港姐

3位港姐與富豪相戀命運大不同 真愛邊有咁容易!

最新娛聞

廣告

2015年港姐季軍郭嘉文自當選後被同屆冠軍麥明詩風頭遮蓋,不過自有妙計力爭上游,16年即傳出郭嘉文情人節秘陪小小超李澤楷去東京旅行,之後更被爆成功撻著!不過除咗郭嘉文之外,事實上仲有其他港姐都有類似撻著社會有財兼事業有成的男人!

撰文:東方新地|圖片:新傳媒圖片庫、Instagram

3位港姐與富豪相戀命運大不同

|郭嘉文

日前,李澤楷帶同與女友郭嘉文一齊現身沙田馬場,平時低調處理感情線的小小超似乎間接承認郭嘉文的女友地位。

郭嘉文出身小康之家,與父母家姐同住馬鞍山一個屋苑。個樣有少少似李亞男的郭嘉文,中學就讀沙田崇真中學及台山商會中學,15年城大工商管理學畢業,大學時期已有「城大校花」稱號。

爆冷奪季軍

今年26歲的郭嘉文,參選港姐時唔算特別標青,身高只得5呎3,學歷又唔係特別高,最後能以257,064 觀眾選票奪得季軍,都算小爆冷。

當選後,郭嘉文立即同TVB簽咗八年長約,有份同陳展鵬、唐詩詠等演出劇集《廉政行動2016》,當時就被網民笑説郭嘉文應該是第一位香港小姐未卸任但最快有劇集播出的港姐

除咗拍劇,當時又獲安排做《東張西望》外景主持,令唔少觀眾因而對佢留有印象。不過2017年郭嘉文就離開工作咗兩年的TVB,都算係快閃的一位。

不過,郭嘉文離開TVB都可能唔係冇原因嘅,事關2016年就爆出佢情人節秘陪小小超李澤楷去東京旅行,當時就有市民影到一名長髮女全程戴住口罩,同小小超去銀座博品館玩電動模型車,其後更矛頭直指該長髮女是郭嘉文!

自此,郭嘉文的Instagram更突然有揸遊艇出海、收花收戒指等放閃相,同早期捱麥記、搭廉航等平民生活,真係盲都睇得出有唔同啦!

 

隨後,郭嘉文亦被爆購入九龍塘逸瓏天池屋,當時成交價為1.068億元,呎價近5萬,而代表買家簽訂文件的人士為盈大地產副主席及行政總裁李智康,而李智康則是李澤楷愛將!難怪郭嘉文可以咁快同TVB結束僱員關係啦~

依家的郭嘉文當然是過得相當快活,閒時帶狗狗出街,不時去旅行,得閒約好友食個afternoon tea,成功升呢後的生活咪就係咁無憂、簡單~

|何艷娟

何艷娟昨日喺IG post咗一張文字圖,當中寫道:「在和平和友好的情況下,我們決定分開了。並說好了大家再見亦是好朋友,並且彼此多謝大家和互相祝福。」而她事後接受傳媒訪問,直認吳志誠離婚。

14年港姐季軍

來自北京的何艷娟,是港大法律系畢業生,14年當選港姐季軍的她,同屆冠軍是邵珮詩、亞軍王卓淇。參選亦令何艷娟人生改寫,14年以港姐季軍銜頭,出席澳博活動邂逅未來老公吳志誠,拍拖三年多爺孫戀開花結果。

低調交往3年 收千八萬訂情樓

何艷娟當選港姐後,和同屆港姐冠軍邵珮詩和亞軍王卓淇參與澳博的宴會而認識對方,吳志誠對何艷娟一見鍾情,男方展開熱烈的追求攻勢,送鑽石首飾作見面禮,好闊綽。而二人正式交往後何艷娟富貴逼人來,雖然在無綫只係藝員仔,平日出入有司機接載,身上名牌亦不少,深得澳博男友寵愛,早在16年何艷娟便以一千八百萬買入君臨天下一個單位,首度做業主已經係買豪宅,有指該豪宅正是未來老公吳志誠送贈的訂情禮物,而同吳志誠入紙登記註冊,兩人亦同報半山麥當勞道豪宅。

餅印母陪拍拖

吳志誠身家豐厚,保守估計逾30億港元,回顧二人拍拖期間,Katherine於IG出post從不會post她與老公的合照,而本刊去年就拍得何艷娟跟戴著口罩的吳志誠拍拖,何對女友呵護備至,何艷娟唔介意帶埋阿媽同行!

何艷娟同媽咪似足姊妹花,兩母女感情要好,拍拖行街何艷娟亦唔會顧住黐實未來老公,不時搭實媽咪行。

司機接出入

何艷娟雖然帶埋阿媽,同未來老公吳志誠拍拖行超市,不過,何母亦好識做,間中會企開啲,唔想妨礙女兒拍拖。同未來老公即使年齡相差40年,一樣冇代溝,全程黐實商量買啲乜,非常甜蜜。

有商有量

搶住攞嘢

吳志誠對未來老婆非常體貼,見老婆攞住大袋物品,即刻搶住幫手攞,絕對唔使老婆操勞,何艷娟亦可輕鬆邊行邊飲嘢!

三人企埋一邊等司機,戴住口罩的吳志誠望住未來老婆,眼神充滿愛的火花。

買完嘢離開等司機,司機一到,吳志誠即一馬當先行去上車,何艷娟則陪住媽咪跟在身後。

5月紐約

演藝事業發展平平,何艷娟婚前婚後經常周遊列國,而且打扮亦富貴。

同身家「億億聲」的吳志誠拍拖後,何艷娟生活亦變富泰無憂,不時坐遊艇出海,又學畫畫。

婚後鮮有現身幕前

在熱爆處境劇《愛·回家之開心速遞》中,何艷娟有份演出「龍作蜜」一角,但就戲份不算多,但她嫁人後已鮮有現身幕前。

Katherine Ho 何艷娟(@katherine_hoyk)分享的貼文張貼

Katherine Ho 何艷娟(@katherine_hoyk)分享的貼文張貼

離婚先兆 上月重返《愛‧回家》開工

但上月中她在社交網分享拍攝《愛‧回家之開心速遞》跟「龍家」家人合照,當時已有網民留言問龍作蜜是否回歸,原來是離婚的先兆。

|何天兒

現年30歲的何天兒(前名:何傲兒)同81歲林建名(大少)呢對相差51歲嘅「爺孫戀」,自2014年二人戀情開始傳到㷫烚烚!當時何天兒拍完《波士早晨》後約滿無綫,一回復自由身就即刻轉投大少旗下的大名娛樂。

簽約儀式當日,何天兒披白紗晚裝上陣,大少就着老西打煲呔,十足新郎哥,其後大少更送上四卡鑽石俾天兒,唔知仲以為去咗婚禮。

不過,何天兒廿八歲生日宴上就與大少正式上契,當時女方更賣口乖話:「我以後對你,會好似對我爸爸一樣。」,自此令擾攘兩年多的「爺孫戀」正式劃上句號。

近年何天兒強攻內地北上掘金自食其力,亦曾於訪問中透露當時因「爺孫戀」而暗自抑鬱,但之後亦遇到不少追求者,更表示自己擇偶要求著重真心相愛,坦誠相對,而現在的天兒似乎仲努力邊搵真銀之外,亦繼續邊尋真愛。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!