林子祥

右耳聽力永久受創 林子祥搵仔傍實再踏紅館

殿堂級歌手買少見少,每次開演唱會需要投入大量腦力體力和動力,自然愈開 愈少相隔愈多年。好彩仲有林子祥,雖然年屆71歲,十六年前又因為意外墮台右耳聽力永久受損,難得繼續有氣有力有熱誠,上周五 (3日)一連五場《林子祥Lamusical 2019演唱會》 在紅館開鑼,雖然唱功仍寶刀未老,但近年耳疾惡化,阿Lam右耳聽力已所剩無幾,要長時間站台表演好辛苦,今次有接班人林德信全程傍實參與演出,咁就唱得更加安心!

撰文:東方新地 圖片:新傳媒圖片

林子祥搵仔 傍實再踏紅館

2003年5月3日,林子祥擔任汪明荃演唱會嘉賓,在演唱〈男兒當自強〉期間,因為升 降台過早降落失足跌進深八呎的洞底。當時頭部遭受嚴重撞擊,右耳骨碎裂腦現血塊,並 一度昏迷被送入院,更住足三晚深切治療部。事後雖然康復進度理想、又四處拜訪國外耳 疾專家求醫,兩年後亦再次復出紅館舞台,不過右耳聽力永久受損、長期受耳鳴困擾,平 時需要用助聽器、上台亦要用特製耳機調校音量,更表示最遺憾係聽力從立體聲變單聲 道,從此冇得享受聽靚聲,知情者說:「早前阿Lam以為助聽器失靈,原來係右耳又差 咗,依家聽嘢更加辛苦,有時都會忟憎。」好彩耳疾和高齡亦無阻阿Lam對音樂的熱誠和 歌迷的熱愛,相隔三年,日前又開紅館個唱!