劉青雲

劉青雲四大專一寵妻招數 結婚21年 堪稱圈中異性絕緣體!

最新娛聞

廣告

最近,有網民就「安心偷食」一事於討論區出帖文發起「一人一個唔會搞亂男女關係男星」選舉,結果馬國明以4923票成為最專一男人,第2名則是劉青雲。愛妻號的劉青雲與太太郭藹明結婚21年依然恩愛如昔,其實有4大寵妻招數!

撰文:東方新地|圖片:新傳媒圖片庫、微博

劉青雲 郭藹明 結婚21年

現年55歲的劉青雲和郭藹明結婚21年,一直是圈中模範夫妻,至今行街仍會甜蜜拖手,恩愛羨煞旁人,能夠令婚姻保鮮,劉青雲坦言全靠老婆郭藹明功勞,他大讚老婆說:「太太係我人生最好嘅禮物,佢好聰明,我鍾意咩、唔鍾意咩,唔使講佢都一清二楚!」

眾所周知,郭藹明是美國南加州大學機械工程學雙碩士,當年Amy為青雲放棄工程師工作。想不到人妻婚後至今,仍然為陪老公放棄復出!幾年前《大時代》翻播,一眾演員被炒熱,當時就有唔少人邀請Amy復出。但Amy友人透露:「Amy最著重係時間,講明一定要就咗老公檔期先,最後都因為怕困身陪唔到老公,所以傾唔成!」

結婚多年,二人依然很甜蜜,劉青雲曾被問及娛樂圈誘惑多,是否較容易偷食的問題,他即答自己只會看上郭藹明一個:「我好後生就入行,日日睇靚女,但唔係每個靚女都鍾意,緣分同性格都好重要。愛情就係你冇辦法理解嘅一樣嘢,千里姻緣一線牽,簡單嚟講就係望咗佢一眼,你冇辦法唔望第2眼,講完,哈哈!」

4大寵妻招數

1.大講冧妻金句

平時不苟言笑的青雲,15年憑《竊聽風雲3》奪金像影帝,公開發表 「太空船論」多謝老婆,少有公開講「愛的宣言」的他,唔止台下老婆被感動到眼濕濕,仲冧盡全港雌性動物。他說:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」郭藹明聽到劉青雲的話,感動得用手指抹眼淚。

2.鬧交必主動認輸

論到夫妻相處之道,劉青雲自認次次鬧交都認輸:「一來我英文唔夠佢好,二來佢根本唔怕我!冇辦法,遇上佢,我只能夠投降。」

3. 對對方從不忍暪

劉青雲曾表明郭藹明既是妻子,也是他最好朋友:「我哋早就講好,彼此有咩事都講出嚟,唔希望對方喺外人口中知道,呢個係我哋彼此信任嘅態度。」,雙方坦白至誠,令太太不需擔心太多。

4. 願做老婆白老鼠

原來郭藹明見到劉青雲平時化妝、洗面多,但因護膚不足而令面部變乾,所以都會推介護膚品給青雲。不過,以前的劉青雲則較少敷面膜,但現在的他反而會聽話,除一起護膚外,更會率先試用太太介紹的產品,從而增進大家感情。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!