安心偷食

【安心偷食】情傷馬國明苦撐拍《降魔的 2.0 》 心事重重呆坐天台

許志安黃心穎各自背叛另一半出軌,「安心偷食」醜聞爆出後,全城圍插姣花賤男,兩人事業人格一鋪清袋,至於畀樂易玲形容是「絕種好男人」的馬國明,雖然畀女友派 帽出賣,仍得體開腔護女友,又要為新劇《降魔的2.0》趕工,大受情傷的馬明連環電話,之後心事重重,更在天台一角獨自呆坐,真係有苦自己知。

 

撰文:東方新地|圖片來源:Instagram

馬國明 苦撐開工

女友偷食曝光震驚全城,同心穎拍拖三年一直被對方利用上位 的馬國明,飽受情傷依然為女友護航,近日忙於趕拍《降魔的2.0 》,被追訪的他開腔護女友,坦言知道事件後,好快冇嬲嘅感覺,反而係變成擔 心:「我擔心牽涉到呢件事嘅所有人,任何一個受到傷害我都唔希望,我可 以代表佢講少少嘢,我知佢都知道自己做錯,好想出嚟同大家講,但公司 驚佢(心穎)情緒唔穩定講錯嘢,所以冇畀佢出嚟,佢仲好年輕,未來仲有 好長嘅路要走,希望大家畀啲空間佢!」女友偷食片傳遍世界各地華人區,成為花生友茶餘飯後熱話,正在趕拍新劇《降魔的 2.0 》的馬明,雖然備受打擊,但為了不阻礙劇組拍攝進度,事發後繼續苦撐開工。