倚天屠龍記

《倚天屠龍記》6位演員舊照曝光 網民:反差太大好崩潰…

最新娛聞

廣告

近期熱播嘅《倚天屠龍記》出街後唔少網民都大讚新版劇集製作好高質,大至佈景,小至道具都設計認真一值得一讚!點知有網民搵出劇中各位靚女嘅陳年舊照出嚟,反差結果真係嚇死人!

撰文:東方新地|圖片:網上圖片、微博

《倚天屠龍記》6位演員舊照曝光

有網民表示劇中女主角個個都好靚,但就偏偏分唔出邊個打邊個,皆因太似樣!然而,有網民更搵出劇中各位靚女嘅陳年舊照出嚟,反差結果大到呢…

陳鈺琪 飾趙敏

內地女演員陳鈺琪現年26歲,今次佢喺《倚天屠龍記》入面擔正做趙敏一角,大家感覺如何呢?

不過唔知係咪化妝影響,鼻樑位明顯高咗,加上大個後皮膚好似再白啲,面又尖啲,比未紅前更靚。

祝緒丹 飾周芷若

另一位重要女主角周芷若,則由今年26歲嘅祝緒丹出演,有網民指祝緒丹飾演嘅周芷若有一股「仙氣」,魅力與當年嘅周海媚不相伯仲!

見以前佢對眼就似乎細長啲,依家就又圓又精靈,加上可能瘦咗令面形又細咗~睇返祝緒丹嘅舊照,唔知大家仲覺唔覺得佢有「仙氣」呢?

曹曦月 飾殷離

曹曦月係內地新生代演員,今年24歲,自2013年起開始參與拍攝電視劇,佢拍過嘅電視劇較為人所認知嘅,就例如有《楚喬傳》同《浪花一朵朵》等。

曹曦月嘅舊相中,見到佢以前厚厚嘅瀏海彷彿帶住陣陣MK味~

陳欣予 飾演殷素素

現年27歲嘅陳欣予飾演殷素素,係天鷹教教主殷天正之女,武當五俠張翠山之妻,明教教主張無忌之母。

睇返舊照,昔日嘅佢似乎同依家變化不大,最多都係皮膚變白咗?

唔好以為得女主角個樣先有變化,就連劇中飾演男主角張無忌嘅曾舜晞都有崩壞照!

雖然昔日嘅佢依然係個眼大大嘅男生,但唔少網民都驚嘆佢以前由髮型、造型到面形每個部位都娘味極濃…

睇完以上對比照,難怪網民都不禁大嘆新版中飾演滅絕師太嘅周海媚係當中嘅一道清泉,皆因由佢昔日演仙氣周芷若到依家嘅滅絕師太依然都係咁靚!

 

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!