黃翠如

黃翠如大爆秘婚過程及生B計劃 過檔TVB原來同一個人有關!

今次搵到黃翠如大談誤打誤撞入行,由細台主持到入大台拍劇種種經過。新婚的她又分享結婚過程及跟丈夫蕭正楠的相處!

撰文:東方新地|圖片:東方新地、微博

黃翠如過檔TVB原來同一個人有關

對於是否誤打誤撞去咗有線電視,黃翠如話:「我畢業嗰年沙士,搵唔到工,我驚無收入,嗰時有線電視請 人,我仲記得我一入行得三千蚊,03年得三千蚊,好得人驚。」

「開頭我係娛樂記者,我嘅轉捩點係我上咗喜馬拉雅山探電影《喜馬拉亞星》班,我無做過啲咩返嚟,但公司覺得我拍咗旅遊節目返嚟,跟住調咗我去做旅遊節目,發現我做旅遊節目比新聞好,直到洪永城過咗 Now TV 一年,我見佢做《一個地球》嘅 budget 好似好大,我咪跟住過 Now TV!」