車婉婉

家傭因事急請辭回鄉 車婉婉憂兒子患分離焦慮症

最新娛聞

廣告

藝人車婉婉於2017年,係佢42歲個時為中澳混血老公Jonathon誕下混血B仔Justus(乳名:BBQ),正式升呢做媽咪。最近,正忙於拍攝新劇嘅車婉婉,本身已經少咗時間去照顧囝囝,仲突然遇到大難題,就係一直照顧BBQ嘅工人姐姐因家有急事而辭職,更爆出BBQ有可能患上分離焦慮症(Separation Anxiety Disorder),情況令人擔心。

原文:Kammy-SundayKiss|圖片:車婉婉Instagram車婉婉Facebook

車婉婉 瞬間變傻婆

車婉婉現時正忙於拍攝新劇《大醬園》,老公Jonathon亦忙於教水,照顧囝囝BBQ嘅重任一直都係交由家傭Gemma去照顧。不過,由於Gemma因為家中有事必須要回鄉,對於車婉婉嚟講係「面對嚴重打擊」。

車婉婉喺社交網分享一家三口同工人姐姐嘅合照,並留言:「相中就是她臨行前的合照,仔細睇真BBQ一副懵然不知嘅面孔背後,就係Q MaMa笑中含涙的Goodbye…..」車婉婉又指,工人姐姐走咗之後,自己就變咗成個傻婆咁,因為要打理家頭細務同照顧BBQ。

 

囝囝疑患分離焦慮症

由於家傭Gemma由細睇到BBQ大,所以同工人姐姐分開之後明顯有啲唔習慣。車婉婉表示,BBQ似乎患上Seperation anxiety(分離焦慮)症。所謂嘅分離焦慮症,其實係離開所依附對象時,會產生過度的焦慮。車婉婉透露:「尤其午睡醒來一直哭,好像好可憐的週(周)圍望,輾轉反側…. 好彩呢兩日Q MaMa咁啱唔洗(使)返工,可以安撫BBQ先生,咁搞法我可能要帶埋佢一齊返大醬園先掂😅」,情況令人擔心。

車婉婉續表示:「在此,多謝Gemma姐姐在這段日子對Q氏的照顧,仲有對BBQ先生的愛護,我們希望妳的問題得以解決,We will miss u❤️﹗#挑戰不斷 #不斷挑戰 #人生課題一浪接一浪 #BBQ日日起身周圍望 #seperationanxiety #大醬園請唔請童工 #真係要外援 #祝姐姐好運 #祝Q氏有好嘅姐姐順利降臨」,希望Q氏一家快啲請到個新嘅工人姐姐,同埋BBQ快啲平伏心情啦!

車婉婉曾被相士批一世嫁唔出

藝人車婉婉於2017年喺佢42歲時為中澳混血老公Jonathon誕下混血B仔Justus(乳名:BBQ),正式升呢做媽咪。車婉婉曾經喺一個基督教音樂會內分享,自己曾被相士批命冇可能結婚生仔,令佢一度對組織家庭失去希望,但後來自己因信仰而改變,令佢戒走多年煙癮,仲透露「戒煙第七天就遇上我老公」。車婉婉當年就經朋友介紹,認識細自己5年嘅中澳混血、游泳教練JonathonQuinlan,二人拍拖3年後於泰國結婚。

酒吧遇真愛

年初二人為電視節目《1+1+1》主持嘅車婉婉,唔只同一眾嘉賓大談湊仔經,第一集仲同大家分享自己同老公相識經過,原來佢哋初次見面係喺酒吧!車婉婉指,當時係一大班朋友相約去飲嘢,點知當晚帶有醉意嘅Jonathon就成晚伏咗喺佢度,令車婉婉不知所措。

車婉婉自個次之後就對Jonathon有好感,二人交換電話號碼,然後就開始發展。車婉婉指認識初期,有次Jonathon病,佢親自煲咗魚粥拎去Jonathon屋企,令Jonathon大為感動,認為婉婉好識照顧人,並肯定咗彼此嘅關係!

110分老婆

節目中,被問到老婆生完小朋友之後值幾多分,Jonathon即答「110分」,但車婉婉就認為對方仍有進步空間,不過最搞笑都係囝囝BBQ,因為佢覺得爸爸Jonathon係冇分!

老公體諒車婉婉產後的改變

很多人話,兩公婆生完小朋友之後開係會有所改變,車婉婉同Jonathon同樣有呢個問題,因為佢將成副心機技放喺BBQ身上,仲自責當時忽略老公。不過,Jonathon就認為作為老公應該要體諒同明白對方,仲大讚車婉婉其實已經做得好好,超sweet!

Jonathon:很懷念過去,但更期待未來

好多夫婦生咗小朋友之後,都冇晒二人世界嘅時間。車婉婉就問老公有冇好掛住佢哋以前拍拖嘅時光,Jonathon好快就答咗「有」,因為兩種生活好唔同,不過佢亦話雖然好懷念從前,但佢更加期待佢哋嘅未來,令婉婉超冧!

其後Jonathon仲首次喺婉婉面前自彈自唱,更親自設計家庭服飾送畀婉婉,令婉婉當場感動落淚。

雖然車婉婉曾經被批不配有幸福,但好彩佢當初有相信自己,如今幸福滿載真係值得慶賀!

延伸閱讀:

車婉婉 大爆自己入行後辛苦經歷

新秀出身的車婉婉,今次會大講由唱歌誤打誤撞拍劇拍戲行出了另一條娛圈路 ,又剖白由滿天神佛的神婆到信基督教,及分享高齡產子為人母的喜樂!

撰文:東方新地|圖片:東方新地、車婉婉ig

自稱讀書不算太叻的車婉婉中學讀銅鑼灣聖保祿,她指該校是一間剛柔並重的學校,讀書不會太死板。然而,車婉婉回想當時讀書:「因為我代表學校去過唔同嘅男校唱歌,咪識好多鄰校嘅男孩子,已經開始咗賣唱生涯。」,就自踏上歌唱之路。

「無屋企射住唔好入行!」

於香港完成中學學業,她到美國讀大學,放暑假時回港參加新秀。她就:「我嗰屆陳欣健做總經理,佢保證一年內會出碟,嗰時仲簽咗 TVB 經理人約,好開心,咁細個十零歲去澳門唱個騷有咁多錢,有啲憧憬,我哀求媽咪畀我暫停讀大學,留喺香港等出唱片。」,果然一年之後就出碟。

View this post on Instagram

高齡日誌之叮噹🎊今天晚上完成了演出,呼了一大口氣😁對於一個上世紀歌唱比賽冠軍,有成十幾年廿年無又唱又跳嘅人來説,上台表演已經夠晒緊張,當Philip告訴我他想我唱叮噹時,我已經立即知道一定要排舞,因為若然唔跳舞,唱叮噹未免辜負了首歌,心𥚃很是擔心,真係有D想縮沙🤣;又當Philip致電問我唱叮噹是否太大壓力,要不要轉歌時,我又不知從哪裡來的勇氣吿訴他我可以一試💪🏻💪🏻 只有兩次時間排練 ,學好的舞步就只有在家中偷出少少時間練習(跳比BBQ睇😂)要多謝Roy and Tommy 的悉心教導⋯終於,到了今天,在台上的感覺十分興奮,亦非常enjoy!希望你們也喜歡個Show ❤️再次多謝Philip,給予我這個機會和您合作,令我有一個非常 難忘的 Boxing Day👏🏻👏🏻👏🏻👏🏻👏🏻 #高齡日誌 #workingqmama #又唱又跳 #叮噹 #挑戰自己 #未夠完美 #仲想跳多次 #陳欣健evennow此情此刻濃情金曲聖誕夜 #銀河海潤演藝有限公司

A post shared by 車婉婉 Stephanie Che (@cheyuenyuen1228) on

當問到不少新秀已經不見了,她笑言自己是其中一個:「出碟後無乜嘢做,跟住TVB叫我去上海做東亞運動會主持,我完全都唔識運動,咪照做。」,有工作總好過無。

View this post on Instagram

高齡日誌之新手✋🏻新手Q MaMa 每天也正在和BBQ一起成長進步中!自上星期BBQ吃蕉啃親,感謝各方朋友用不同方式送上關懷及祝福,Q氏非常感動,Q MaMa亦為此事多番思量、檢討和學習⋯ 由於我們正是加固、離乳之初期,都好想為BBQ建立良好的飲食習慣,而且BBQ4個多月已出了兩隻牙仔,現在已經有6隻牙仔,所以就想用主導一點的BLW方法,因為Q MaMa從開始到現在都是埋身一族,也從來不喜歡被數字所影響,都是讓BBQ主導的⋯大概Q MaMa心態也太放鬆了些,並未看好急救及做足BLW功課便進行,好彩有驚無險! 我相信,Everything happens for a good reason,有上次的經歷,令Q MaMa知道,為了BBQ,無論做什麼決定或方法,都要事事做好準備,要完善處理,要避免任何意外發生!🙏🏻 我們Q氏是不會輕易放棄的💪🏻Q MaMa 現正積極 upgrade 中,希望BBQ有個快樂進食過程及成長😍亦有頼各位媽媽多多指教!新手媽媽們,一起加油呀!💪🏻💪🏻💪🏻💪🏻💪🏻 #高齡日誌 #qmamaslife #新手媽媽 #QMaMa檢討進步中 #為了BBQ要upgrade自己 #everyhappensforareason #thankgod #我要努力向上 #共勉之

A post shared by 車婉婉 Stephanie Che (@cheyuenyuen1228) on

車婉婉拍第一套劇是郭富城有份的《 烈火狂奔 》,她稱:「跟住我覺得無乜嘢做,就走咗,返去讀書,因為咁樣喺度 hea都好嘥時間,後尾另一間公司(環球唱片)搵我造歌,嗰時我就嚟畢業,又返咗嚟。」,來來回回又回到香港。

View this post on Instagram

Getting ready…

A post shared by 車婉婉 Stephanie Che (@cheyuenyuen1228) on

 

車婉婉於訪問中強調了一點,她稱:「無屋企經濟上射住,唔好入行㖭,你見到淨係浮上面嗰啲藝人,跌晒落街嗰啲你都見唔到!」,道出了這個圈其中一個重點。

View this post on Instagram

兩位主角-正!#驚心破

A post shared by 車婉婉 Stephanie Che (@cheyuenyuen1228) on

星運未如當初所想,車婉婉亦未有放棄:「陳嘉上導演突然搵我拍《野獸刑警》,拍電影,好勁喎,同黃秋生拍喎,嗰時我好長頭髮,剪咗個冬菇頭,三年無男仔追我,拍完,提名女配角,開咗條拍電影嘅路,又延續咗幾年。」,人生太多事以料不及。

View this post on Instagram

後台風光2 今晚未吃飯😁😁

A post shared by 車婉婉 Stephanie Che (@cheyuenyuen1228) on

喪母悲痛失聲

車婉婉提到:「我媽媽過身之後,我估係處理唔到情感,聲帶無咗聲,唱唔到歌,嗰時我去咗做電台,仲要一個禮拜做七日不停講嘢,咁把聲係唔會好番㗎嘛,當時係好無助。」,過度傷心引致失聲。

View this post on Instagram

Thx for the outfit #aalis ❤️

A post shared by 車婉婉 Stephanie Che (@cheyuenyuen1228) on

相信不少人都有聽過歌曲〈 會過去的〉,大概是車婉婉歌唱事業上一個標誌,因此歌帶結她名和利。而婉婉則稱:「當日係許志安同我講 :「不如我同你唱隻歌啦!』,之後就打畀陳輝陽,叫佢幫我寫隻歌。」。

View this post on Instagram

Come On !!!!

A post shared by 車婉婉 Stephanie Che (@cheyuenyuen1228) on

View this post on Instagram

On stage😁😁

A post shared by 車婉婉 Stephanie Che (@cheyuenyuen1228) on

續說:「3日後佢畀咗隻Demo我,好快錄完,我都唔知隻歌算好定唔好,隻歌好慢熱,開頭啲DJ都唔係好鍾意,跟住無端端橫掃晒啲頒獎禮,我覺得都算有交代,無辜負安仔嘅心機。」。

提到點解會找她於新劇《是咁的,法官閣下》做法官,她笑言:「編審睇過我一套戲,覺得個感覺好啱,搵監製搵我。嗰時我啱啱生完兒子BBQ幾個月,見監製都要帶埋個仔去,佢哋同我講覺得好啱我做,好啦、試吓啦,就接咗。」,一試又無妨。

預告變基督徒

由於當時車婉婉身邊有幾個朋友都是基督徒,她指:「 鄭秀文、 孫耀威全部話 :『 你有日一定變基督徒!』。我記得有日我打高爾夫球,唔見咗包煙,我沿路都搵唔到,打完波即刻再買包煙,有日起身超頭痛,跟住有把聲:『 你食得夠多尼古丁㗎嘞,你唔食煙你以後唔會有呢個頭痛!』」。

View this post on Instagram

Thx to Dr Chan…. Special …

A post shared by 車婉婉 Stephanie Che (@cheyuenyuen1228) on

View this post on Instagram

Grateful for the weather#lecoqsportif

A post shared by 車婉婉 Stephanie Che (@cheyuenyuen1228) on

「我喊住話:『我唔食嘞,好痛呀!』由嗰日開始,一口煙都無食過。我仲話:『你個神咁勁,搞到我戒煙,我就信嘞!』」,原來如此。

嫁外國人

車婉婉坦言自己無諗過會嫁外國人,「啱啱個timing,戒煙七日,有朋友介紹我依家老公識,覺得幾靚仔、OK 喎,好似有少少chemistry。」,緣份就是無法想像。

3年尾,車婉婉與拍拖三年的澳洲籍男友 Jonathon結 婚,17年以42歲高齡誕下兒子Justus(BBQ)。丈夫為游泳好手兼教練,「個仔幾個月掉落泳池啦,所以沖涼花灑照頭淋佢都唔會喊。」,好犀利!

「我覺得細路仔一定要有規矩,所以我個仔好醒,佢歲半,想睇電視或者做啲咩就會去搵爸爸,佢從來都唔會扭我,因為知我唔會睬佢。」,認真有趣!

問到會否生多個BB,婉婉笑謂:「高齡,好杰!再整多件就真係好高齡!」,至於好生完都依然這樣瘦,她則大爆是因為餵人奶,揚言:「餵人奶係最快瘦!」,大家可能可作參考。

View this post on Instagram

高齡日誌之冒失Q MaMa😨日前和MaMa Friend 聊天,主題係講湊仔,其中一位MaMa告訴我佢個仔啱啱打完針針,唔知係咪有產後失憶,定係Q MaMa真係太多事情要處理,乜18個月有針打咩?我好似無約過健康院喎⋯⋯打去健康院,佢哋問我想改appointment到幾時⋯⋯ QMa:改?我有約過咩? 姑娘:有!您應該係今朝10:00來,但係無來到 QMa:OMG…. 唔好意思,我唔記得咗⋯(本人深感失職以及慚愧😨) 結果,兩母子裙拉褲甩咁碌去健康院,做好度高磅重,繼而見姑娘傾計以及檢查;BBQ表現合作以及活潑,令到過程愉快又順利,仲氹到D姑娘巧開心𠻹❤️ 檢查完畢,姑娘同我講咗一句令我好感動的說話,佢話「你湊得個仔好好呀!」我真係有D標眼淚💧一句說話,這年半在各方面的努力,都是值得的💪🏻💪🏻💪🏻臨走前姑娘告訴我下次檢查是四歲⋯四歲?BBQ就是這樣脫離了BB階段?太快了吧!不捨⋯非常感謝各位姑娘在這18個月以來對Q氏的照顧,we shall miss all of you❤️ 相信各位新手MaMa每天在各方面也面對著不同的問題,仲有著不同的壓力,真係有苦自己知😵但係對住BB,其他一切都可以放下、頂住、吞咗佢👍🏻我想,這就是做MaMa的超級能耐⋯⋯ BBQ,冒失Q MaMa並不完美,但是我會盡力而為湊好您❤️ #高齡日誌 #qmamaslife #babyjustusq #冒失QMaMa #BBQ打針針 #感謝健康院照顧 #媽媽的能耐 #媽媽有苦自己知 #Q氏繼續努力 #一隻受傷的金華火腿 #食物是一切問題的答案 #pampersichiban #pg媽媽拍住上

A post shared by 車婉婉 Stephanie Che (@cheyuenyuen1228) on

BBQ咁活躍,又大隻,明顯係個健康嘅小朋友,追趕跑跳兩個鐘都冇停過,難怪車婉婉會猛話辛苦!「高齡日誌之你放電所以我冇電,週日,BBQ先生08起床,梳洗過後吃過早飯都是0930⋯ 吃貨BBQ強烈表示他已經入滿油,完全需要馬上放電 一到Playground,BBQ尤如電兔,不停跑、爬、跳⋯歷時兩個多小時,我就追住佢兩個多小,佢同我都全身濕透,怕佢吸番啲汗入去會唔舒服,即刻返去同佢一齊沖涼⋯ 沖完涼,都係1200,先至過咗半日,晏都未食,Q MaMa已經感到十分疲累,仲有大半日呀⋯ 有冇放電助理介紹?包保可以減肥!」

View this post on Instagram

高齡日誌之你放電所以我無電🤪週日,BBQ先生08起床,梳洗過後吃過早飯都是0930⋯ 吃貨BBQ強烈表示他已經入滿油,完全需要馬上放電😨😨😨 一到Playground,BBQ尤如電兔,不停跑、爬、跳⋯歷時兩個多小時,我就追住佢兩個多小時,佢同我都全身濕透,怕佢吸番D汗入去會唔舒服,即刻返去同佢一齊沖涼⋯ 沖完涼,都係1200,先至過咗半日,晏都未食,Q MaMa已經感到十分疲累🤪仲有大半日呀⋯ 🤪🤪🤪🤪🤪有無放電助理介紹?包保可以減肥🤣🤣🤣🤣 #高齡日誌 #qmamaslife #babyjustusq #週日放電活動 #你放電所以我無電 #MaMa巧眼瞓怎麼辦 #強烈需要放電助理

A post shared by 車婉婉 Stephanie Che (@cheyuenyuen1228) on

自己骨肉當然唔會介意為佢付出啦!尤其是對車婉婉嚟講,呢個仔亦係得來不易!首先入行之後有算命師傅批佢呢世都結唔到婚、生唔到仔!但係最終車婉婉41歲就自然懷孕,仲以42歲嘅高齡,生咗BBQ呢個健康巨B!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!