陳琪

陳琪離巢後成功轉型做KOL 月賺6位數撼贏葉翠翠!

與胡諾言結婚十年,做胡C9照顧兩女一子頭頭是道的陳琪,婚後保養得宜的胡C9,外貌完全睇唔出已經44歲,凍齡有方加上持家有道,同老公胡諾言又形象健康,食正師奶愛家心態,近月陳琪便以貼地師奶,成功跑贏經常被網民指愛標榜係闊太的葉翠翠,更密食當三番,將美容、健康產品到生活百貨一網打盡,每月穩袋六位數字,賺錢隨時多過老公。

撰文:東方新地|圖片:東方新地

陳琪成功轉型做KOL

17年拍完《宮心計之深宮計》離巢無綫外闖的陳琪,講明離開是為尋求更多機會,加上是兩女一子之母,要留更多時間照顧家庭,陳琪最終選擇放棄幕前工作轉做KOL。據知情者透露:「喺無綫拍劇雖然工作量唔算太 多,但始終比較困身,嗰時個仔啱啱出世,要湊住個 B B 又要睇住兩個女要花 好多精力同時間,陳琪見近年 KOL 有出路,喺屋企做直播又方便照顧小朋友,於是決定唔續約轉型試一試!」

陳琪
湊仔親力親為的陳琪,每次直播都打扮樸素,同一 班師奶交流心得表現貼地,密食當三番捱出頭。

陳琪

現時已成網絡紅人的陳琪,食住幸福師奶形象,獲唔少品牌垂青,每月收入超過六位數字,不過陳琪都唔係一開始就一帆風順,頭三個月收入微薄,她亦唔怕辛苦努力做各樣產品研究,了解家庭需要,靠積極捱出頭,近 月便成功揮低曾是網絡紅人的葉翠翠,成為親子界賺錢王。