容祖兒演唱會

【容祖兒演唱會】宣布加開6場 為打擊黃牛黨不設售票處賣票|內附售票詳情

最新娛聞

廣告

樂壇天后容祖兒(Joey)為紀念入行20周年,將於8月5日起在紅館舉行《PRETTY CRAZY演唱會》,而今天Joey為個唱舉行記招,宣布由原定12場加開多6場,合共開18場演唱會,破咗容祖兒演唱會嘅場數紀錄。個唱門票於明天(5月9日)在城市售票網公開售票,為打擊排隊黨,大會公佈最新售票方式,作為Fans一定要跟貼啦!

撰文:東方新地 圖片:新傳媒圖片

容祖兒演唱會 明天公開售票

樂壇天后Joey較早前公佈8月5日舉行一連12場紅館演唱會,而為滿足樂迷需求,決定加開6場,共18場,刷新Joey入行以來的演唱會場數紀錄。Joey表示:「呢次加場唔係為咗單單要破紀念,而係一個挑戰,都讓我嘅體力可以好好分配,因為每場都係用一樣體力去應付,唔好因為太興奮而用力太多,搞到之後冇體力,咁就對唔住我啲歌迷。」

城市售票網呼籲顧客切勿光顧「黃牛黨」,並公布容祖兒演唱會門票售票安排指,將不設售票處售票,只設網上、流動應用程式及信用卡電話訂購。Joey回應話:「大家對黃牛黨都十分重視,公司決定這次不返售票處賣票,需要大家上網購票,以及演出前十四天內取票,希望這次可以有助抑制黃牛黨,可以讓想看我演唱會的人、真心支持我的歌迷能夠前來觀看。希望進場看我的歌迷都是從小看到大,真心支持我的人,而非隨便找一個節目來香港做。」

城市售票網今天亦公布容祖兒演唱會門票售票安排,屆時將不設售票處售票,只設網上、流動應用程式及信用卡電話訂購,從上述途徑購票的人士,須於每一場演唱會的演出日期前14天內至演出當天,攜帶購票的信用卡到城市售票網售票處或自助取票機提取已購門票;不設郵遞及速遞服務。每人每次限購最多4張門票。售票首天購買《PRETTY CRAZY演唱會》門票時,當使用同一信用卡的累計購票數量在任何一次交易中已達上述的每次購票上限,該信用卡於當天即不能再用於購買此節目任何場次的門票。

售票詳情如下:

容祖兒《PRETTY CRAZY演唱會》共開18場,門票將於5月9日(星期四)上午10時起於城市售票網公開發售,可透過以下途徑購票:

1.城市售票網網頁

2.流動應用程式My URBTIX(Android 及 iPhone版)

3.信用卡電話購票:2111 5999(每日上午10時至晚上8時,包括公眾假期)

另外,除城市售票網和香港體育館的渠道外,主辦機構將透過英皇娛樂嘅網站公布演唱會的訊息。

主辦機構查詢電話:2835 6688

好友黃偉文為個唱起名

Joey之前特意飛去東京影演唱會宣傳海報,為貼切演唱會「Crazy」主題,Joey透露演唱會名字「PRETTY CRAZY」是由好友黃偉文(Wyman)為她度身而設,更大讚個名真係起得好︰「呢20年嚟無論喺工作上、不同經歷上,一路走嚟都真係PRETTY CRAZY!『PRETTY CRAZY』呢兩個字,既可以代表到我哋對工作上面嘅CRAZY,又可以代表到我哋一直努力追求嘅優雅,簡單兩個字形容咗我呢20年,Wyman真係勁﹗」

紀嘉良拍攝海報

今次演唱會海報,Joey找來初入行20歲第一次開紅館演唱會合作過的國際知名攝影師Leslie kee 紀嘉良合作,她表示去年東京睇明哥(黃耀明)演唱會嗰陣突然諗起Leslie,就即刻約咗佢出嚟食半個鐘嘅下午茶,就定咗喺今年一月份影呢輯相,「大家工作時間關係,我只係用咗一日飛去東京,24小時crazy咁完成呢次海報,影咗好似有超過12個鐘咁耐,一落機就去影相,影完就上機走,所有衫、形像設計,都係Leslie一手包辦,佢細致到每套衫都要我換埋指甲襯色,真係未試過咁影法,完成作品當然係very pretty!影咗好多套衫,多到返嚟香港,淨係揀相都揀咗好耐,因為張張都好好,最後經過公司所有同事投票,揀咗我最鍾意嗰一張用!」佢仲話之後大家仲可能睇到好多唔同款嘅海報!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!