李婉華

回顧50歲李婉華初出道舊相 婚前婚後都仲咁索!

最新娛聞

廣告

今次搵嚟89年處境喜劇《卡拉屋企》女主角李婉華初出道早期舊相,重溫呢位圈中天使魔鬼混合體嘅美魔女!

撰文:東方新地|圖片:東方新地

回顧50歲李婉華初出道舊相

|87年 銀河新星

無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。

|88年 展成熟美

88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。

|89年 愛鎮宇

21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。

|90年 初演古裝

演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。

|92年 金玉滿堂

呢張92年頭影嘅相李婉華金耳環金錶 行頭勁,最吸睛都係展現喺胸膛嘅粗金鏈 連吊墜,名副其實係金玉滿堂。

|93年大晒乳溝

擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩 吋半乳溝,係男人嘅魂魄都畀佢勾。

|94年 出碟/寫真

李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望,而佢喺英國拍寫真時代公司碌卡支付很多費用冇得 claim 番,惨豬豬。

|94年 激凸上圍

李婉華替某電視周刊影靚相,34C豐滿上圍喺純白色露臍裝映照下寧舍激凸澎湃,睇 到宅男流晒鼻血咁滯。

|96年 艷光放閃

96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!

|98年 戀家勁

李婉華96年跳槽亞視,98年同何家勁合作《馬永貞之爭霸上海》同《 馬永貞之英雄血 》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!