余慕蓮

81歲余慕蓮一生不嫁因童年… 熱心慈善不惜捐身家助人!

現時81歲嘅余慕蓮人稱「魚毛姐」,雖為甘草經常扮演醜角,但魚毛姐為人心地善良,閒時做義工及善事。然而,不婚不育嘅魚毛姐一直因一個原因而決心一生唔婚嫁!

撰文:東方新地|圖片:新傳媒圖片庫、電視截圖、Facebook

81歲余慕蓮唔介意做醜角

余慕蓮將人生奉獻俾演藝事業,而最為人熟悉相信都離唔開醜角或「垃圾婆」,但魚毛姐好鍾意表演,認為咩角色都要有人做,所以佢一啲都唔介意。

余慕蓮

余慕蓮

喺香港影圏足足70年嘅魚毛姐演出超過二百套電影及電視劇,但從來唔奢望爭做女主角,反而淡薄名利,本住入行就係為娛樂大家嘅心,演出所有角色。