321132123

【安心偷食】憔悴馬國明首現身 Man爆保護黃心穎

許志安(安仔)鄭秀文(Sammi)離離合合28年,原是圈中公認的恩愛夫妻,但是昨日竟爆出安仔與黃心穎在車廂中纏綿的短片,片段一出震驚了無數網民;而大家好關心的馬明剛剛現身開腔回應事件!

 

撰文:東方新地 圖片:東方新地、網上圖片、影片截圖、Instagram

安心偷食後 馬國明首開腔

馬國明今日返電視城開工,安心偷食後首度現身,馬明顯得相當憔悴,雖然受到女友黃心穎的傷害,但他仍維護着她:「其實呢件事我知道後,好快已經冇咗嬲嘅感覺,我係好平靜,同埋我係好快變成擔心,我係好擔心呢件事牽涉喺入面嘅所有人,任何人受到傷害都唔好。我唯一可以係代佢(黃心穎)講少少嘢,其實佢知自己做錯咗,我亦知道其實佢好想出嚟同大家講嘢,但公司可能驚佢情緒唔穩定,會講錯嘢,所以就冇安排佢出嚟同大家講。我知道佢啱啱出咗IG,佢要講都講咗。我只可以話其實佢仲好年輕,未來仲有好多路要行,我希望大家畀個空間佢。」