黃日華

神傷黃日華偕女兒現身處理亡妻後事

最新娛聞

廣告

黃日華太太梁潔華於13年患上急性骨髓性白血病,七年來在黃日華悉心照料下奮力抗病,一度好轉,但最終不離癌魔,於前日中午因器官衰竭死亡,終年59歲,黃日華和女兒黃芷靖一直陪到最後一刻,今午黃日華駕車載女兒芷晴齊到世界殯儀館,為亡妻後事奔波。

撰文:東方新地|圖片:東方新地、新傳媒資料庫、Instagram

今午黃日華與女兒芷晴戴上口罩現身殯儀館。
今午黃日華與女兒芷晴戴上口罩現身殯儀館。
華哥雖說對於亡妻離開已有心理準備,但難免哭到眼腫。
華哥雖說對於亡妻離開已有心理準備,但難免哭到眼腫。
接受傳媒追訪時,華哥盡量克制悲傷情緒,令人望而生憐。
接受傳媒追訪時,華哥盡量克制悲傷情緒,令人望而生憐。

黃日華太太梁潔華在13年患上血癌,夫婦同心力抗癌魔,梁潔華接受化療後逐漸康復,黃日華不時拖住太太恩愛現身。不過近半年梁潔華未有再公開露面,有傳她舊病復發,黃日華為陪太太出入醫院,停工之餘亦絕跡球場。18年本刊記者拍得梁潔華行動緩慢,因為治療後甩頭髮,用絲巾包頭再戴帽,還戴上雙重口罩包到冚不想見人。華哥亦顯得非常憔悴,向來報喜不報憂的他,默默苦撐照顧愛妻,是絕世好男人的典範。

神傷黃日華偕女現身處理老婆後事

華哥精神不俗,從寓所出發到世界殯儀館,被記者追訪華哥非常合作,停步接受訪問:

「佢真係好叻,無論係事業方面、慈善公益方面,做人都好堅強,嗰種永遠唔會放棄、唔會向困難屈服,呢幾年佢其實真係好辛苦,真係好辛苦!大家見到都好心痛,都冇放棄過,一定要堅持到底,希望打贏呢場仗,佢一關又一關咁過,呢種精神係帶動到俾人一個訊息係唔好放棄生命,生命係好重要,(尾段太太有冇好辛苦?)唔會啦,在彌留期間都昏迷,器官衰竭了,走得好舒服,我哋同佢講嘢時候,係感覺到佢笑住走的,OK的!(太太有冇遺願?)始終都係擔心個女,仲未嫁人未結婚又好擔心,我話你放心啦,佢大個女,我唔會照顧佢啦,佢會照顧番我。」

此時在旁邊緊隨父親的芷晴,聽著媽媽的遺願亦不忍落淚,講不出聲。

神傷黃日華偕女現身處理老婆後事

女兒前世的情人

藝人黃日華(華哥)一向都係圈中出晒名嘅好男人,早年佢就同囡囡黃芷晴一齊參加內地節目《女兒們的男朋友》,喺節目上一眾爸爸會見住自己嘅寶貝女同「男朋友」拍拖嘅實況節目。節目中,黃芷晴經常都大爆華哥嘅窩心事,仲成日流露出對爸爸嘅愛,令唔少人都大讚黃日華係好老公、好爸爸。

黃家女兒有教養

黃日華女兒芷晴轉眼亭亭玉立30之齡,近年為照顧母親仆心仆命,甚至願意退job,只求與家人更親近,絕對是廿四孝女兒。

神傷黃日華偕女兒現身處理亡妻後事

為家人封胸

芷晴年前出道時,因身材甚有睇頭而不時被邀請在活動中晒美好身段,不過明知「情人」華哥為人保守,所以漸漸聽爸爸勸告收起美好身材。

初出道時芷晴毫不吝嗇晒身材,美美的婚紗下展現美好身段。
初出道時芷晴毫不吝嗇晒身材,美美的婚紗下展現美好身段。

黃日華被封「絕種好男人」

而現年58歲嘅黃日華,當年同比佢大兩歲嘅梁潔華,同樣出身無綫藝訓班,1980年拍《京華春夢》認識,82年拍拖,曾因療為第三者介入而分手,期間黃日華先後同鄧萃雯、龔慈恩拍拖,但始終心繫梁潔華。二人88年復合並拉埋天窗,90年誕下女兒黃芷晴。

黃日華
黃日華同太太梁潔華
黃日華
二人88年復合並拉埋天窗,90年誕下女兒黃芷晴。

華哥除咗錫老婆之外,仲好錫個女芷晴,經常將阿女掛喺嘴邊,喺其他人面前不停大讚芷晴好乖女。早前芷晴病咗,華哥仲親自車愛女去睇醫生,係個廿四孝爸爸!

神傷黃日華偕女現身處理老婆後事

黃日華
早前芷晴病咗,華哥仲親自車愛女去睇醫生

心甘命抵剝蝦

當時播出嘅一集中,黃芷晴大爆華哥喺屋企好體貼嘅一面,就係由細到大佢都會主動為家人剝蝦,只要當晚嘅餸菜有蝦,華哥都會出動!黃日華事後表示:「我覺得給他們服務是我的光榮」,真係超Sweet呀!

黃日華
黃芷晴主動餵男友食蝦
黃日華
陳一天問芷晴華哥細個係咪都係咁樣餵佢食嘢
黃日華
芷晴大爆華哥喺屋企好體貼嘅一面

芷晴事後亦有喺社交平台上分享剝蝦一事,留言表示:「華哥就是控制不了的喜歡剝蝦的男人,有時候在家裡要跟他搶著剝蝦,我覺得每個人有不同的喜好,我也控制不了別人說什麼,但我就是敬佩他對家人的細心,他幫我們剝蝦,我幫他舀湯,這些細微的舉動其實可以讓對方覺得很溫暖」,真係睇見都覺得Sweet呀!

黃日華曾被埋怨不顧家

黃日華1980年開始進軍演藝圈,好快就已經上到一線小生位置,其後主演劇集《義不容情》,令華哥嘅人氣再度急升,每日都拍唔同嘅戲,工作十分忙碌。不過,華哥喺節目中透露,原來當時曾經畀太太埋怨冇時間留畀屋企,令到佢兩母女好似生活喺單親家庭一樣。

其後,華哥分配好自己嘅工作時間,更係事業高峰時退隱演藝圈,為嘅就係投放多啲時間陪屋企人,唔好錯過囡囡每一個成長階段。華哥更指,工作只可以擁有一時,但家庭就係可以擁有一世,所以一定要好好處理家事。

華哥當年每日都拍唔同嘅戲,就算囡囡出世都冇時間返屋企。工作十分忙碌
華哥當年每日都拍唔同嘅戲,就算囡囡出世都冇時間返屋企。工作十分忙碌
黃日華
華哥喺節目中透露,原來當時曾經畀太太埋怨冇時間留畀屋企,令到佢兩母女好似生活喺單親家庭一樣。

 

黃日華
華哥分配好自己嘅工作時間,為嘅就係投放多啲時間陪屋企人

華哥曾經表示:「以前工作很忙,很少照顧她,所以一直不太了解她的個性和需要,所以女兒從來沒有向我撒嬌,可能因為平常我說話不多,我不開口的時候樣子比較兇,所以她有點怕我。」其後,華哥放多咗時間喺屋企後,用咗7到8年時間陪個女,令到同阿女嘅關係變好,更話「我覺得我非常開心」,依家仲成日形影不離添!

黃日華
華哥放多咗時間喺屋企後,用咗7到8年時間陪個女,令到同阿女嘅關係變好

認為老婆比囡囡重要

節目第一集,芷晴被問到華哥最愛嘅嘢係咩,芷晴先後答咗奶茶、足球、麵包同老婆。華哥其後答:「女兒沒得選,但老婆是自己選的,自己娶回來的,所以要結自己選擇的愛人最好的生活,好好愛她、保護她、疼她。如果女兒和老婆之間選擇,我覺得老婆比較重要一點。」華哥仲經常提醒自己要將老婆放第一位,真係一個絕種好男人!

黃日華
芷晴被問到華哥最愛嘅嘢係咩,芷晴先後答咗奶茶、足球、麵包同老婆

1988年 黃日華與太太婚前同拍劇集

黃日華太太梁潔華曾合作拍劇,除了80年《上海灘龍虎鬥》外,88年梁潔華同黃日華婚前,終於喺清裝劇《太平天國》再次一齊拍劇,但兩人並非演夫婦或情侶。

黃日華

黃日華
黃日華同梁潔華拍拖五年嚟一直恩愛,呢張含情對望相sweet到爆!

1988年 拉埋天窗

1988年黃日華同梁潔華拉埋天窗手牽手走入人生另一階段,惜劉德華同苗僑偉因趕戲嚟唔到飲。

黃日華
華哥着上同色系結婚禮服,絕對係華女心目中嘅白馬王子。
華女一身高貴銀白色婚紗,同樣係華哥心目中嘅白雪公主。
華女一身高貴銀白色婚紗,同樣係華哥心目中嘅白雪公主。

廿四小時貼身照顧太太

黃日華外表看似硬漢,但對住太太梁潔華卻是個溫柔體貼的好老公,2013年底梁潔華發現患上急性血癌,華哥給予太太信心和正能量,面對繁重工作又要廿四小時貼身照顧太太,治療過程艱辛,但夫婦同心安然度過。2015年梁潔華宣布戰勝血癌,不過打後五年就是康復觀察期,近年華哥不時拖住梁潔華公開露面,分享力抗血癌的經過。

黃日華

黃日華
治療過程艱辛,但夫婦同心安然度過。
15年本刊記者見華哥與太太現身九龍城,當時梁潔華狀態非常好,笑臉迎人。
15年本刊記者見華哥與太太現身九龍城,當時梁潔華狀態非常好,笑臉迎人。
對於黃日華全天候照顧,當時梁潔華曾公開讚他是好老公:「佢試過朝早飛去第二度做嘢,夜晚嚟醫院問我有冇事,然後先至返屋企!我見到佢好辛苦,我好感動!冇咗佢都唔知點算!」
對於黃日華全天候照顧,當時梁潔華曾公開讚他是好老公:「佢試過朝早飛去第二度做嘢,夜晚嚟醫院問我有冇事,然後先至返屋企!我見到佢好辛苦,我好感動!冇咗佢都唔知點算!」
結婚36年,夫婦二人互相扶持,黃日華亦曾向太太深情剖白說:「我很感謝太太的堅強,願意勇敢面對這個病,我很榮幸成為她的丈夫,這麼多年來,她一直照顧我,也提點我改善缺點,令我長大成為更好的人。」
結婚36年,夫婦二人互相扶持,黃日華亦曾向太太深情剖白說:「我很感謝太太的堅強,願意勇敢面對這個病,我很榮幸成為她的丈夫,這麼多年來,她一直照顧我,也提點我改善缺點,令我長大成為更好的人。」

梁潔華舊病復發

五年的觀察期未過,早前再有傳梁潔華舊病復發不時進出醫院,黃芷晴早前出席公開活動時否認,她說:「媽咪每星期會進行一至兩次定期檢查,因為佢嘅抵抗力較常人低,容易發燒感冒,所以依家冇嘢做喺屋企休息。」華哥回應太太情况時表示梁潔華的指數升了需要觀察,但沒有大礙。

神傷黃日華偕女現身處理老婆後事

黃芷晴早前出席公開活動時否認媽媽舊病復發。
黃芷晴早前出席公開活動時否認媽媽舊病復發。

外出避見人

雖然黃氏父女都否認傳聞,但事實上近半年已不見梁潔華公開露面,熱愛粵劇藝術的她早前離奇缺席兩場有份搞的粵劇表演。上月初師傅文千歲為自傳舉行發布會,都是只由華哥代表出席。據知華哥向來報喜不報憂,佢寧願自己辛苦完,等太太真係好番晒先至出嚟講。聽聞最近佢哋都冇再住大埔比華利山別墅,因為嗰度依家好多藝人住,所以搬咗去另一個低密度屋苑,環境清靜啲等太太可以好好休養。

梁潔華多年來熱愛粵劇藝術。
梁潔華多年來熱愛粵劇藝術。
聽聞華哥夫婦再住大埔比華利山別墅,費事出出入入撞到藝人朋友。
聽聞華哥夫婦再住大埔比華利山別墅,費事出出入入撞到藝人朋友。
7月華哥出席陳榮峻與吳香倫的婚宴,他表示跟陳榮竣相識40載,彼此關係稱兄道弟,但當晚卻未見太太一同來道賀。
7月華哥出席陳榮峻與吳香倫的婚宴,他表示跟陳榮竣相識40載,彼此關係稱兄道弟,但當晚卻未見太太一同來道賀。
踢咗幾十年波的華哥,是明星足球隊的中流砥柱,但過去幾個月他都絕跡波地,就連明星隊外出比賽都沒有參與。
踢咗幾十年波的華哥,是明星足球隊的中流砥柱,但過去幾個月他都絕跡波地,就連明星隊外出比賽都沒有參與。

梁潔華再治療甩頭髮 黃日華苦撐照顧愛妻

早前華哥車載梁潔華離開大埔寓所外出,到達市中心的新達廣場停車場泊好車後,本刊記者上前採訪,梁潔華即時擰轉身背向鏡頭,而華哥說到太太的健康問題就顯得有點緊張。

黃日華
現場所見,身穿薄羽絨的梁潔華身體與精神狀況都麻麻,行路非常緩慢,手指與腳踝都出現水腫,華哥小心地拖實太太慢慢行。
泊好車後見到本刊記者採訪,華哥顯得異常緊張,緊握雙手不停狂捽。
泊好車後見到本刊記者採訪,華哥顯得異常緊張,緊握雙手不停狂捽。

現場所見,梁潔華除了行路緩慢要華哥全程拖住扶實,其手指及腳踝都有水腫情況出現,更清楚可見到她的後尾枕已沒有頭髮,用絲巾包住整個頭,再戴上黑色漁伕帽,為了外出保密功夫做到足。

黃日華
華哥體貼地轉身走向太太,當日梁潔華戴了 眼鏡,口罩亦打孖上,全身包到冚。而華哥心口亦掛上一個防菌章,與太太 一樣戴上口罩。
華哥回答記者有關太太身體狀況的題問時,梁潔華全程背向鏡頭低著頭,清楚看到她用絲巾包著整個頭,再戴上黑色漁伕帽。
華哥回答記者有關太太身體狀況的題問時,梁潔華全程背向鏡頭低著頭,清楚看到她用絲巾包著整個頭,再戴上黑色漁伕帽。

二人行入商場時,可看到梁潔華明顯比打勝仗時瘦,而且行得很吃力,要把所有力集中在華哥的身上,而華哥亦即時為太太拎住手袋。

神傷黃日華偕女現身處理老婆後事

化療甩頭髮爆喊

還記得今年年初,華哥與女兒黃芷晴接受訪問,在短片中大談梁潔華接受五次化療後出現的副作用,他說:「化療後最大嘅反應就係甩頭髮,我太太好貪靚,第 一次做化療後兩星期佢開始甩頭髮,係撥一撥就甩晒嗰種,佢傷心到大喊,後來佢就用絲巾包住自己個頭,到做晒所有化療,我哋一家人都冇見過佢光頭個樣。」

神傷黃日華偕女現身處理老婆後事

2014年康復後,梁潔華的頭髮已回復生長,近年她都以清湯掛面的齊蔭短髮示人,但這日見她再次用絲巾包頭,很可能是早前曾經再接受治療導致甩頭髮。
2014年康復後,梁潔華的頭髮已回復生長,近年她都以清湯掛面的齊蔭短髮示人,但這日見她再次用絲巾包頭,很可能是早前曾經再接受治療導致甩頭髮。

望嫁女沖喜

據知患病後的梁潔華,最大心願是能夠健健康康見證女兒幸福嫁人。今年9月芷晴為父親慶生時,只在IG上載兩父女合照,未見母親梁潔華影蹤,而最近放上穿婚紗的照片,即被指恨嫁,據知梁潔華一早買定晒嫁妝,不過之前華哥唔係太接受個女咁早嫁人,但佢知老婆心意,所以最近都軟化咗想屋企辦喜事沖喜一下。

來日方長唔使急,梁潔華一定會好快再回復健康,唔止嫁女,仲會有孫抱,同華哥一齊湊孫享清福就最美滿喇!
來日方長唔使急,梁潔華一定會好快再回復健康,唔止嫁女,仲會有孫抱,同華哥一齊湊孫享清福就最美滿喇!
芷晴為父親慶生時,只在IG上載兩父女合照,未見母親影蹤。
芷晴為父親慶生時,只在IG上載兩父女合照,未見母親影蹤。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!