幹細胞

臍帶血幹細胞美容 用 「流產胚胎」做醫美?

當大家仲講緊 幹細胞 美容嘅時候,而家於美容界上已經講緊「臍帶血 幹細胞 美容 」,但呢種不合法嘅美容注射,除咗道德上有爭議,知唔知存在好多風險㗎?

撰文:Tungyee|圖片:小紅書

幹細胞 (Stem Cell) 係原始且未分化嘅細胞,佢可以分化為多種特定功能嘅細胞組織;而臍帶血入面就可以提取到唔同嘅幹細胞,好似造血幹細胞(HSC),可以發展成各類血液與免疫系統細胞;間葉系幹細胞(MSC),係一種多功能細胞,可以分化出唔同細胞組織,好似肌肉&皮膚細胞等等~

由於人體幹細胞具自然修復功能,所以除咗基本醫療用途外,有唔少美容業者人士會用佢嘅優點作招徠以表示有抗老回春之效,而幹細胞研究中,雖然有証實胚胎幹細胞比成體幹細胞中分化潛能較高,但國內盛行嘅多為「流產胚胎」,不但來歷不明,仲受到倫理道德爭議。