒面係完全兩個版本!

馬明 拒絕秘婚

再問同心穎會唔會喺當地秘密簽紙結婚?馬國明稱一定不會,佢話覺得結婚係光明正大的事,一定會先跟大家講。至於被影到幫女友攞手袋?他表示不介意,他坦言心穎不喜歡男友為她拿手袋,只是咁啱要影相才幫忙攞一陣,又說:「我有時出街也會幫媽咪攞手袋,沒什麼所謂。」

精選新聞:盤點11位疑似派帽的中港台女星

1.余香凝

余香凝之前被踢爆背陳家樂偷食,暗交保險才俊新歡Victor,本刊記者目擊余香凝凌晨送上門瘟新仔,連日在男家過夜!事件被踢爆後,余香凝回覆傳媒時直認分訊,不過就話當中並冇第三者,又話同Victor只係朋友等⋯⋯信不信由你!

保險才俊新歡 曾媾星夢新女

據知余香凝趁陳家樂忙於工作,暗地撻著年約30歲、在AIA保險做高層的許焯倫(Victor),男方年輕有為醒目上進,余香凝左右逢源! 知情者透露本身有保險經紀牌的余香凝有唔少保險界朋友,呢位Victor之前追求星夢新女戴祖儀不果,所以目標轉向余香凝,並以大量名牌禮物打動女神芳心!

呢位就係據稱Victor之前追唔到的戴祖儀。

騎牛搵馬系列

16歲入行做模特兒發明星夢的余香凝,去年憑電影《骨妹》在澳門國際影展奪得「最佳新演員獎」後成為影壇新貴,與無家底事業剛起步的陳家樂拍拖,明顯是騎牛搵馬。新仔Victor從事保險業數年,高大靚仔又識氹客仔,很快便攀升至年薪過百萬的經理級。

Victor家住觀塘半山舊式私樓,有車有樓,又與友人在尖沙咀合資開日本燒肉店。拜金余香凝極速見有老闆娘做,又被Victor貴價名牌禮物攻陷,即刻碼實送上門,完全唔念舊情!

花心女兩邊瞞

為咗掩飾一腳踏兩船,據悉余香凝同Victor講早已同家樂分手,不過因為顧及形象唔可以公開,故Victor一直配合女方低調,人多公開場合都保持距離,親密嘢就返屋企先做!至於家樂方面,近日佢埋頭搵銀,同余香凝見面時間極少,女友掛住瘟新仔都懵然不知…

餐餐外賣趕撲火

余香凝與Victor雙雙從寓所外出,餐餐買外賣返屋企爭取時間纏綿。現場所見,余香凝每次與Victor同行都非常小心,戴上口罩以免被途人認出,遇上有住客眼望望,二人即前後腳入𨋢好鬼祟。

余香凝同Victor日頭食完飯盒返歸纏綿,夜晚再出動覓食補充體力,先去落單買Pizza,然後再去超市狂掃糧餉。

暫結束瘟仔生活

上年6月4日至6月11日,余香凝都在Victor家過夜,至周二(11日)下午,余香凝終於捨得暫別新仔,二人一同離開寓所後即跳上的士,到達尖沙咀後分道揚鑣。余香凝去健身美容再與友人晚飯直落慶祝生日。連著多日粉藍色裙與白色波鞋的余香凝,終於捨得返回大圍公屋娘家。

事件曝光後,余香凝今日下午在寓所樓下接受傳媒訪問,親口解說與陳家樂分手一事。素顏的余香凝現身時面容憔悴,企定定給記者拍照時全程零笑容。余香凝首先向大家道歉,令家人、同事以及受影響的人擔心,佢承認與陳家樂已經分手差不多一個月,兩人拍拖數年,有啲位意見不合,無法達成共識,最後大家坐低傾過後,決定分開。

唔係消費陳家樂

余香凝續稱唔係有心呃大家,係因為大家最近都有好多工作,諗住待所有工作完成後先同大家講,絕對冇消費陳家樂的成份。其次,余香凝表示自己係一個獨立的女仔,唔會用其他人錢、唔會貪名牌,畢業以來都係自己搵錢、自己養屋企人。強調自己同陳家樂絕對係財政獨立。

當時余香凝再次強調分手並不涉及第三者,Victor只係一位認識已久的好朋友,最近兩人與其他生意夥伴夾份開食肆,食肆月尾就開張,事務十分繁忙。但余香凝嚟緊要離開香港工作一個月,所以凌晨工作完畢都配合其他人開會,開會時Victor家中有其屋企人、生意伙伴,絕對唔係得兩個人,同時為拖埋Victor落水感到唔好意思。

陳家樂含淚回應…

余香凝差不多成個星期都在新仔家風流快活,沒半點失落之情,只有陳家樂默默悼念逝去的三年多感情。陳家樂其後在中環回應本刊記者,對余香凝一心一意的家樂知悉女方連日在新仔寓所過夜,悲痛到一度講唔到嘢,情緒激動轉身拭淚,其後哽咽認分手…

陳家樂含淚道:「我哋最近分咗手⋯⋯呢排已經冇聯絡,(邊個提出分手? 係咪好傷心好難接受?)我哋一齊坐低傾 ⋯⋯有共識!」

傷感的家樂未有正面回應是否第三者介入,只連番抖大氣說:「希望大家畀啲空間我。」三年感情話變就變,希望家樂化悲傷為力量,將來一定有更好的回報,圈中又多一個孝順又用情專一的筍盤,大把女神排隊等緊喎!

1. 伊能靜

08年,「人妻」伊能靜被影到背住老公哈林庾澄慶,同男星黃維德在北京大街十指緊扣,伊能靜當時對於哈林說二人「沒離婚、沒分居」的說法大感冤枉,更說早在兩人婚姻出現問題的初期,哈林就曾提出分開「協議」,但她因為放不下家人而沒有做出任何決定,沒想到最後卻讓自己成為大家攻擊的對象,而隔年她隨即與哈林正式離婚!

時至今日,伊能靜與庾澄慶早已離婚,及各自再婚,庾澄慶與民視主播張嘉欣結婚﹐婚後育有一女。而伊能靜同黃維德無疾而終,伊能靜其後就和小10歲的秦昊結婚,感情穩定。真係你有你嘅生活,我有我嘅忙碌⋯⋯

2. 彎彎

呢單都好經典,電影《那些年我們一起追的女孩》的魔咒嗎!在《那些年》有份演出、台灣插畫天后彎彎(胡家瑋)同老公新婚不到一個月,就被直擊和同是插畫家的「黃大爺」當街親密擁吻、餵食,而彎彎更被爆在婚前10天,還相約「黃大爺」浸溫泉等親暱LINE對話紀錄。

彎彎(左)喺《那些年》中係沈佳宜(陳妍希飾演)嘅好姊妹,形象傻氣清純,佢亦因爲呢套戲而爲港人認識

婚外情曝光,彎彎形象插水,但事後她向大眾鞠躬道歉,並表示已獲得老公的原諒,重新出發!真係男人最痛算這種⋯

彎彎(胡家瑋)婚外情男主角黃大爺

知名插畫家彎彎與調酒師老公擺喜酒。

那邊廂《那些年》的導演及作家九把刀(原名柯景騰)本有一名交往十年的女友「小內」,但在2014年九把刀被爆背著女友劈腿中視女記者周亭羽,二人深夜去時鐘酒店, 九把刀和小內的10年情正式告吹,小三周亭羽表示聽到消息後直喊很驚訝!有網友提議九把刀寫本「那些年我們一起劈腿的事」小說!

女友小內

3. 賈靜雯

曾經是中台的人氣女星賈靜雯,09年4月3日開記招承認婚姻失敗,向丈夫孫志浩求見女兒,原來老公帶囡囡「梧桐妹」遠走美國,而這次也拉開離婚大戰的序幕,孫志浩大罵賈靜雯紅杏出牆,給男演員黃磊發曖昧短信;賈靜雯控訴孫志浩酗酒玩女人還家暴……2009年12月,雙方正式離婚,爭女大戰從台灣打到美國,又從美國打回台灣,賈靜雯賣掉房子打贏官司,將女兒留在身邊。

賈靜雯與丈夫孫志浩、女兒

4. 馬雅舒

馬雅舒曾經係「四爺的女人」,她和吳奇隆的婚姻卻因為女方劈腿畫下句點,有傳因為聚少離多,馬雅舒難忍寂寞和誘惑,紅杏出牆背叛吳奇隆,和老外開房最終導致婚姻破裂,面對綠到冇得再綠嘅帽,二人離婚收場。最後老外同馬雅舒結婚,而吳奇隆都搵到佢嘅最愛劉詩詩!

5. 章子怡

章子怡在和汪峰交往之前,曾和名主持人撒貝寧交往,當時有媒體指章子怡同汪峰拍拖的後兩個月,才跟舊愛正式分手,有劈腿的疑雲咁話。

 

6.張雨綺

2015年3月,「星女郎」張雨綺先後拍過星爺的《美人魚》及《長江七號》,不過有傳她背著尚在監獄的老公王全安,與貌似汪小菲的神秘男子約會鬧得沸沸揚揚,同年7月2日晚,她在微博發文宣布與王全安離婚,翌日王全安也發表離婚聲明!

7. 劉曉慶

劉曉慶絕對是娛樂圈傳奇,當年劉曉慶和陳國軍結婚後,有傳劉曉慶與某演員在拍《芙蓉鎮》時日久生情,後來又一起合拍《春桃》,關係更加異常,無法忍受被帶綠帽子的陳國軍知道後異常憤怒,決定捉姦,當時場景,他都寫在《我和劉曉慶–不得不說的故事》中,關於劉曉慶的諸多隱私也被曝光出來,相當精彩。大家時間多到唔知點用的話,可以買本睇睇⋯

劉曉慶與第二任丈夫陳國軍

8.黃奕

內地女星、曾飾演「小燕子」的黃奕,被內地媒體封為劈腿成癮的女星,她首段婚姻是嫁給金融才俊姜凱,但婚後不到一個月有傳女方出軌而離婚,姜凱曾在微博說:「人生最大遺憾是遇見你,一生最開心是閃離离!!Btw,淫貓永遠忘不了偷腥!」黃奕再婚嫁給黃毅清,但同樣婚後不久又有傳出軌,因為家暴事件搞到反晒面,之後仲離咗婚鬧上法庭!

黃奕與姜凱結婚

黃毅清曾喺微博暗寸老婆攻心計扮弱者,但冇耐雙黃閃電和好仲晒全家福

9. 章小蕙

章小蕙不止是敗家女,鐘鎮濤數億身家被她敗了,不得不宣佈破產,除此之外,章小蕙和鐘鎮濤結婚期間,傳出曾與陳曜旻傳緋聞, 但兩人堅持只是好朋友。鐘鎮濤破產後,最後同B哥哥離婚收場。

幸好,B哥如今找到一生中最愛范姜,范姜為他先後誕下兩名寶貝女!

10.李賽鳳

07年6月,女星李賽鳳突然被前夫羅啟仁爆大鑊,指她跟契仔宗天意通姦,李賽鳳還拖指對方是編劇奇才,反駁他的歌劇團是大淫團,女成員汪小莉才是第三者。近日,婚變事件又有離奇新發展,宗天意被踢爆是劇團老闆之一,李賽鳳懷疑前夫設下驚天大陰謀,目的令她冇得分身家 。

更高潮是表面上沒有太激烈反擊行動的李賽鳳, 竟然與「姦夫」宗天意合演一幕「衣櫃裡的男人」真人騷。媽呀!好亂呀⋯

11.潘越雲

唱紅《天天天藍》、《野百合也有春天》等經典好歌的台灣知名歌手潘越雲,和老公黃光全分居期間,就和另一位黃姓男子同居,最後被黃光全捉姦在床,事後黃光全把其告上法庭。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!