隆鼻後個鼻冇感覺 日本整容孖妹公開後遺2

隆鼻後個鼻無感覺 日本整容孖妹公開後遺症

整容有咩後遺症?介紹你識日本整容孖妹吉川千惠、吉川千加,佢哋早前出咗條YouTube片大講「整容後不能做的事」,點擊率過百萬,仲有逾千個留言。

撰文:Iris|圖片:YouTube截圖

吉川千惠、吉川千加係模特兒,因為想令自己增加自信而去整容,6年間,先後割雙眼皮、去眼袋、拉面皮、做瓷牙套等等。至於個鼻,甚至植入咗耳仔軟骨,令個鼻睇起嚟直啲。整到呢個地步仲未整完,未來仲會修修補補。為咗變靚啲,佢哋已經喺整容上面使咗超過1,000萬日圓!

咁整法有咩後遺?千加話,依家個鼻好似梗咗咁,笑嘅時候個鼻唔會郁,更做唔到翁鼻嘅動作。個鼻亦好似無咩感覺,就算流鼻水都feel唔到,係有啲麻煩。

至於拉面皮後,有一至兩星期成塊面都扯住,笑得唔自然。而且面皮是拉向頭頂兩邊,頭部傷口要兩個月以上先埋口,其間洗頭又驚整親,好唔方便。