鄭秀文

【安心偷食】鄭秀文05年曾患抑鬱症!近月IG屢寫感性文章談婚姻之道

許志安(安仔)鄭秀文(Sammi)離離合合28年,而今年正是他們結婚5周年紀念,原是圈中公認的恩愛夫妻,但是今日竟爆出安仔與黃心穎在車廂中纏綿的短片,片段一出震驚了無數網民;大家都為Sammi同馬國明不抵的同時,好友及fans也為最Sammi而擔憂,事關05年她拍完電影《長恨歌》後曾患上抑鬱症,情緒一度受困擾,幸而得到朋友及信仰支持好不容易才慢慢康復過來,大家也擔心Sammi大受打擊令舊病復發。睇番向來開朗的她近月忽然在IG多次出post發文,寫感性文章大談婚姻相處!

 

撰文:東方新地|圖片來源:鄭秀文IG、黃心穎IG|影片來源:IG

許志安、黃心穎偷食斷正

該段短片長約16分鐘,片段安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎話要先送男友人返屋企,心穎再向男友人爆粗:「你住邊呀?X你!佢(安仔)送我返去呀!」安仔叫司機把車開去大坑,期間心穎曾主動蹺實安仔左臂挨在他身上,又用手袋遮掩偷偷地十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅!」但男友人落車後二人跟司機說:「鯉魚門(心穎寓所地點)!」