余文樂

余文樂曬兒子慶生照 一個舉動遭網友狂插自私精

余文樂喺2017年同台灣皮帶千金王棠云(Sarah)結婚,佢哋嘅愛情結晶品余初見(Cody)喺去年5月出世。余文樂自從榮升爸爸之後化身「曬B狂魔」,不時都會上載同囝囝嘅親子相,由於余文樂同太太有共識,為保護囝囝,唔想畀佢嘅真樣曝光,所以好多時都只出手仔腳仔相,即使正面照都會遮樣。日前係Cody嘅1歲生日,樂仔事後分享兒子慶生照,但一個舉動遭網友狂插佢係自私精到底發生咩事呢?

 

撰文:東方新地 圖片 :新傳媒圖片、Instagram

余文樂為兒子慶生

余文樂同台灣模特兒王棠云結婚2年,去年5月更迎來兒子余初見,日前係Cody嘅1歲生日,余文樂同老婆為囝囝搞生日派對慶祝,仲邀請咗好多好朋友及小朋友出席,仲上傳大合照到IG同大家分享喜悅,他寫道感謝眾人:「感謝所有愛他的親朋好友,他是一個幸福的小朋友,謝謝你們來。」

余文樂只幫兒子遮樣

本來分享生日相係開心事,但網友睇完都狂鬧余文樂「自私」!事關網民發現樂仔只係幫Cody遮樣,但同場嘅小朋友就未有遮樣,網友認為佢嘅行為相當「自私」,紛紛留言話「有冇問下其他人想唔想你post佢地嘅小朋友上網,你識遮自己個仔,但就唔考慮其他小朋友,己所不欲,勿施於人呀!」、「其他小朋友都係人囉」、「大方啲啦,又要影又要遮!」