《使徒行者3》佘詩曼釘姐無影 專注內地賺人仔 酒醉調戲泊車仔

撰文：東方新地 圖片：新傳媒圖片、Instagram、微博

《使徒行者3》撞期 佘詩曼原來為《燕雲台》推Job

當《使徒行者3》2019年8月埋班拍攝時 ，佘詩曼因為接拍了古裝劇《燕雲台》，飾演遼國女武神皇太妃蕭胡輦，因檔期要遠赴內蒙古取景而不能回港重演「釘姐」一角！近年在國內發展甚為吃香的佘詩曼，前年受到《延禧攻略》帶挈下，在內地紅到發紫，其微博粉絲 人數已突破千萬，2019年又接拍了《延禧》幕後班底製作的民國劇《鬢邊不是海棠紅》，與黃曉明合演夫婦，大家庭勾心鬥角，演二奶奶的阿佘對於這個性格與自己反差不小的角色，也是一個新的挑戰。

佘詩曼霸氣蒲老尖 經理人傍實

劇接劇再加上綜藝節目真人騷等工作，阿佘努力搏殺亦要攝時間抖氣減壓。 當時阿佘返港出席私人活動做嘉賓，完成工作即趕下場 夜會一班好兄弟，當中包括林國斌、盧惠光及郭政鴻，向來 飲得又玩得的阿佘，當晚凌晨盡興離開夜店時面紅紅又腳步浮浮，更一度調戲泊車仔，大叫對方駛開架車畀佢上車，阿佘帶住醉意當街當巷撒嬌，即有大班兄弟護航，霸氣盡現。

當時在內地拍民初劇的阿佘，抽空返港出席一間私人公司的慶祝活動，盛裝打扮的阿佘踩住4吋高踭鞋，與經理人陳早茵到達尖沙咀一間酒店。

《使徒行者3》請不動詩曼拒回巢拍

在內地拍劇享有巨星級待遇，酬勞亦可觀，阿佘短期內未有打算返娘家無綫再捱更抵夜拍 劇，據知無綫曾斟洽佘詩曼回巢拍《使徒行者3》，但最後阿佘表示因撞期未能參與，原來她要赴內蒙逗留五個 月古拍新劇，更要拍攝騎馬場面，她說：「雖然我識騎馬，但自己唔係運 動型，對騎馬唔係特別鍾愛，又擔心會整傷腰部舊患，見到劉華之前 遇墮馬意外都驚，雖然會有替身做準備，但都盡量想自己做。」

拍內地劇要中、港兩邊走，雖然疲累，但阿佘卻非常享受。知情者說：「拍一套內地劇錢多回響大，阿佘眼光已經放喺國內好多年喇！香港市場咁細，閒時返香港露吓面keep住曝光率就得，佢依家工作安排以接內地劇為優 先，起碼唔使好似喺香港拍劇咁通頂幾日，有足夠時間畀佢休息，阿佘勢不可擋，佢諗住搏殺多 幾年就收手，係時候畀自己搵個好男人結婚。」

凌晨兩點，阿佘面都紅晒步出夜店，望住自 己架七人車泊在對面街，被外圍的車擋 住，她即時手指指叫泊車仔駛開其他車。見 阿佘腳步浮浮，同行男友人上前輕扶，經理 人陳早茵即緊張護佘。

佘詩曼危企車邊

阿佘見遲遲都未能離開，企起身拉開車門把整個人伸出車廂，男友人見狀即上車安 撫她並為她指揮交通讓她離開，不過阿佘 堅持要同男友人咬完耳仔先肯走。

佘詩曼曾為事業放棄愛情

阿佘早前接受訪問時透露自己為事業拼搏，曾放棄當少奶奶的機會，她說：「當年花樣年華嘅我選擇咗事業，確實有因為事業放棄愛情嘅時刻，呢個係我嘅選擇，唔會後悔，我就係喜歡我嘅工作，喜歡演戲。我相信愛情，我覺得我會遇 到一個真正喜歡嘅人，但我唔會強求。」放棄愛情的阿佘，並未放棄以酒會友，當時她難得返港出席一個私人公司活動，盛裝現身腳踏4吋高踭鞋的阿 佘，於活動結束後，在經理人陳早茵陪同下趕去尖沙咀夜店會友飲酒消遣，據知該次聚會除了阿佘，幾乎是全男班，當中包括林國斌、盧惠光、郭政鴻及林敬剛。

酒量驚人

行走娛樂圈多年，阿佘是圈內有名的酒精愛好者，其酒量亦驚人，絕對是女中豪傑。當晚玩至凌 晨2時許，阿佘笑住離開，面紅紅的她似乎非常盡興，除了陳早茵在旁照顧外，更有一大班兄弟傍 實，high爆的阿佘見到自己的七人車被泊車仔看管的其他車輛包圍未能駛走，她當街命令對方：「你快啲駛開架車！」上車後她更不理七人車正在行駛，打開車門向她的一班兄弟撒嬌，其中一人見情況危急，即上前安撫她，擾攘一輪阿佘才肯乖乖坐好。 在圈中人緣甚好的阿佘，每次返港抖氣要飲酒減壓 都一呼百應，不過佢班好姊妹湯盈盈、周家蔚、鍾麗淇 及文頌嫻等全部都忙於湊仔女，現已甚少陪她參與夜間飲酒活動。

佘詩曼內地劇接劇

阿佘在北京民國劇《鬢邊不是海棠紅》，在官方劇照中，飾演二奶奶的阿佘造型驚艷又吸睛，盤頭髮型甚具氣質，充滿貴氣，她與黃曉明在劇中演一對夫妻，擦出不少火花。

劇集煞科

拍了將近半年的《鬢邊不是海棠紅》煞科後阿佘稍作休息，又轉去內蒙古拍另一部古裝劇。

呻爆唔夠瞓

在國內拍劇要早睡早起，阿佘雖然有時會感到眼瞓，但她已習慣拍內地劇的工作模式。